لما سواق الميكروباص يخبط عربيه الشرطه

المكان شارع شبرا عند الدوران الساعه 5 فى عربيات ميكروباص بتقف تحمل و تعطل الطريق والشرطه جت بتمشى العربيات ديه فواحد منهم بيرجع بظهره راح خبط فى عربيه الشرطه خبطه عبيطه جداااا راح الباشا الظابط خبط ع الميكروباص وقاله انت مش شايف يا ابن .......... وراح فاتح باب الميكروباص وقاله انزل يا ابن ........... وخده ع البوكس وعسكرى راح خد الميكروباص ع القسم بصراحه انا كنت مبسوط وانا بتفرج علشان الواحد شاف من الميكروباصات ديه الكتير بس تفتكروا لو كان ملاكى اللى عمل كده كانت هتبقى نفس المعامله ولو معاك مراتك او خطبتك او امك هيبقى احساسك ايه وانت مش عارف ترد ( الناس اللى ليها ظهر ملهاش دعوه طبعا ) ؟

ياريت كان ضرب سواق الميكروباص بالجزمه في الشارع
سواقين ميكروبا ص شبرا
قمه في قله الادب والسفاله والاجرام
عيال بلطجيه ومسجلين
واحد منهم خبط سواق تاكسي من يومين في شارع روض الفرج
خبط له العربيه وضربه هو التباع
وطلعوا سلاح علي الناس اللي واقفه في الشارع لما حبوا يدخلوا

و الله لو واحد محترم و معاها عيلته مش هيخبط بالمنظر اللى انت شوفته و حتى لو عمل كده الشرطة هتشوفه محترم و كمان بيتكلم كويس و يتاسف فما فيش مشكلة انما المكروباصات ديه فئة احنا عارفينها و مينفعش معاها للاسف غير كده

انا من شبرا وعايز اقولك اني مبسوط جدا من الي بتحكيه ده عشان ياما شفت من السواقين بنت النيت دول وبالذات في شارع روض الفرج نفسه وبتهيألي لو ملاكي المعاملة هتختلف لان بصراحة كل الكماين والظباط الي عديت عليهم كانت المعاملة والكلام محترم

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

و ايه يعني ده اقل واجب
ده كدة ظابط محترم

اقتباس:

---

المشاركة الأصلية كتبت بواسطة amrelsaqqa

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

---

طول عمري بتفق مع حضرتك في كل حاجة الا الكومنت ده

ده اقل واجب يحصل فيه ولو طال يموته كمان انا هبقى مبسوط جداً .. متقوليش ده انسان ومتنفعش المعاملة دي لان ده مش انسان .. ده بلطجي حيوان شيطان مجرم مسجل خطر على هيئة انسان

طيب انا هقولك علي حاجة ده لو كان مكان الظابط شخص عادي كان هينزل ويتخانق معاه وهيكون نفسه يطلع عينه
وده اللى قدر يعمله الظابط مع سواق الميكروباص
احترامي للجميع

لو سواق ملاكي هو اللي كان اتخبط من الميكروباص كان زمان سواق الملاكي في العناية المركزة

بعد الي شوفته في تعامل حيوانات الميكروباص مع زوج و زوجته و انهم ضربوا سيده بسيخ حديد لا انا مبسوط و يا ريت كان ضربو بالنار دول شويه زباله لا يستحقو الحياه اساسا
http://www.nilemotors.net/Nile/420548-a.html
و شوف يا افندم الموضوع ده علشان تعرف انهم فئه ادني من الحيوانات وصلت بيه الدرجه انهم يضربو سيده تحمل ابنها الرضيع بسيخ حديد

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

Sent from my GT-N7000 using Forum Runner

الي تامر

معترض تماما محاولة القاء اللوم و السلام علي ضابط الشرطة وبس

انا يوميا بشوف في الشارع ضباط كتير بيؤدي واجبهم من اول الكماين لحد الخناقات العادية اللي الناس

محاولة صنع المثالية متنفعش مع ناس عيارها فلت وسواق الميكروباص دة اتعلم الادب وحيفكر الف مرة يتخانق ليجي ضابط شرطة يظبطة

الناس (مش انت) عمالة هايصة عالنت الان بصراحة افترا وبس علي ضباط الشرطة بس لاهداف سياسية

صديقي (ضابط) وعندة طفل سنتين عاي فكرة واسرة برضوا لسة متاخد رصاصة في فخذة من مجرمين في برج العرب كانوا بيثبتوا عربية ملاكي فيها اسرة . مينفعش التعميم وادخال الفكر السياسي في اي مشاركة تخص الشرطة او القانون او القضاء عامة كدة

انا متفق معاك فى اللى الضابط عمله وعلى فكره الظابط ميقدرش يعمل كده مع ملاكى

اقتباس:

---

المشاركة الأصلية كتبت بواسطة تامر.محمد

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

Sent from my GT-N7000 using Forum Runner

---

-مفيش كلام يتقال بعد كلام حضرتك ده Summary بتاع المجتمع المصري

منطق غريب فى التفكير
وفيه شماته وفرح لانه جاى على هواك

قبل الصورة كنت الوم على الشرطة طريقة تعاملهم مع البشر
وبعد الثورة وما شاهدناه من انفلات عذرتهم
والان لا ارى مايمنع من تطبيق القانون على ضابط الشرطة والبلطجى واى بنى ادم مصرى
ماذا كان يضير الضابط لو فقط نفذ القانون بدون تجاوزات حتى مع سواق الميكروباص

بغض النظر عن إن سواقين الميكروباص بلطجية إلا إن الشرطة في ختمة الشعب ( ختمة مقصودة )

-انا كنت مبسوط وانا بتفرج وحاسس بشماته فى السواق وبقول اااااااحسن يا روح ......... علشان هما فعلا فئه عاوزه الحرق
وبعدها فكرت فى طريقه معامله الظابط وقولت طب افرض انا اللى كنت خبطه ؟ واقول لأ المفروض مكنش اتعامل معاه كده امال ثوره ايه اللى عملنها
-بعدين ارجع اقول طب لو انا اللى خبط سواق الميكروباص كان هيعلمنى ازاى اكيد كانت هتبقى خناقه وياعالم ايه اللى هيحصل
-طب لو كان الظابط واقف والسواق ده خبط ملاكى كان هيبقى عنده نفس رد الفعل ولا موقفه كان دفعااااا عن البدله
بس انا شايف بعد ما فكرت كتير فى اللى حصل ان الشرطه تعامل كل فئه باسلوبهااااااا وتتدافع عن الفئه اللى مش بتعرف تاخد حقها بدرعهااااا مش نفسها بس وياريت يتنفذ مشروع احلال الميكروباص علشان انا مش عارف ازاى المكيروباص الترامكو ده بيترخص لحد دلوقتى

سواقين الميكروباص نصهم بلطجيه والباقى مسجلين خطر وتلات ترباعم ممعاهمش رخصه سواقه اصلا

وانا مبسوط من اللى عمله الضابط وياريت يجى هنا يربى سواقين خط المرج - المطريه والمرج - الف مسكن ويعمل نفس اللى عمله ده

حضرتك و باختصار الموقف ده مثل حي علي انعدام القانون في بلدك
و من الاخر اللي بيقدر علي حاجه بيعملها بغض النظر عن وظيفته و مكانته

اقتباس:

---

المشاركة الأصلية كتبت بواسطة تامر.محمد

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

sent from my gt-n7000 using forum runner

---

الله يكرمك والله وفرت عليا اعادة شرح وجهة نظري :)

سواقين الميكروباصات دول فئة بفرح فى كل مصايبهم, وبشمت فيهم, وبتمنالهم الأسوأ
ولما بشوف واحد منهم ماشى على الدايرى عكس بفضل اتخيل ان لودر جاى فى طريقه مظبوط وسواقه مش واخد باله ويروح واخد الميكروباص فى وشه...وش فى وش, والسواق مايموتش, بس يطلع مقطع حتت
ويفضل عايش ذليل طول عمره يتمنى الموت مايطولهوش
وتقول لى ناس زعلانه انه اتاخد على القسم؟

قبل ما نقول سائق الميكروباص يستحق
نفكر فحاجة بسيطة
لما سواق الميكروباص بينزل يعمل كده فسواق ملاكي واصحابه كمان معاه
بيبقي فين الظابط من كل ده ؟؟

اقتباس:

---

المشاركة الأصلية كتبت بواسطة s o p h o s

قبل ما نقول سائق الميكروباص يستحق
نفكر فحاجة بسيطة
لما سواق الميكروباص بينزل يعمل كده فسواق ملاكي واصحابه كمان معاه
بيبقي فين الظابط من كل ده ؟؟

---

لو موجود بيتدخل طبعا مش بيقعد يتفرج

انا عايز اقول حاجة بسيطة للكل .... التعامل مع الاجرام مينفعش معاة الذوق والا حيركب ويدلل

واظن كلكم فاكرين بعد الثورة لما كان سواقين الميكروباص بيشتموا الضباط بتوع المرور وفرحانين انهم بقم ينزلوا يضربوهم

دة اسمة اجرام

والا فالتطالب المجرم انة يعامل الطرف الاخر ضابط او سواق ملاكي عادى بالادب قبل ما تطلب من الشرطة انها تعامل المجرم بالذوق

انا بجد مش فاهم الناس بقت تفكر اذاى

انتم فاكرين اية مثلا ! في امريكا والدول المتقدمة بيطبطبوا على ضهرهم ويدولوة ازازة مياة

فى امربكا على طول بيتقلب على ضهرة ويتكلبش ويضرب ويترمي فى العربية ... كفاية ادعاء المثالية يا خوانا احنا في غابة ولازم تتلم


ومحدش يقول طالما سمحت يعمل كدة في السواق متلمش علية لما يعمل كدة فيك ... مقيش ضابط بيعامل محترم بقلة ادب ويرمية عالحجز كل دة روايات وحكايات فيسبوك بتقروها

المجرم عايز صرامة وقوة عشان يرتجع مش طبطبة ...

الناس مش عايزة تصارح نفسها ...

اللهم اضرب الظالمين بالظالمين