غيرت العفشه الاماميه بالكامل وشكرا لوحوش المنتدى وتجربه زيت وولفر واليكم الصور

السلام عليكم


السياره دايو لانوس 2006 من ساعه لما جبناها والحمد لله معملتش اى حاجه فى العفشه غير التربيط بس ودا اكبر غلط . من مده بدات اسمع صوت دربكه عاليه جدا فى العربيه وهيا ماشيه فى اى طريق مكسر وبسرعه مش كبيره وانا ماشى بسرعه بحس ان العربيه عايزه تجى يمين وشمال مش مظبوطه


وبعد تجربه الاخ لانوس 2004 وتجربه الاخ محمد الشامى واخد راى الخبير محمد ممدوح جزاهم الله عنا كل خير هما وكل اعضاء وعمالقه المنتدى

استقريت على مساعدين مونرو غاز على زيت ودورت عليهم كتير ولقتهم اخيرا عند الماوردى فى المنيل ب 450 جنيه واشتريت جوز بطاحات اصلى ب 270 جنيه وكوبايات ورحت علشان اغير اظبط الدنيا


اول لما فكيت العربيه لقيت بارات الدركسيون بايظه جبت طقم ب 125 جنيه ولقيت المقصات كمان بايظه الاصلى عند ابو الحسن ب 700 جنيه الجوز بس انا كنت بعيد عن ابو الحسن والعربيه مفكوكه فجبت جوز مقصات صينى درجه اولى على كلام البائع ب 350 جنيه

وغيرت العفشه الاماميه بالكامل تقريبا وطبعا غيرت تيل الفرامل لانه كان خلصان خالص

الفرق قبل التغيير عدم ثبات خالص خالص وبعد التغيير العربيه الحمد لله حاليا بجيب 120 وانا مرتاح قبل كدا كنت بخاف اجيب ال 100 والعربيه كانت مكسحه من قدام تحس انها نايمه فى الارض حاليا تحس انها واقفه على رجليها بس انا حاسس انها بتلعب من ورا تقريبا اغير جوز مساعدين ورا بالمره مونرو غاز على زيت ولا ايه رايكم

ثانيا :- اول لما استلمت العربيه ومشيت سمعت صوت طقه كدا بتيجى وتروح مش على طول موجوده بس لما بنزل بالعربيه فى حفره مش بسمعها يعنى تقريبا مش عيب مساعدين بس حاجه بتعمل طقه كدا وتروح مش موجوده على طول والصوت دا وانا ماشى عدل دا عيب ايه يا شباب

نيجى بقا لشغل الميكانيكا

انا كان عندى جواز غطاء التاكيهات بايظ وبيهرب زيت رحت جبته من ابو الحسن والحمد لله تم التغيير
وشتريت جواز تارتيره زيت الفتيس بعد محاربه مع الميكانيكى لان كل الناس بتقول انه مش بيتغير وحسب نصيحه محمد ممدوح والاعضاء هنا تم التغيير وبصراحه فرق بين السماء والارض وانصح كل واحد انه يغيره من بكرا

وطبعا غيرت فلاتر بالمره وجربت زيت وولفر 5/40 وبصراحه حسيت انى بحط عسل نحل او زبده صفراء فى العربيه من زيت لسه بس انظف البوابه

العيوب حاليا هو صوت الطقه ال بيجى ويروح دا مش عارف دا عيب ايه واول مره اسمعه لما غيرت الحجات ال غيرتها فى العفشه
العيب الثانى العربيه بترعش وهيا واقفه مش مظبوطه واستاذ ظريف قالى غالبا محتاجه تنظيف الحساس بتاع الايدل









http://www11.0zz0.com/2014/05/18/06/551031632.jpg









http://www11.0zz0.com/2014/05/18/06/317641744.jpg






http://www11.0zz0.com/2014/05/18/06/675087128.jpg




دا المقص الصينى ال اتكلمت عليه فوق







http://www11.0zz0.com/2014/05/18/06/494791349.jpg


جلبه المقص الجديد




http://www11.0zz0.com/2014/05/18/06/937738835.jpg






http://www11.0zz0.com/2014/05/18/06/844508080.jpg






http://www11.0zz0.com/2014/05/18/06/712387205.jpg



http://www11.0zz0.com/2014/05/18/06/476426880.jpg




البطاحات


http://www11.0zz0.com/2014/05/18/06/201240463.jpg

ممكن يكون فعلا حساس الايدل او الدينامو وبالنسبه للمساعدين خلي الي وراه زي الاقدام علشان يبقي نفس الاداء

http://www11.0zz0.com/2014/05/18/07/166501731.jpg


الكوبايات


http://www11.0zz0.com/2014/05/18/07/144751816.jpg



المساعدين المونرو



http://www11.0zz0.com/2014/05/18/07/491976500.jpg


المقص ( هل هو سليم كدا ولا بايظ يا شباب )


http://www11.0zz0.com/2014/05/18/07/557052109.jpg


http://www11.0zz0.com/2014/05/18/07/319485948.jpg


علبه البارات الجديده


http://www11.0zz0.com/2014/05/18/07/951364115.jpg


الباره الجديده


http://www11.0zz0.com/2014/05/18/07/338033233.jpg


http://www11.0zz0.com/2014/05/18/07/813183622.jpg

الاسطى احمد جزاه الله كل خير


http://www11.0zz0.com/2014/05/18/07/932874890.jpg


http://www11.0zz0.com/2014/05/18/07/125741058.jpg

زيت وولفر 5/40



http://www11.0zz0.com/2014/05/18/07/732549628.jpg


ايه رايكم فيه


http://www11.0zz0.com/2014/05/18/07/720354670.jpg



http://www11.0zz0.com/2014/05/18/07/566775461.jpg


http://www11.0zz0.com/2014/05/18/07/284203013.jpg


http://www11.0zz0.com/2014/05/18/07/695341103.jpg


زيت الفتيس 80/90


http://www11.0zz0.com/2014/05/18/07/704595673.jpg


زيت الفتيس وولفر 80/90

اسف لو طولت عليكم يا شباب بس حبيت انقل التجربه بالصور كلها يمكن اكون سبب فى تيسير الامور على اى عضو وجزاكم الله كل خير على المعلومات القيمه ال على طول بتستفيد منكم


وفى انتظار تعلقاتكم ولو حد يعرف حل للمشاكل ال عندى علشان اخلى العربيه زيرو يا شباب ان شاء الله


نسيت اقول ان المصنعيه 300 جنيه كله عفشه وميكانيكا

الف مليوون مبروك
اكشف على الطنابير والمساعدين الخلفى عشان الطقة
الرعشة دى
راجع حساس الايدل واعمل ايدل ليرن
وراجع خرطوم الهواء اللى واصل بين المسطرة والرشاشات ونظف الرشاشات
لان كان عندى الرعشة دى وراحت لما اكتشفت قطع خرطوم الهواء على مسطرة الرشاشات ونظفت الرشاشات

الف مبروك وربنا يباركلك فيها
صوت الطقه ده اعتقد انه ممكن يكون كوبلن داحلى

الف مبروك ...... وكمان ياريت تظبط زوايا ........

اقتباس:

---

المشاركة الأصلية كتبت بواسطة abo yasso

الف مبروك وربنا يباركلك فيها
صوت الطقه ده اعتقد انه ممكن يكون كوبلن داحلى

---

بس قبل ما اغير العفشه مكنش فى اى صوت خالص وبعد شغل العفشه الصوت ظهر

اقتباس:

---

المشاركة الأصلية كتبت بواسطة akmm

الف مبروك ...... وكمان ياريت تظبط زوايا ........

---

انا فعلا لازم اظبط زوايا بس فى انتظار ان اشوف الخبطه دى من ايه

الف مبروك يا باشا

انا كنت غيرت مقصات في عربيتي النوبيرا ctr و برده سمعت الطقة...و بعد لف كتير جدا اكتشفت انه البرشام اللي في المقص مش كويس في المقصين.
روحت لمخرطة فور البرشام اللي في المقصين و جبت مسامير نضيفة و ركبتهم الصوت راح تماما و مرجعش داخل في السنة.
كل مقص فيه برشامتين غيرهم بمسمارين جداد و نضاف علشان ميعملوش مشاكل.

مبروك عليك التجديد ربنا يباركلك فيها ان شاء الله...

ا

ألف مبروك

كان لازم تغير المساعدين الخلفى مع الامامى

بالنسبة للطقة راجع رباط العفشة خصوصا صامولة الكونتر بتاعت بيض الطرف (و المفروض تضبط زوايا بعد التغيير دة)

المقص يبان من الجلب بتاعتة... انت مصور بيض المقص و دة بيتغير لوحدة

MMamdouh

اقتباس:

---

المشاركة الأصلية كتبت بواسطة mmamdouh

ألف مبروك

كان لازم تغير المساعدين الخلفى مع الامامى


فعلا انا ناوى اغيرهم لانى حاسس ان العربيه بترقص من ورا بس بعد شهر لانى دافع مبلغ محترم حاليا

بالنسبة للطقة راجع رباط العفشة خصوصا صامولة الكونتر بتاعت بيض الطرف (و المفروض تضبط زوايا بعد التغيير دة)

انا مش عايز اظبط زوايا واربط عفشه غير لما ارجعلكم لانى مش عارف الطقه دى من ايه بالظبط


المقص يبان من الجلب بتاعتة... انت مصور بيض المقص و دة بيتغير لوحدة


ال غيرهم قالى انهم مش بيتغيروا لوحدهم ولازم نشترى مقص جديد علشان كدا جبت مقصات جديده صينى بس درجه اولى حسب كلام الراجل والله اعلم والجلب خارجه كويسه مش متاكله ولكن بيض المقص كان سايب خالص وماسك بالعافيه يعنى كان ممكن يتخلع ويفك فى اى لحظه


mmamdouh

---

الف شكر على النصائح يا باشا

معلش ممكن سوال ايه راى حضرتك فى زيت ولفر وهل الموتور صوته هدى ولا عادى

اقتباس:

---

المشاركة الأصلية كتبت بواسطة احمد المصرى

اسف لو طولت عليكم يا شباب بس حبيت انقل التجربه بالصور كلها يمكن اكون سبب فى تيسير الامور على اى عضو وجزاكم الله كل خير على المعلومات القيمه ال على طول بتستفيد منكم


وفى انتظار تعلقاتكم ولو حد يعرف حل للمشاكل ال عندى علشان اخلى العربيه زيرو يا شباب ان شاء الله


نسيت اقول ان المصنعيه 300 جنيه كله عفشه وميكانيكا

---

السلام عليكم : مبروك على الصيانه
استفسار لما غيرت زيت الفتيس ايه اخباره معاك وغبرته بعد كام كيلو ومنتظر رد حضرتك وشكرا

مقدرش اقول رايي عن زيت وولفر لاني مشيت بيه ٤٠ كيلو بس . بس الانطباع الاول انه ممتاز



بخصوص زيت الفتيس فرق رهيب بعد التغيير وسهوله في النقلات انصحك تغيره فورا انا غيرته علي ١٠٠ الف ودا غلط مش صح المفروض يتغير علي ٥٠ الف بالكتير

اقتباس:

---

المشاركة الأصلية كتبت بواسطة احمد المصرى

مقدرش اقول رايي عن زيت وولفر لاني مشيت بيه ٤٠ كيلو بس . بس الانطباع الاول انه ممتاز



بخصوص زيت الفتيس فرق رهيب بعد التغيير وسهوله في النقلات انصحك تغيره فورا انا غيرته علي ١٠٠ الف ودا غلط مش صح المفروض يتغير علي ٥٠ الف بالكتير

---

شكرا للرد

طب سؤال على جنب... الميكانيكى غيرهولك ازاى؟؟؟

اقتباس:

---

المشاركة الأصلية كتبت بواسطة احمد المصرى

بخصوص زيت الفتيس فرق رهيب بعد التغيير وسهوله في النقلات انصحك تغيره فورا انا غيرته علي ١٠٠ الف ودا غلط مش صح المفروض يتغير علي ٥٠ الف بالكتير

---

طالم احسيت بفرق كبير كده
غالبا زيت الفتيس القديم كان لزوجته 140

فك الجنب خالص وغير كل جزء بعد فكه يعني فك وتركيب


الزيت القديم للفتيس دا زيت الفبريكه واكيد 90 بس بقاله مده متغيرش

الوضع حاليا اني ظبط زوايا والعربيه الحمد لله تمام بس في صوت طقه بتيجي قليل في الاماكن المكسره ومش عارف من ايه مع اني ظابط زوايا وربط عفشه افيدوني

الف الف مبروك عالتجديد وابقى قولنا ايه نظام الزيت معاك
بس مكنش له لازمه المقصات الصينى لأنهم لو اتكسر وانت ماشى لا قدر اللى هايحصل حاجات مش ظريفه

الف مبروك
انا عامل شغل عفشة في النوبييرا من شهرين تقريبا ومغير 4 مساعدين منرو
وكان عندي نفس الطقة دي
وجربنا كل حاجة ومفيش فايدة
لغاية ما العفشجي نزل تحت العربية وخلانا نهز العربية جامد والاخر قالي ان الطقة من مسمار الميزان رغم اني جيبو الاصلي وفك المسمار وركب واحد من عندو قديم
الطقة اختفت بتاع 10 ايام ورجعت تاني
هجيب مسمارين جداد واشوف الاخبار
حبيت اكتب تجربتي يمكن تفيدك في موضوع الطقة دي

الف مبروك وربنا يباركلك فيها
ومنتظرين تقرير تانى بعد فترة من استخدام الزيت

اقتباس:

---

المشاركة الأصلية كتبت بواسطة dr.solom

الف الف مبروك عالتجديد وابقى قولنا ايه نظام الزيت معاك
بس مكنش له لازمه المقصات الصينى لأنهم لو اتكسر وانت ماشى لا قدر اللى هايحصل حاجات مش ظريفه

---

فعلا معاك حق بس الاصلى مكنش متوفر جنبى ساعدها وال كان موجود جنبى هو الصينى بس جبت انظف حاجه صينى على قدر المتاح وان شاء الله بعد سنه او اتنين لو عاش يعنى هجيب الاصلى علشان اكون مرتاح

اقتباس:

---

المشاركة الأصلية كتبت بواسطة mahmoudysf

الف مبروك
انا عامل شغل عفشة في النوبييرا من شهرين تقريبا ومغير 4 مساعدين منرو
وكان عندي نفس الطقة دي
وجربنا كل حاجة ومفيش فايدة
لغاية ما العفشجي نزل تحت العربية وخلانا نهز العربية جامد والاخر قالي ان الطقة من مسمار الميزان رغم اني جيبو الاصلي وفك المسمار وركب واحد من عندو قديم
الطقة اختفت بتاع 10 ايام ورجعت تاني
هجيب مسمارين جداد واشوف الاخبار
حبيت اكتب تجربتي يمكن تفيدك في موضوع الطقة دي

---

الف شكر يا باشا بس انت بتقول ان الطقه رجعت يعنى ممكن ميكنش من مسمار الميزان والله اعلم ارخم حاجه لما تلاقى عيب فى العربيه ومش عارف توصل للعيب فين

اقتباس:

---

المشاركة الأصلية كتبت بواسطة samah mohammed

الف مبروك وربنا يباركلك فيها
ومنتظرين تقرير تانى بعد فترة من استخدام الزيت

---

اكيد ان شاء الله بس الملحوظ حاليا هو زيت الفتيس ملحوظ جدااااااااااااااااااااااا

http://im75.gulfup.com/HA26qa.jpg



دا تقرير ظبط الزوايا رايكم ايه يا شباب ....... وهل هيا حاليا كويسه ولا مش مظبوط برضوا