عاجل جدا ..... مطلوب تقرير عن Qq بدون تحيز ولا مبالغة

**shankosi** · 11-10-2008 03:30 AM

السلام عليكم يا جماعة

انا نفسي حد يقدملي جواب شافي وكافي عن الشيري Qq
لاني ناوي اشتريها بس بصراحة كل الأراء ضدها وانا خايف
فلو سمحتم عايز حد يديني تقرير فني عن العربية دي بما فيها من عيوب ميكانيكية وفنية من غير ما يقول "انت لاقي فلوسك" ولا "اظاهر انك مش تعبان في الفلوس" وكل الكلام ده سمعته ومفيش اي إجابة فنية مفيدة لحد دلوقتي

يا ريت اللي يجيب ويجزيه الله خير يكون عنده واحده او بينقل تجربة واقعية غير الاخ اللي رجعها عن طريق جهاز حماية المستهلك الاني مش فاهم بالظبط هو عمل كده ليه غير انه وجد العربية مافيهاش ثبات وعايزه شوية تربيط

وانا رأي انها كويسه على قد سعرها ومش بتاعة تكسير في الشارع زي النيفا او 128 حتى وزيها زي اي عربية محتاجة مراعية عشان تمشي كويس.

ارجوكم اريد تفاعل عقلاني مع الموضوع ده عشان حأبني قرار بناء على رأيكم يا جماعه.

والله الموفق.....

محمد

**shankosi** · 11-10-2008 11:53 PM

ايه يا جماعه محدش عارف حاجة صحيحة عن العربية دي؟

يعني ممكن معنى كده انه اللي بيتقال عنها ممكن يكون اشاعات وانها عربية مقبولة؟؟
يعني عربية COOOOL

يا ريت حد يفيدني .. أفادكم الله....

**kahamid** · 18-10-2008 10:48 AM

وانا بردو كنت عايز معلومات عن العربية لاني بفكر اجيبها

**Rsarabia** · 18-10-2008 11:01 AM

يا جماعة العربية دى الامان فيها ضايع ضايع متستهتروش و تجيبو عربية ضعيفة زى دى بسعر رخيص هاتو عربية اقدم شوية و امانها كويس و ربنا يستر معانا كلنا

**douha_wise** · 18-10-2008 11:47 AM

انا لما بروح توكيل شيرى عشان صيانة سيارتى A11 بلاقى منها كتير و لما بسال اصحابها بيقولولى انهم معجبين بيها و شايفينها كويسة بس اللى لاحظتة ان كتير من اللى شارينها من السويس
بس انا مش بفضلها اوى بصراحة يمكن بفضل الايديا اكثر منها خاصة ان سعرهم متقارب جدا يعنى الايديا الكاملة بالتكييف و 1100 سى سى سعرها 50 الف و ال Qq سعرها على ما اتذكر 47 الف او 48 الف لكن الايديا اوسع و اكبر و اثبت و شكلها احلى بكتيييير

**douha_wise** · 19-10-2008 07:30 AM

المشاركة الأصلية كتبت بواسطة shankosi

اشكر كل الاخوة اللي ردو لاني بصراحة كنت مش فاكر حد حيرد خلاص
طبعا انا عارف انها عربية ضعيفة وشفتها متكعبرة في حادثة على طريق مصر اسكندرية بس يعني اعتقد ان معظم السايرات الحديثة كده وبعدين يا جماعة العربية دي مش بتاعة جري جامد حتى لو موتورها يجيب سرعة عالية وعايزة مراعية واعتقد انه في خلال الخمس سنين الجايين المستقبل للعربيات دي حيكون كويس

وانا بحب الأيديا كمان لانها عربية كويسة باعتراف اللي سايقنها

ههههه

نتوكل على الله في كيو كيو ولا غيه رأيكم؟؟؟؟

اخى العزيز اريد ان اعرف ما سر تمسكك بال QQ تحديدا فليست السيارة التى يصعب تركها و ليس سعرها ببعيد عن سيارات اخرى صينى ايضا و لكنها ماركات اثبتت تفوقها عن تلك السيارة
فأنا ارى الايديا اختيار افضل او التشانا بينى ايضا افضل من QQ لكننى اميل للايديا لأن صالونها اوسع و الشركة التى تنتجها هى نفسها شركة سوزوكى بالصين و قطع غيارها متوافقة الى حد ما مع سوزوكى التو و اكثر ثباتا و شنطة اوسع و غيرها من المميزات فى مقابل حوالى ثلاث الاف جنية زيادة
عموما استخير الله و ربنا يهديك لما هو اصلح لك

**نور العمر** · 20-10-2008 12:09 AM

أنا معكم الأيديا أفضل خصوصاً ال 1100 فول أوبشن بس يمكن الاسبرانزا الهاتش حبتها اكتر لأن إمكانياتها أعلى بكتيير والفرق ألفين ج بس ... مشكلة الأيديا عندي .. هويدي موتور غلاها زيادة عن اللزوم .. فظهر ليها منافسين أعلى منها في الفئة وبسعر متقارب مثل الشانا بيني والاسبرانزا والبيري

**shankosi** · 20-10-2008 02:27 AM

أ/ ممدوح نصيحتك غاليه جداً وأشكرك عليها وطبعاً ستأخذ في الحسبان بس انا مش مصمم ولا حاجة بس عايز ان اللي بيرفض العربيات الصيني يرفضها بشكل واقعي وميحملش الموضوع فوق طاقته لانها عربية رخيصة نسبيا ولا يجب توقع اكثر من اللازم منها ولا ايه؟؟

م/ أحمد انا شفت اللينك لكن مكملتش الكلام لاخره لأنه حسيت ان الأخ اللي اشترى العربية كان منتظر منها أكثر من كفائتها وأكثر من السعر اللي دفعه، وطبعا أن مبسوط انه قدر يأخذ حقه بس مع احترامي له شايف انه بالغ حبتين.

لحد دلوقتي مسمعتش حد بيقول دي موتورها كذا ولا كذا

هاه يا جماعة حد عايز يضيف قبل الفاس ما توقع في الراس

أحبكم في الله...

محمد