ارجو المساعده , مشكله تبطيل العربيه وهى ماشيه بالتكييف وبدون تكييف ,, ابيزا 94انجيكشن

**nwar87** · 17-05-2014 08:20 PM

السلام عليكم ورحمه الله وبركاته

احب اشكر القائمين على المنتدى الكرام , الى اتعلمت منهم حجات كتير , واتمنى انى اقدر احل مشكله عربيتى بعد مادوختنى ال 7 دواخات .

اولا انا عربيتى ابيزا 94 مغيرلها موتور بولو 1400 انجيكشن IPQ بباور وتكييف , والكنترول عندى رقمه 6k0906027E .

المشكله , وانا ماشى بالعربيه العربيه بتبطل منى وخصوصا لما بضرب فرامل مره واحده , ده مش بيحصل علطول لاكن ممكن تبطل كل نص ساعه مثلا وانا ماشى وممكن تبطل كل 10 دقايق او متبطلش هيه ومزاجها , التبطيل بيكتر طبعا مع التكييف , ولما بدور الصبح العربيه بدور عادى بس احيانا بسمع رجرجه الماتور كده تيجى مره واحده كانه هيبطل وبعدين يشتغل عادى .

محاولات الحل

غيرت البوجيهات , فلتر البينزين , نضفت الانجيكشن , نضفت البوابه كويس واكتر من مره , ولسه الحال كما هو عليه .

اخر حاجه عملتها النهارده روحت وكاله البلح اشريت بوابه استيراد من عند عبده نصر وركبت واحده واتنين وتلاته واربعه وبرده مفيش فايده , العربيه برده بتبطل , رجعت البوابه ليه وشكرته لصبره وزوقه ,, ومحتاج منكم مساعده لانى مبقتش فاهم المشكله من ايه .

**Eng.Tarek Eladwy** · 17-05-2014 08:27 PM

المشاركة الأصلية كتبت بواسطة nwar87

السلام عليكم ورحمه الله وبركاته

احب اشكر القائمين على المنتدى الكرام , الى اتعلمت منهم حجات كتير , واتمنى انى اقدر احل مشكله عربيتى بعد مادوختنى ال 7 دواخات .

اولا انا عربيتى ابيزا 94 مغيرلها موتور بولو 1400 انجيكشن ipq بباور وتكييف , والكنترول عندى رقمه 6k0906027e .

المشكله , وانا ماشى بالعربيه العربيه بتبطل منى وخصوصا لما بضرب فرامل مره واحده , ده مش بيحصل علطول لاكن ممكن تبطل كل نص ساعه مثلا وانا ماشى وممكن تبطل كل 10 دقايق او متبطلش هيه ومزاجها , التبطيل بيكتر طبعا مع التكييف , ولما بدور الصبح العربيه بدور عادى بس احيانا بسمع رجرجه الماتور كده تيجى مره واحده كانه هيبطل وبعدين يشتغل عادى .

محاولات الحل

غيرت البوجيهات , فلتر البينزين , نضفت الانجيكشن , نضفت البوابه كويس واكتر من مره , ولسه الحال كما هو عليه .

اخر حاجه عملتها النهارده روحت وكاله البلح اشريت بوابه استيراد من عند عبده نصر وركبت واحده واتنين وتلاته واربعه وبرده مفيش فايده , العربيه برده بتبطل , رجعت البوابه ليه وشكرته لصبره وزوقه ,, ومحتاج منكم مساعده لانى مبقتش فاهم المشكله من ايه .:copy of rfds:

السلام عليكم تحياتي ليك

العيب من حساس الكرانك غيرة و ان شاء الله مش هيرجع العطل معاك تاني

تحياتي لك

**nwar87** · 17-05-2014 09:04 PM

يا جماعه مفيش احتمال تانى غير حساس الكرنك ,, يعنى اتأكد ازاى

**Dr__Ahmed** · 17-05-2014 09:33 PM

دى أعراض حساس الكرنك يإما محتاج تغيير
او الفيشه بتاعته عليها زيت وفاصله
وغيره وركب واحد جديد لو ظبطت خير
فضلت زى ماهيا رجعه ... :)
ومطولش عليها عشان المارش ميضربش هوه كمان

**nwar87** · 17-05-2014 09:42 PM

المشاركة الأصلية كتبت بواسطة dr__ahmed

دى أعراض حساس الكرنك يإما محتاج تغيير
او الفيشه بتاعته عليها زيت وفاصله
وغيره وركب واحد جديد لو ظبطت خير
فضلت زى ماهيا رجعه ... :)
ومطولش عليها عشان المارش ميضربش هوه كمان

شكرا يا دكتور احمد على الرد ,, بس هل ممكن يكون ظبطه كمبيوتر لانى مظبطش العربيه على كمبيوتر خالص قبل كده ,, ولا مجرد انى افصل البطاريه دقيقه , الايرورز بتتلغى ,, هو سعره كام واجيبه جديد ولا استيراد