مسافر اسكندرية أنا والأسرة يومين وعايز شقة إيجار

**asaeed** · 17-05-2014 12:53 PM

السلام عليكم أهل إسكندرية وإحبائي في الله
الدال على الخير كفاعله
أنا من القاهرة معزوم على فرح في الإسكندرية وقلت فرصة أغير جو يومين كده مع الأسرة، وكنت عايز تليفون سمسار في شارع خالد بن الوليد يكون أمين ويتعامل بما يرضي الله، ولا حتى تليفون حارس عقار يكون بيأجر شقق لعائلات... بس محتاج أعرف برده سعر اليوم في شقة متوسطة تعمل كام، خصوصًا أني مسافر فجر الأربعاء الجاي على طول وهمشي فجر السبت قبل انتخابات الرئاسة
ياريت أهل اسكندرية الجدعان ينصحوني أعمل إيه خصوصًا أني معرفش حاجة في اسنكدرية نهائيًا ومرحتهاش إلا مرتين في حياتي.. وأول مرة أروح لحالي علشان أحجز شقة هناك... مش عايز ألف وأتعب أسرتي معايا خصوصًا أن زوجتي حامل ومش عايز يبقى فيه إرهاق عليها...
وجزاكم الله خير الجزاء إخواني في المنتدى

**بحار** · 18-05-2014 07:18 AM

+11111111111111111

**asaeed** · 18-05-2014 07:01 PM

إيه يا جماعة أنا دخلت مكان غلط ولا إيه
97 مشاهدة ولسة محدش جاوب خالص
يا جماعة الدال على الخير كفاعله... نصيحة لأخوك المسلم يجازيك بها الله خيرًا

**Mohamed.Muslim** · 19-05-2014 01:13 AM

بص انا معرفش سمسار فى اسكندرية بص نصيحة منى بما انى من سكانها وبما انك مرحتهاش غير مرتين فاسكندرية مش زى زمان و بلاش خالد بن الوليد لانه برضه مبقاش زى زمان الشارع بقى عبارة عن حارة واحدة للعربيات و معظمه محلات و باعة جائلين و سرسجية و الشارع تقريبا مبينامش غير بقى الكارثة الكبرى منطقة ميامى بدوران جيهان بما فيهم خالد بن الوليد فيها مشكلة مياه من بعد الثورة معظم المنطقة المياه يا ضعيفة يا بتروح و تيجى يا مقطوعة حتى لو بمواتير ...

**إبراهيم المصرى** · 19-05-2014 02:01 AM

المشاركة الأصلية كتبت بواسطة m.khalil

بص انا معرفش سمسار فى اسكندرية بص نصيحة منى بما انى من سكانها وبما انك مرحتهاش غير مرتين فاسكندرية مش زى زمان و بلاش خالد بن الوليد لانه برضه مبقاش زى زمان الشارع بقى عبارة عن حارة واحدة للعربيات و معظمه محلات و باعة جائلين و سرسجية و الشارع تقريبا مبينامش غير بقى الكارثة الكبرى منطقة ميامى بدوران جيهان بما فيهم خالد بن الوليد فيها مشكلة مياه من بعد الثورة معظم المنطقة المياه يا ضعيفة يا بتروح و تيجى يا مقطوعة حتى لو بمواتير ...

[justify]
يا باشا عندك حق وجزاك الله خير على النصيحة انا كنت فى اسكندريه 3 ايام ونزلت يوم شم النسيم الصبح قبل الزحمة واحب اضيف ان وقفة الكورنيش برضة مشكلة عند اخر خالد بن الوليد ناحية ميامى ديه فى الشتا بتبقى واقفه
وبالتوفيق[/justify]

**asaeed** · 19-05-2014 11:27 PM

جزاكم الله خيرًا على النصيحة الهامة..
ولكن لو عايز أروح اسكندرية أقعد يومين وبسعر معقول... في الفترة إللي ذكرتها سابقًا.. أي مكان ممكن أروحه ويا ترى اليوم يبقى بكام وفي نفس الوقت يبقى المكان فعال وفيه حركة
الله يبارك فيكم الرد ضروري لحسن أنا المفروض أسافر بعد بكرة إن شاء الله

**Hikayat** · 20-05-2014 09:46 AM

بص ياباشا اولا لو رايح انت لوحدك يبقي عادي اقعد في المنطقه بتاعه خالد هتلاقي شقق هناك بمنتهي السهوله لان دي اماكن وشقق المصيفين انما لو رايح انت والعايله يبقي بلاش لان المنطقه دي موبوءه
بس المشكله ( بتهيالي ) انك صعب تلاقي في حته تانيه غير خالد لان هناك الشقق موجوده كتير
انزل المعموره وكده كده هتلاقي بدل السمسار هناك الف وتطلع تشوف الشقق بنفسك وفاصل معاهم انا كان بيقولي ب 300 الليله كنت باخدها ب 150 الليله ففاصل علي قد ما تقدر
ونصيحتي ليك مدام انت والعيله انزل المعموره

**Hikayat** · 20-05-2014 09:51 AM

ولو عايز تليفون سمسار في خالد اديك بس زي ما قلتلك ابعد عن المنطقه دي كلها ويا تنزل المعموره يا تشوف حته تانيه بعيده عن المنطقه دي كلها

**asaeed** · 20-05-2014 10:40 PM

المشاركة الأصلية كتبت بواسطة hikayat

بص ياباشا اولا لو رايح انت لوحدك يبقي عادي اقعد في المنطقه بتاعه خالد هتلاقي شقق هناك بمنتهي السهوله لان دي اماكن وشقق المصيفين انما لو رايح انت والعايله يبقي بلاش لان المنطقه دي موبوءه
بس المشكله ( بتهيالي ) انك صعب تلاقي في حته تانيه غير خالد لان هناك الشقق موجوده كتير
انزل المعموره وكده كده هتلاقي بدل السمسار هناك الف وتطلع تشوف الشقق بنفسك وفاصل معاهم انا كان بيقولي ب 300 الليله كنت باخدها ب 150 الليله ففاصل علي قد ما تقدر
ونصيحتي ليك مدام انت والعيله انزل المعموره

جزاك الله خيرًا أخي الكريم
يعني لو سافرت المعمورة الخميس (بعد بكرة) وحتى الأحد في ظل الوقت إللي ما قبل الانتخابات هلاقي سعر كويس؟؟ يعني لو شقة وسط تبقى بـ 100 جنيه.. وأخبار البلاجات إيه في المعمورة والخروجات فيها إيه نظامها... مع العلم أني معي الأسرة زوجتي وبناتي صغيرين
بالله عليك تفيدني وجزاك الله خيرًا

**ramymechanics** · 20-05-2014 10:58 PM

بص يا باشا حاجة عائلية ومحترمة ليك وللمدام حاجة من اتنين
اولا. فندق مكة فسبورتنج على البحر مستواه متوسط و ظريف وعالبحر عدل و قدامه الناحية التانية عالكورنيش باركنج باليوم .. الغرفة ليك وللمدام بالفطار تعمل حوالى 300 جنيه و هتقضوا وقت لطيف

ثانيا. تطلع على عمارات الظباط فى مصطفى كامل عند مسرح السلام قدام شاطئ القوات المسلحة تدخل على امن العمارة وتقول له عاوز شقة هيصور بطايقكم و عندهم اسعار كتير من الشقق من اول 150 جنيه و انت طالع وبردو عالبحر رشق
اتمنى لك وقت سعيد لو عاوز حاجات اعلى شوية عرفنى و انا اقولك بس هتبقى اغلى

الموضوع: مسافر اسكندرية أنا والأسرة يومين وعايز شقة إيجار

LinkBack

أدوات الموضوع

عرض

مسافر اسكندرية أنا والأسرة يومين وعايز شقة إيجار - انشر الموضوع فى :

-

-

-

-

-

المواضيع المتشابهه

زهقت من ضغط الشغل وعايز اسافر بره مصر يومين

مسافر اسكندرية وعايز مشورة

شقة فى اسكندرية يومين بليلة تتاجر بكام ؟

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

الكلمات الدلالية لهذا الموضوع

المفضلات

المفضلات

ضوابط المشاركة