رايكم فى البيرسونا ضرورى لثانى مره واسف على التكرار

**amintaha** · 17-05-2014 11:21 PM

السلام عليكم
كنت عايز من ملاك البيرسونا يقولولى ايه رايهم فى العربيه لان محتار جدا و كنت كتبت موضوع فى القسم و مش لاقى ردود كتيره تريحينى ولقيت بعد المشاكل زى موضوع الدهان الخارجى وانا سئلت فى التوكيل وانه الموضوع ده اتحل فى الموديلات الجديده و موضوع الفرامل برده اتحل فى الجديد من بعد 2012 طبعا انا مش عارف الكلام صح و لا لا ده على حسب كلام التوكيل و برده موضوع العطل فى الاشارات و الملتى فانكشن و موضوع توافر قطع الغيار وهل التوكيل اتحسن معاملته عن الاول و لا لسه مطنش قوى لان لقيت ناس كتير قوى بتشتكى منه وعلى صفحتهم على الفيسبوك .العربيه بصراحه فيها مواصفات كتيره و جميله بس المخوف الواحد الحاجات ال انا كتبها فمحتاج منكم رد هل موديل 2014 تلافه فيه العيوب فعلا ولا لا و التوكيل ايه اخباره
جزاكم الله كل خير

**السعيد عيد** · 17-05-2014 11:49 PM

كل سياره ولها مشاكل والبيرسونا جميله واتحداك تجبلي توكيل محبوب او مرغوب

**amintaha** · 18-05-2014 12:06 AM

السلام عليكم
شكرا على رد حضرتك بس انا مش بتكلم على التوكيل بس فى حاجات تانيه غير كده و كنت عايز اعرف بردروا اسعار قطع الغيار ايه زى تيل الفرامل و بقيه القطع

**carrier** · 18-05-2014 03:09 AM

المشاركة الأصلية كتبت بواسطة amintaha

السلام عليكم
شكرا على رد حضرتك بس انا مش بتكلم على التوكيل بس فى حاجات تانيه غير كده و كنت عايز اعرف بردروا اسعار قطع الغيار ايه زى تيل الفرامل و بقيه القطع

يا راجل بقى انت من م.نصر حضرتك وبتبص لتيل فرامل وقطع غيار تانية

انت عندك كل حجاتها فى م.نصر / م.جديدة/ الحرفيين/ الجيزة/ فيصل/ الوكالة

كل دا جديد مرطرط ومستعمل

**Omar Mahmoud** · 18-05-2014 12:32 PM

المشاركة الأصلية كتبت بواسطة amintaha

السلام عليكم
شكرا على رد حضرتك بس انا مش بتكلم على التوكيل بس فى حاجات تانيه غير كده و كنت عايز اعرف بردروا اسعار قطع الغيار ايه زى تيل الفرامل و بقيه القطع

قطع الغيار متوفرة جوة التوكيل و برة التوكيل مش زي الاول و العربية دلوقتي ليها محلات استيراد و جديد موجودين في موضوع من ضمن المواضيع المثبتة و في بدائل لقطع الغيار موجودين في موضوع من ضمن المواضيع المثبتة.
و ربنا يوفقك

**card44** · 18-05-2014 11:34 PM

لسة فيها مشاكل فى الفرامل عربيتى موديل 2013 برسونا وعملت بيها حادثة جامدة بسبب الفرامل ووش العربية كلة راح بس من ناحية الثبات وكعرببية بأمانة كلها ممتازة معاها موضوع الفرامل ولفيت بيها على جميع ميكانيكية مصر والحرفين والتوكيل ولا اجد حل لموضوع مشكلة الفرامل المشكلة تتخلص فى ان الاية بي اس بيفتح بدرى فبيخلى العربية تسحف لمسافة كبيرة وغيرت كاوتش وعملت قرد وبرضو موصلتش لحل وبفكر فى البيع بصراحة وربنا يعوضنى لانى كنت شاريها من الزيرو

**Omar Mahmoud** · 19-05-2014 12:40 AM

المشاركة الأصلية كتبت بواسطة card44

لسة فيها مشاكل فى الفرامل عربيتى موديل 2013 برسونا وعملت بيها حادثة جامدة بسبب الفرامل ووش العربية كلة راح بس من ناحية الثبات وكعرببية بأمانة كلها ممتازة معاها موضوع الفرامل ولفيت بيها على جميع ميكانيكية مصر والحرفين والتوكيل ولا اجد حل لموضوع مشكلة الفرامل المشكلة تتخلص فى ان الاية بي اس بيفتح بدرى فبيخلى العربية تسحف لمسافة كبيرة وغيرت كاوتش وعملت قرد وبرضو موصلتش لحل وبفكر فى البيع بصراحة وربنا يعوضنى لانى كنت شاريها من الزيرو

هو مش حضرتك قولت انك عملت كروس للاربع عجلات و لقيت فرق في قوة الفرامل و بعد كدة غيرت لبريدجستون my-02 و قولت ان الفرامل اتغيرت للاحسن؟؟ارجو التوضيح لان ال abs مش بيفتح بدري خالص عندي و انا بفرمل كتير و عمري ما احتجت الabs و شكرا و اسف للاطالة

**omarahmedmaher** · 21-05-2014 12:10 PM

انا لسه مشتري البرسونه من اول شهر فبراير ومشكله البوسه عندي في اللون الاحمر متحلتش ومصعد الموضوع في حمايه المستهلك ولو متحلتش ارفع قضيه والتوكيل سيئ جداا وبرد عندي مشكله في الفرامل وكمان السنتر بيعلق فانت استخير ولو ناوي تشتريها ابعد عن اللون الاحمر

**card44** · 21-05-2014 07:31 PM

ايوة عملت كدة فعلا وبعدها برضو لبست بسبب ام الفرامل هى اتحسنت مقولتش حاجة بس برضو بتفتح بدرى فى الفرامل المفاجأة وكلفتنى تصليح 11 الف فى التوكيل

**Omar Mahmoud** · 21-05-2014 08:01 PM

المشاركة الأصلية كتبت بواسطة card44

ايوة عملت كدة فعلا وبعدها برضو لبست بسبب ام الفرامل هى اتحسنت مقولتش حاجة بس برضو بتفتح بدرى فى الفرامل المفاجأة وكلفتنى تصليح 11 الف فى التوكيل

شكرا علي التوضيح
سؤال هيا لسة في الضمان؟علشان انا لو مكانك هروح التوكيل و معايا حد من اصحابي و كأني رايح اكشف علي العربية علشان اللي جه معايا يشتريها و خليه يقولوهم يكشفوا علي الفرامل و لو طلع ان في عيب بعد الكشف امسح بيهم الارض.