الموضوع: العربيه اتخبطت وهى واقفه فحالها

المشاركة الأصلية كتبت بواسطة a7medsh3rawi

يبقى أنت أكيد فى مصر
جمله لا نستطيع ان ننساها طول ما احنا عايشين فى بلد يحكمها قانون الغابه
ما تعرفش تاخد حقك لو عربيتك اتخبطت او حد سرق بيتك او بلطجيه طلعوا عليك او حد من اولادك اتخطف
الحكومه مش راضيه تدى الشعب حقه
والناس بقت مفتريه وما بتخافش من ربنا

بس الحل زى ما ربنا قال:
( وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ )
آل عمران (134)
وقال الإمام أحمد: حدثنا عبد الرحمن،
حدثنا مالك، عن الزهري، عن سعيد بن المسيَّب، عن أبي هريرة، رضي الله عنه،
عن النبي صلى الله عليه وسلم، قال:
"لَيْسَ الشَّدِيدُ بِالصُّرُعة، وَلَكِنَّ الشَّدِيدَ الَّذِي يَمْلِكُ نَفْسَهُ عِنْدَ الْغَضَبِ".
وقد رواه الشيخان من حديث مالك

مفيش حل احسن من اللى عملتوه معاهم
وفكره بسيطه: تكتبوا اسمهم وعنوان الشقه وفيها اللى حصل والفلوس اللى عليهم قدام باب العماره بكل ذوق واحترام
وتعملوا ورقه تانيه فيها تحذير للناس اللى بتركن فى الباركينج ان فى ست ما بتعرفش تسوق وممكن تخبط عربياتكم وتعلقوها

يعنى تفضحوهم فى المنطقه باسلوب مهذب

المشكله لوعملنا كده لازم نحط الورقه على عمارتهم واول ما بوابهم هيشوفنا بنعمل كده هيشيلها
نفسى يتفجروا صدقنى انا متغاظه جدا وخصوصا ان النهارده الست كلمناها بتتكلم بجليطه والاطه
واخوها قعد يماطل لتقليل المبلغ واتكلم بطريقه زباله وحتى بعد ماقبلنا بأى حاجه من وشهم الزباله قالنا الساعه 3 ونص هبعتلكم الفلوس ومبعتش حاجه
واتصلنا بيه برده مابيردش شويه كلاب ربنا يحرق قلبهم وحسبى الله ونعم الوكيل ربنا يرزقهم باللى يعمل فيهم كده واكتر مش مسامحينهم ولا هنسامحهم

المشاركة الأصلية كتبت بواسطة mummy_47

ممكن سؤال اريح بيه بالك لو اجبتي عليه:
تعملي ايه لو انتي كنتي واقفة في اشارة وفجأة لقيتي ميكروباص دييييييييب خبطك من ورا ودمرلك نصف العربية..
هل في تخيلك او تصورك انك لو طلعتي من عربيتك وقلتيله اديني حق الاصلاحات هيقولك ايه؟؟؟؟
فكري في الاجابة وهتستريحي تماما من التفكير في الموضوع ده.....اعتبري ان اللي خبطك سواق ميكروباص

تحياتي

هههههههههههههههههههههه تعليقك ده جاى فى وقته
الراجل فى اخر مكالمه دلوقتى من يجى ربع ساعه قعد يتخانق على حاجات غريبه
ويلت فى حوارات لا تدل الا على انه بيخترع سبب عشان يقول مش دافع وقد كان وقال مش دافع وده طبعا اللى كان متوقع من حقير زى ده
واللى يشوفه فى اول يوم مشكله ميشوفوش النهارده باخلاق سواقين الميكروباص
والله انا كنت بحب الشرطه وكنت بشوف نماذج بعيده عنى اخلاقها مش تمام فى التعامل
لكن لما الموضوع حصل معايا كرهتهم كلهم

ورسميا من ربع ساعه الموضوع انتهى تماما وربنا ينتقم منه
بس تصدق قلببى ارتاح عشان حسيت ان الموضوع خلص
اصل الصبح لما اتكلمت معاكم هنا نفسيتى اتحسنت وعلى مدار اليوم بنكلمهم ويردوا بوقاحه هو والحيوانه اخته
فارتحت لما انتهى الموضوع

الف شكر ليك ولردك واهتمامك بس مارديتش عليا فى سؤالى بتاع التأمين اللى كتبتهولك الصبح فى ردى على تعليقك