الموضوع: ونش شوكة ريح على الرفرف الأمامى و أنا راكن جنب الرصيف !

يا جماعة حرام هو احنا بنلائى الفاوس فى الشارع
احنا بنتعب اكتر منهم

من أتلف شيئ فعليه إصلاحه

انت عملت الصح وخلى بالك انت نفعته مضرتهوش انت علمته حاجه فى حياته حيفضل يفتكرها وحيفكر الف مرة قبل ما يستهتر باموال الناس

المشاركة الأصلية كتبت بواسطة askafrawy

انا راي اننا مش لازم نيجى على واحد غلبان
بصراحة انا حصلت معايا كذا مرة بس بلاقى السايق واحد غلبان و مطحوون

بقوول ان قضى اخف من قضى لان دايما على سفر.............

انا معاك انها حاجة بتحرق الدم بس تتوقع فمصر اي حاجة

وربنا يعوض عليك يا باشا

فعلا ياباشا طالما انك شوفت انه غلبان كنت سيبته وخلاص وربنا يعوض عليك لكن لو واحد قادر مثلا كنت خليته عملهالك
والله بتحصلى كتير بس لما بلاقيه غلبان او لو واحد محترم واعتذر وكده بسيبه وبعدها بلاقيها اتحلت من عند ربنا وماتكلفنيش كتير وحتى لو كلفت بقول كأنهم وقعوا منى او اديتهم لحد غلبان وخلاص

التصرف اللى تصرفتة فحد ذاتة هو ارضاء ليك انت شخصيا عن غضبك للى حصل لعربيتك ولكن كستفادة انت مستفدتش حاجة بردو ..لا اخدت عوض ولا هو صلح اللى اتلفة ..انا من رائى ان اللى اتلف حاجة علية اصلحها بصرف النظر عن عوض او مش عوض ..انا ذنبى اية اتحمل اخطاء غيرى ..يعنى هو مستهتر انا اتحمل استهتارة لية ؟! اللى يقولك حتقبل العوض قولة اة اقبل ولازم يصلح اللى عملة لان بالطريقة دى حيتعلم وحيحرم يمشى باستهتار وحيفكر الف مرة قبل ميسوق ويخرب عربيات الناس..احنا لو سكتنا يبقى حنخلى الاستهتار يزيد ويتمادو فى لانهم فالاخر حيقولو مش حيحصل حاجة وزى مسبتة مرة حيتساب الف مرة من ناس زيك بردو وكل واحد حيقولك حتقبل العوض وتقول علية العوض ومنة العوض وروح يابنى لحالك ..انا معاك انة غلبان ومش فاستطاعتة انة يصلح بس احنا مش عاوزينة يتمادى فاستهتارة