أستفسار عن سعر موتور ليجانزا 2000 سي سي اتنين كامة او شورت بلوك
السلام عليكم
يا شباب انا عربيتي نوبيرا 97 كوري وارد المانيا كانت معاقين وخلصت حظرها وكنت بسوقها من عام 2008 الى الان و كان موتورها الاصلى 1500 سي سي حالتة اقل من المتوسطة وفي مرة بعد ماكنت بغير جوان وش سلندر لقيت البساتم بترقص جوة "بتتهز لما بتحركها وده معناه كبس سيء جدا "
المهم الكلام دة كان في 2011 جبت موتور ليجانزا 2000 سي سي وركبتة وكان فوق الممتاز
ولكن بعدها جالى شغل برة مصر وسافرت وسبت العربية
بعد ما رجعت و الكلام دة في ينايير 2013 بلغت والدى يشوف ميكانيكى يراجع على العربية المهم جه واحد راجع و للاسف مغيرش الزيت
انا جيت على عمايا و طلعت مشوار القاهرة ويادوب العربية وصلت 180 لقيت السرعة بتنزل واحدها وهوب دخان ابيض وخربطة جامدة جدا
الموتور كسر بيل
طبعا مكانش فية فلوس وقتها انى اغيرة فعملت شانبر للقديم وركبتة مؤقتا وياريتنى ماركبتة قطع معايا سير كاتينة 4 مرات في خلال السنة و بهدلنى اخر بهدلة وصرفت علية كتير
المهم حاليا كل قطع موتورى السابق 2000 بحالة جيدة و عاوز اجيب شورت بلوك او موتور حسب السعر وعاوز اعرف الاسعار منكم يا أخوتى بدل ما اتسوح
اقرب مكان ليا اشترى منة بورسعيد بنك الاسكان لو فية حد يعرف مكان مضمون
و ايضا التكلفة
عداد العربية حاليا 140 الف وكسور
حالة العربية متوسطة
وشكرا
