يا جماعه لمبة الالحرارة كانت بتأيد وتطفي
مع ان المية في الريدتير تماااام وعداد الحراره على النص
بطلت العربيه ودورتها تاني اللمبة طفت ومادتش تاني
حد عنده اي استفسار
عرض للطباعة
يا جماعه لمبة الالحرارة كانت بتأيد وتطفي
مع ان المية في الريدتير تماااام وعداد الحراره على النص
بطلت العربيه ودورتها تاني اللمبة طفت ومادتش تاني
حد عنده اي استفسار
طيب ماحطها علي الكمبيوتر ياباشا
ممكن تهنيجة اكشف علي الحساس ممكن يكون عايز يتغير
بص يا باشا
فيه سنسور موجود في اربة المية
لما المية بتنقص جوة القربة تقوم تنور عادي و تطفي العربية و تدور تاني تفصل مش مشكلة
المهم تشيك على المية في القربة
طيب بفرض جدلي عملتها معاك و انت ماشي
هتابع الحرارة لو اللمبة منورة بس مؤشر الحرارة ع النص ماتخافش
لكن اوعى اوعى اوعى تفتح القربة تزود مية
لازم العربية تهدى على الاقل 3 ساعات و بعد كدا تزود
مش العادى ان مواتير ال mpi تعمل كدة نا كان معايا بورا نفس الموتور وكان دة بيحصل ومعناها ان العربية بتستهلك المية عشان العربية فيها مشكلة فى التبريد وغالبا هتلاقيها بتاكل زيت خد بالك واعمل تشك كامل وشوف فية بخر فى الزيت لما تفتح غطاه ولو فية مشكله الحقها من الاول وشوف مبرد زيت الفتيس ممكن يكون هو السبب لو العربية اتوماتيك
انا حصل معايا نفس الموقف وكنت ماشى فرحت مبطل العربيه على طول ولما دورت تانى اللمبه طفت مع العلم ان مؤشر الحراره زى ماهو فى النص المهم رحت مركز المهندس خالد وبعد الكشف بالكمبيوتر مالقاش حاجه المهم طلب من الصنايعى يبص على الميه فى القربه لقاها ناقصة شويه بس المهم طلع ان وصله الشجرة بتسرب ميه مع ازدياد الضغط فتم تغيير الوصله والاويل سيل والميه الحمرا والحمد لله كله تمام دلوقتى
فياريت حد يبص لك على الوصلات والتأكد منها
وان شاء الله تكون بسيطه
سيادتك راجع على فيشة
الموجودة فى القربة ممكن تكون مهزوزة او عاوزة تفكها و تركبها تانى
بس اتاكد من مستوى المياه فى القربة و هى بردة مش وهى سخنة
ربك المستعان