رحلتى اليوم مع العفشة والرشاشات
اخواتى الاعزاء تحياتى
كنت اسمع صوت خشانة فى الناحية اليمين وكذالك تاخر تدوير العربية ودخنة عند التدوير واستهلاك بنزين عايز تانك محطة بنزبن عشان اروح مشوار بسيط مش سفر
تعرفت على خراط اسمة مختار متخصص تركيب البلى واصلاح الصرة والطنابير والموتور
مكانة عند كوبرى التجنيد جسر السويس اعتقد غالبية الميكانيكية بتروح عندة
ارسلنى الى ميكانيكى بجوارة رفع العربية وراجع على العجل وجد جنب البلية متركبة جديد وجنب البلية ضايعة فك الجنب فى وقت بسيط واخد الجنب وروحت للاسطى مختار بكل خبرة وفن حط الجنب على المكبس وطلع الصرة والبلية وشاف الصرة الزور خفيف اخدة على المخرطة ظبطة رجعها جديدة وكبس البلية الجديدة
وقالى نصيحة هامة الصرة لو فيها مشكلة تبوظ البلية لازم لايكون فية اى نسبة بوش فى زور الصرة ومفيش اى ريجة او اهتزاز فى الصرة
ورجعت للميكانيكى وركب الجنب
ندخل على الرشاشات
انا موديل 2002 وكنت شاكك ان عندى الرشاشات التخان
الميكانيكى طلع استاذ شاف الرشاشات لقها الرفيعة الاصلى وقالى دى محترمة هات اسبراى تنظيف وفك المسطرة والرشاشات ونظفها كانت بطلع طين اسف للفظ
ونظف البوابة وركبهم وقالى دور العربية
دارت العربية من لمسة المفتاح وطلعت جربت العربية ماشاء اللة سحب وقوة ونعومة حسيت راكب زيرو نش مستعملة خالص
ربنا يبارك لكل صنايعى عندة ضمير وفاهم
الموضوع دة كلفنى كام
90 بلية فاج نوع المانى محترم
20 كبس بلية
10 عمل سن جديد للعجلة الخلفية ومسمار جديد كانت على ثلاث مسامير فقط
50 مصنعية ميكانيكى
25 اسبراى تنظيف الرشاشات
المجموع 195 جنية
حبيت اشاركم معى فرحتى بظبط عربيتى
ويمكن اقدر اساعد اخواتى فى اى مشكلة برعبيتكم
اليك الصور وفيدو لرحلة اليوم ومنتظر مشاركتكم وارائكم الرائعة