صني سوبر صالون ولا بيرسونا اوتو ولا بيجو بيزلاين

السلام عليكم ورحمة الله وبركاته
يا جماعه انا اخري 125.. علشان محدش يقولي زود شوية... مش هينفع ازود ولا مليم تانى..
دلوقتي انا محتار بين الصني سوبر صالون والبيرسونا اوتوماتيك والبيجو 301 اول فئة..
طبعا عاجبني فى النيسان الاوبشنز اللى فيها... وطبعا كلنا عارفين مشاكل فرامل الصني بس اسمع انها مش موجوده فى الموديلات الجديدة والبيجو بيزلاين مضايقني فيها المرايات اللى بتتظبط بالايد.. لسه فى 2014 وبيعملو مرايات عاديه وطبعا خايف من توكيل البيرسونا وغلو قطع الغيار...
انا طلباتى من العربية تكون اوتوماتيك واعطالها قليله وسهولة الصيانة وتوافر قطع الغيار وتكون رخيصه وطبعا استهلاك بنزين قليل وتحركاتي معظمها داخل المدينة وبسافر مرة او مرتين فى الشهر ومبزودش فى الجري عن 120 وعاوزها تكون عائلية ومش بفكر ابيع قبل 10 سنين يعني هتقعد معايا فترة كبيرة واعملو حسابكو انى من بنها فالبيجو والبيرسونا هتبقي صعبة فى الصيانة شوية
افيدونى افادكم الله علشان خلاص جبت اخري

بص يا فندم انا بصراحة في الفئة السعرية دى النيسان الصنى Super Saloon و البروتون بيرسونا و بيجو 301 و ستروين C-Elysee!
المقارنة بصراحة صعبة شوية و فيها نقط كتير و كا واحد و النقطة اللى تهم كل واحد زى الشكل او التوكيل او الاداء الخ و انت بقى اللى بتعمل Balance للنقط دى كلها.

1-الصنى 2014 Super Saloon New Shape بصراحة عربية ممتازة بالنسبة لسعرها و امكانياتها و دلوقتى انتشرت بصورة كبيرة . العربية أكيد فيها عيوب زى الصاج الخفيف و التيل الضعيف اللى محطوط فيها بس تأكد انها صفقه كسبانة خصوصا لو فكرت تبيع ال Resale بتاعها كويس و قطع الغيار موجودة و بأسعار كويسة جدا.

2- بيجو 301: بصراحة عربية جميلة جدا و كماليات ممتازة بس قطع الغيار غالية و الصيانة مش سهله و مش اى حد يمد ايده فى عربية فرنساوى و ال Resale بتاعها برضه مش ضمنه زى اى عربيو بيجو.

3- Persona : عربية ممتازة بكل ما تحمله الكلمة من معنى, موتور ممتاز Cam Pro انجليزى بالتعاون مع شركة Lotus, بس للاسف مشكلتها الوحيده ان عز العرب مش مديها اهتمام كفاية و طبعا قطع الغيار غالية بصراحة العربية دى لو كانت مع توكيل تانى و قطع غيارها زى الصنى كده كانت هتاكل السوق.

4- ستروين C-Elysee: هى الاخت غير الشقيقة للبيجو 301 نفس الشركة طبعا بس العربية دى برضة من عز العرب فا مش محتاج اتكلم عن قطع الغيار بس كعربية و اداء و امكانيات ممتازة.

فى كل الحالات ربنا ان شاء الله يكرمك و تقدر تختار صح و النصيحة توكل على الله و هات صنى

انا شايف ان الصنى مناسبه اكتر

شكرا يا جماعه على الردود وانا بصراحه ميال للصني وبفكر احجزها
طيب مشكلة الفرامل اللى فى الصني اتحلت ولا لسه ؟؟؟؟
والصاج الضعيف فعلا كده ولا كلان مبالغ فيه ؟؟؟
وبالنسبة للتقفيل وجودته واسمع انها هندي ايه مدي صحة الكلام ده ؟؟؟؟
لان الناس كرهونى فى العربية قبل ما اشوفها

العربية ممتازة توكل على الله السوبر صالون صفقة رابحة وهى تصنيع مصنع نيسان بالهند وتجميع مصنع نيسان مصر ب 6 أكتوبر الفتيس والموتور يابانى 100% البطارية كلورايد والكراسى والزجاج مصرى والكاوتش صينى ماكسيس وباقى الأجزاء هندى يابانى ودى مش قضية نتكلم فيها المهم توكيل قوى يعتمد عليه وربنا يوفقك

اقتباس:

---

المشاركة الأصلية كتبت بواسطة yahya.saif

بص يا فندم انا بصراحة في الفئة السعرية دى النيسان الصنى super saloon و البروتون بيرسونا و بيجو 301 و ستروين c-elysee!
المقارنة بصراحة صعبة شوية و فيها نقط كتير و كا واحد و النقطة اللى تهم كل واحد زى الشكل او التوكيل او الاداء الخ و انت بقى اللى بتعمل balance للنقط دى كلها.

1-الصنى 2014 super saloon new shape بصراحة عربية ممتازة بالنسبة لسعرها و امكانياتها و دلوقتى انتشرت بصورة كبيرة . العربية أكيد فيها عيوب زى الصاج الخفيف و التيل الضعيف اللى محطوط فيها بس تأكد انها صفقه كسبانة خصوصا لو فكرت تبيع ال resale بتاعها كويس و قطع الغيار موجودة و بأسعار كويسة جدا.

2- بيجو 301: بصراحة عربية جميلة جدا و كماليات ممتازة بس قطع الغيار غالية و الصيانة مش سهله و مش اى حد يمد ايده فى عربية فرنساوى و ال resale بتاعها برضه مش ضمنه زى اى عربيو بيجو.

3- persona : عربية ممتازة بكل ما تحمله الكلمة من معنى, موتور ممتاز cam pro انجليزى بالتعاون مع شركة lotus, بس للاسف مشكلتها الوحيده ان عز العرب مش مديها اهتمام كفاية و طبعا قطع الغيار غالية بصراحة العربية دى لو كانت مع توكيل تانى و قطع غيارها زى الصنى كده كانت هتاكل السوق.

4- ستروين c-elysee: هى الاخت غير الشقيقة للبيجو 301 نفس الشركة طبعا بس العربية دى برضة من عز العرب فا مش محتاج اتكلم عن قطع الغيار بس كعربية و اداء و امكانيات ممتازة.

فى كل الحالات ربنا ان شاء الله يكرمك و تقدر تختار صح و النصيحة توكل على الله و هات صنى

---

+1

استخير ربنا وتوكل على الله وهات الصنى
عربية جميلة ومحترمة وفيها كل اللي انت طالبة
ابعد عن البيجو والستروين، زى ما قالك البشمهندس، عربيات مش بياعة خالص واعطالها ياما ومش اى حد يفهم فيها ومش منتشرة وقطع الغيار ارقامها فلكية
البيرسونا عربية تحفة لكن يعيبها قطع الغيار والتوكيل
وممكن تجيب اكسنت ار بى اعتقد عاملة 124 لكن انا ارشحلك الصنى عشان الاوبشن