هل يوجد حل سهل للحكات زي اللي في الصور دي

السلام عليكم جميعا

انا معايا العربيه بقالها شهر تقريبا و الحمد لله محافظ عليها جدا بقدر الامكان

لكن مع الاسف اتحكت من سايس الجراج مرتين

طبعا نصيب و قدر الله و ما شاء فعل و جايه في حاجات بسيطه مش كبيره بس حاجه تقهر لما يكون العربيه زيرو ما كملتش شهر و محكوكة كده

يا تري في حل سهل اقدر انا اعمله .. و هل مثلا ليها حل مع التأمين او اني ارشها في الوكيل و لا ما تنصحوش بحاجه زي كده ؟! او اي حاجه اداري بيها المنظر شويه و تمنع اي أذي ممكن يحصل او تقشير

http://im60.gulfup.com/18Cv1n.jpg


http://im60.gulfup.com/S6I0xd.jpg

فى قلم دوكو الوان عن بتوع البويات سعات بتصادف ان يكون نفس اللون والافضل عمل اللون بالكمبيوتر بالرقم لكمية بسيطه ممكن 1/8 كيلو جرام وقطنه صغير من كيس قطن طبى تتلف على عود كبريت وتتبرم زى راس الدبوس وتببل بالبويه وتمر بيها على الجرح

اقتباس:

---

المشاركة الأصلية كتبت بواسطة إبراهيم المصرى

فى قلم دوكو الوان عن بتوع البويات سعات بتصادف ان يكون نفس اللون والافضل عمل اللون بالكمبيوتر بالرقم لكمية بسيطه ممكن 1/8 كيلو جرام وقطنه صغير من كيس قطن طبى تتلف على عود كبريت وتتبرم زى راس الدبوس وتببل بالبويه وتمر بيها على الجرح

---

هل الطريقه دي كافية انها تداري الخدوش دي من غير ما تشوه منظر العربيه ؟؟؟!! انا برضه خايف من الصدأ و الكلام ده و مش عايز افضل سايب الحكات دي كده

فية علبة من كابسي اسمها Paint remover سعرها 25 جنية واقوى من التنر و النفض
المادة دى قوية جدا وشرهه جدا للرطوبة وانا مجربها
هدف المادة الاساسي هو ازالة الدهان بس دى عاوزة كمية كبيرة و حك شديد و مستمر علشان تشيل الدهان

لكن لما بيكون عندك خرابيش في العربية بتجيب قطنة وبتاخد كمية قليلة جدا "يادوب تبل القطنة" وبتمسح بيها مكان الخربوش هتلاقية اختفى وبعدها بحتة مبلولة تنظفها و بقطنة ناشفة تمسحها تانى كدة انت حليت المشكلة ومسحت الخربوش تماما بس عملت مشكلة تانية ان لون الدهان في المكان دة انطفى شوية

طيب نعمل اية
بتجيب شمع تلميع وسعر العلبة 5 جنية
هتلحوس الحتة المطفية بشوية شمع وقطنة وتسيبها تنشف و بعد خمس دقائق تجيب قطنة ناشفة و تمسح الشمع هتلاحظ انة نشف ومسحة صعب سنة مش مشكلة المهم تكون ايدك حنينة و ضغطتك ثابتة و حركة ايدك دائرية ومبروك العربية رجعت فبريكة

الحل دة مناسب للخرابيش البسيطة و المتوسطة اما في حالة تقشير الدهان او فرقعة الدهان لازم المعجنة و التبطين والرش

اقتباس:

---

المشاركة الأصلية كتبت بواسطة mohamed.yousri

هل الطريقه دي كافية انها تداري الخدوش دي من غير ما تشوه منظر العربيه ؟؟؟!! انا برضه خايف من الصدأ و الكلام ده و مش عايز افضل سايب الحكات دي كده

---

الطريقة ديه اعتقد انها افضل طريقه لتاجيل الرش قدر الامكان وبتدارى الجروح كويس بس عيزه حد مجربها وايده ثابته ولو شفت حد عملها قدامك هتبقى سهله
وعلى فكرة متحكمش عليها مباشرة بعد عملها بص عليها تانى يوم لما تنشف وممكن بعد التلميع ممكن متعرفش او لو حد مش عارف بيها مش هيكتشفها
وبالتوفيق