غيرت العفشه الاماميه بالكامل وشكرا لوحوش المنتدى وتجربه زيت وولفر واليكم الصور

**MMamdouh** · 18-05-2014 02:22 PM

ألف مبروك

كان لازم تغير المساعدين الخلفى مع الامامى

بالنسبة للطقة راجع رباط العفشة خصوصا صامولة الكونتر بتاعت بيض الطرف (و المفروض تضبط زوايا بعد التغيير دة)

المقص يبان من الجلب بتاعتة... انت مصور بيض المقص و دة بيتغير لوحدة

MMamdouh

**احمد المصرى** · 18-05-2014 02:46 PM

المشاركة الأصلية كتبت بواسطة mmamdouh

ألف مبروك

كان لازم تغير المساعدين الخلفى مع الامامى

فعلا انا ناوى اغيرهم لانى حاسس ان العربيه بترقص من ورا بس بعد شهر لانى دافع مبلغ محترم حاليا

بالنسبة للطقة راجع رباط العفشة خصوصا صامولة الكونتر بتاعت بيض الطرف (و المفروض تضبط زوايا بعد التغيير دة)

انا مش عايز اظبط زوايا واربط عفشه غير لما ارجعلكم لانى مش عارف الطقه دى من ايه بالظبط

المقص يبان من الجلب بتاعتة... انت مصور بيض المقص و دة بيتغير لوحدة

ال غيرهم قالى انهم مش بيتغيروا لوحدهم ولازم نشترى مقص جديد علشان كدا جبت مقصات جديده صينى بس درجه اولى حسب كلام الراجل والله اعلم والجلب خارجه كويسه مش متاكله ولكن بيض المقص كان سايب خالص وماسك بالعافيه يعنى كان ممكن يتخلع ويفك فى اى لحظه

mmamdouh

الف شكر على النصائح يا باشا

**Sherif Mandoor** · 18-05-2014 08:53 PM

المشاركة الأصلية كتبت بواسطة احمد المصرى

اسف لو طولت عليكم يا شباب بس حبيت انقل التجربه بالصور كلها يمكن اكون سبب فى تيسير الامور على اى عضو وجزاكم الله كل خير على المعلومات القيمه ال على طول بتستفيد منكم

وفى انتظار تعلقاتكم ولو حد يعرف حل للمشاكل ال عندى علشان اخلى العربيه زيرو يا شباب ان شاء الله

نسيت اقول ان المصنعيه 300 جنيه كله عفشه وميكانيكا

السلام عليكم : مبروك على الصيانه
استفسار لما غيرت زيت الفتيس ايه اخباره معاك وغبرته بعد كام كيلو ومنتظر رد حضرتك وشكرا

**احمد المصرى** · 18-05-2014 10:56 PM

مقدرش اقول رايي عن زيت وولفر لاني مشيت بيه ٤٠ كيلو بس . بس الانطباع الاول انه ممتاز

بخصوص زيت الفتيس فرق رهيب بعد التغيير وسهوله في النقلات انصحك تغيره فورا انا غيرته علي ١٠٠ الف ودا غلط مش صح المفروض يتغير علي ٥٠ الف بالكتير

**popahly** · 19-05-2014 12:44 AM

طب سؤال على جنب... الميكانيكى غيرهولك ازاى؟؟؟

**agaty1st** · 19-05-2014 12:51 AM

المشاركة الأصلية كتبت بواسطة احمد المصرى

بخصوص زيت الفتيس فرق رهيب بعد التغيير وسهوله في النقلات انصحك تغيره فورا انا غيرته علي ١٠٠ الف ودا غلط مش صح المفروض يتغير علي ٥٠ الف بالكتير

طالم احسيت بفرق كبير كده
غالبا زيت الفتيس القديم كان لزوجته 140

**احمد المصرى** · 19-05-2014 10:50 AM

فك الجنب خالص وغير كل جزء بعد فكه يعني فك وتركيب

الزيت القديم للفتيس دا زيت الفبريكه واكيد 90 بس بقاله مده متغيرش

**احمد المصرى** · 19-05-2014 10:52 AM

الوضع حاليا اني ظبط زوايا والعربيه الحمد لله تمام بس في صوت طقه بتيجي قليل في الاماكن المكسره ومش عارف من ايه مع اني ظابط زوايا وربط عفشه افيدوني

الموضوع: غيرت العفشه الاماميه بالكامل وشكرا لوحوش المنتدى وتجربه زيت وولفر واليكم الصور

LinkBack

أدوات الموضوع

عرض

-

-

-

-

-

-

-

المواضيع المتشابهه

عملت فرش جلد واليكم الصور

صوت غريب جدا من العفشه الاماميه...برجاء المساعده

الحمد لله رجعت بالسلامه واليكم التفاصيل . وشكرا محمد الشامى

تمت العودة بحمد الله واليكم الصور

الكلمات الدلالية لهذا الموضوع

المفضلات

المفضلات

ضوابط المشاركة