ارجو منكم التصويت على هذا الاستطلاع
عرض للطباعة
ارجو منكم التصويت على هذا الاستطلاع
راضى جدا جدا جدا .... ولو رجعت تانى اشترى حشتريها
يا جماعة العربية دى ممتازة بجد ومظلومة فى الاعلان عنها
كنت اتمنى بس يكون فيها فرامل abs وشوية حاجات صغيرة ويوصوا تمن الاتوماتيك منها بعد اضافة مثلا الفرامل الى 90 الف او 88 الف
حتلاقى اقبال اكتر بكتير بجددددددددددددد
ناثفة مش معناها وحشة من وجهة نظرى انا بشعر بأمان أكبر مع هذة النشوفية وان عربيتى ماسكة نفسها واقدر اعمل بيها اى حاجة ورأأى الشخصى العفشة ميزة فى النيو اكسنت على حسب التقدير العلمى للى بيفهموا فى العربيات
لو سمحتم والله لو حد ممكن يعطيني اسعار قطع غيار النيو اكسنت.... او اذا كانت موجودة في المنتدى يدليني على الرابط بتعها .....لاني محتاج ضروري اكون فكرة عن اسعار قطع الغيار بتاع النيو اكسنت اللى الناس بتقول عليها ناااار ... ولكم جزيل الشكر....:helpsmilie:
فى البداية احب اقوول ان العربية ابتدأت تنتشر ودة نتيجة الاقبال عليها وانا عن نفسى بشفها كتير لانها فعلا عربية كويسة بالنسبة لمقارنتها بفئاتها وانا اقيمها تقيم شامل بنسبة 96% ال 4% اللى باقيين السبب فيهم (الكاسيت والسنترلوك) عشان هما تأفيل محلى.
وعشان تصدق ان المصريين دول تأفيلهم اى كلام (افتح باب السائق هتشوف عند مفصلة الباب اللى تحت كام سلك كدة بينين جايين من الباب وخرجين من تحت الجلدة اللى كوريا عملاها وريحين جوة العربية)وطبعا المنظر دة معجبنيش بس انا خد بالى منة عشان انا فليت العربية بس عادى هنعمل اية يعنى دى الحاجة اللى كنت عوزكم تعرافوها .
1-الموتور: DOHC - 4-cylinder CVVT (Continuously Variable Valve Timing) -Injection-1600 CC - 112 HP
بالنسبة لل cvvt هى تقنية جاءت فى الجيل الثالث من مواتير شركة هيونداى ومعناها (استمرارية التوقيت المتغير للصبابات) وهذة التقنية تساعد على التقليل من معدل استهلاك الوقود وتساعد ايضاً على زيادة سرعة ال Acceleration (التسارع) فى السيارة ولذلك نجد ان كفاءة الموتور تزداد من خلال هذة التقنية.
ويبدأ الموتور باستخدام ال112HP كاملة عند الوصول الى 4200 RPM
فتيس السيارة سالس وناعم هو بس محتاج معاملة مظبوطة يعنى متنتش الغيار بسرعة - ريح الفتيس فى حراتة المظبوطة بسالاسة وهو يبقى هوى معاك عشان انا سمعت ناس بتقول انه تقيل..... ابداً الموضوع عكس كدة تماماً
السيارة ذات اداء رياضى قوى يحقق التسارع من 0 الى 100 km فى خلال 10.2 ثانية.
2-العفشة والشاسية: بمأن السيارة ذات طابع رياضى فلابد من احتياجها الى تعليق رياضى وعفشة رياضية ثقيلة وشاسية قوى يتحملا اداء السيارة ، وبالطبيعى العفشة لازم تكون نشفة لكى تقوم بالعمل المريح للسيارة وعلى فكرة النوع دة من العفشة بيعيش اكتر من اى عفشة تانية.
3- السيارة بصفة عامة من الخارج: السيارة عالية شوية بس عادى ودة مهم فى مصر طبعا عشان المطبات الحلوة بتعتنا - شكل السيارة من الخارج جميل وجديد ومقدمة السيارة ملمومة حيث تأخذ انطباع السحر والجمال والاناقة ومؤخرتها توحى بالهدوء ، ويأخذ صندوق الامتعة (الشنطة) حيز صغير من هيكل السيارة الخارجى مما يعطيها ثبات اكثر على الطريق.
انا راضي عن الاداء
لكن مش راضي عن الخدمه
السياره قويه جدا
اعتبرها افضل سياره 1600 من هيونداي
ومعمره اكثر من الالنترا نفسها
عيوبها في قطع غيارها
مش متوفره في السوق العادي
وفي التوكيل نااااااااااار
غطا الطاسه ب145 جنيه
تيل الفرامل الخلفي ب450 جنيه
فلتر التكييف ب700 جنيه
الاسعار دي بتاريخ 1/11/2008 غبور دمشق
عموما لابد من حل لهذه المشكله ان شاء الله لان السياره انتشرت ومافيش حد مستعد يدفع 1000 جنيه كل شهر ولا اتنين علشان يغير تيل فرامل
هل قطع الغيار العالية هيا السبب في عدم انتشارها
انا مقتنع بيها جدا لكن قالقني ليه منتشرتش زي الالنترا و الجيتز
ارجو النصيحة من ملاك العربية
انا بالنسبة لى راضى جدا عن اختيارى لهذة السيارة
انا برده راضى جدا عن اقتناء النيو اكسنت و هى ممتازة و شايف انها احسن عربية من عربيات هيونداى
ياريت الخمسة يقولو ع المشاكل ويكونو ايجابيين
العربيه دي كويسه وزي الفل
طبعا انا امتعنت عن التصويت لاني مش راضي اوي وبرضو مش ندمان اني جبتها
بس هي محتاجه ترخص شويه تبقى زي الفل
عموما العفشه الناشفه محتاجه رعايه يا جماعه
وارجوكم خلو بالكم من عربياتكم وامشوا بالراحه متجروش الا على الطرق
وعند ركوب ناس في الخلف برضو امشوا بالراحه
وربنا يباركلكم في عربياتكم والنيو اكسنت زي الفل ويعتمد عليها ومعمره كمان
أنا عضو بقالي حوالي سنة ونصف ولكن دي أول مشاركة لي ، لأني كنت لسه بجمع معلومات علشان كنت ناوي أشتري عربية والحمد لله أنا هاستلم النيو أكسنت إن شاء الله كمان يومين
العربية شكلها رائع بس كان نفسي الفرامل تكون Abs
أدعو لي يا اخوانا
انا ان شاء الله حجيبها رغم اني كان نفسي في حاجة احسن بس نعمل ايه في اسعار السيارات في مصر
فياريت اي حد جربها و شايف في مشكلة يقولنا
لان واضح ان كل اللي جابوها و شاركو في الموضوع مقتنعين بالسيارة
يا جماعه هي عربيه كويسه بس كل واحد واحتياجاته حسب احتياجاتك تختار العربيه عموما هي قطع غيارها غاليه شويتين
مفيهاش عداد حراره عفشتها ناشفه (تعتبر عيب بالنسبه لناس وناس بلنسبه ليهم ميزه)يعني حسب احتياجاتك من العربيه
ميزاتها تجميعها كويس مساحتها بلنسبه لحجمها الصغير كويسه يعني ده الي انا فاكره والي عايز حاجه يسال وانا تحت امره