الموضوع: ونش شوكة ريح على الرفرف الأمامى و أنا راكن جنب الرصيف !

تصرفك كان قاسى شوية
معتقدش الواد كان قاصد يخبط عربيتك يا استاذ مش معقولة دى ما ممكن انتا ماشى تخبط واحد او عربية يبقا كدة استهتار منك او تسيب ؟ ياريت تحوط نفسك مكان الراجل الى انتا خد منو جيركن الزيت دة الى انتا بتقول ب 100 جينة
وزاى ما هو قالك ان الونش مش بتاعو يعنى واحد زاى دة ممكن يكون اجرتو فى اليوم مش هتزيد عن 25 جينة بالكتير
يعنى انتا خد من الراجل 4 ايام من الشقا والتعب المتواصل
معا العلم بردو ان حق الزيت مش هيرجع ليك قيمة التلفيات
يعنى كدة كدة هتدفع من معاك ..........
اعذرنى معلش ممكن يكون ردى مش حلو بس عشان انا شغال معا الناس الغلابة دى واكتر واحد اعرف ان الواحد يطلع عين اهلو طول اليوم فى الشغل مش بسهولة كدة انتا تصدمو فى 100 جية

مش لاقي حاجة اقولها بعد تعليقات الأخوة اللي فاتت
وعموما لازم اللي بيغلط يتعاقب عشان الغلط مايبقاش سهل بالنسبة له حتى لو الغلط مش عن عمد او مش مقصود لأنه الغلط اللي غير متعمد معناه استهتار ولا مبالاة
وللأسف الناس اللي بتدخل دايما بيتهيألها ان صاحب العربية هيطلع بيته يدقله كام ورقة وينزل معاة فلوس يصلح عربيته (يعني مش تعبان في فلوس العربية) وان في اغلب الأحوال باستثناء فئة قليلة جدا بتبقى فعلا تعبان في فلوس العربية وكمان ساعات بتكون تحويشة العمر كمان والواحد بيتقهر على الخربوش اللي في الصاج
مرة سواق ميكروباص جرحلي العربية من ورا بالمراية بتاعته فزنقته ونزلت ابص لقيت خربوش اسود قلتلة انزل امسحة فجاب فوطة وقعد يمسح لحد ماطلعة من غير مافتح بقي بكلمة تانية ومن غير ما ينطق هو كمان لحد ما مسح اثر التجريحة والحمد لله كانت بسيطة و ركبت ومشيت من غير انفعال (الحمد لله معرفشي جت ازاي )

المشاركة الأصلية كتبت بواسطة OlaOsman

مش عارفة الصراحة إذا كان تصرفك ده صح و لا لأ.

اللى هو عمله دا احسن تصرف فى حالة زى دى
optimum behaviour

مش عارف لو انا مكانك كنت هاعمل ايه
بس لا تنس العفو عند المقدرة

العوض شئ مباح ، المهم يكون بنفس القيمة للضرر
أما العفو فهو عند المقدرة و ليس فرض

اللي انت عملتة ده صح ... النوعية دي من البشر لو معورتهوش في جيبه هاينسى كل حاجة ومهما شتمته او فهمته الصح من الغلط هاينسى الدرس في ساعتها. وساعتها هتلاقي الشارع تحول الى فوضى (اكتر ماهو فوضى)