احنا فى مصر بلد الحقوق الضايعة
حتى ولو عملت محضر مش هتاخد حقك
ومش هينوبك الا العطلة ووجع القلب
احنا عايشين فى سبهلله
ربنا يعوض عليكم
هما فاكرين نفسهم ناصحين كده .... كله سلف ودين
حسبنا الله ونعم الوكيل فى الظلمة
ربنا ينتقم منهم
رقم العضوية : 148906
تاريخ التسجيل : 20Sep2013
المشاركات : 184
النوع : انثى
الاقامة : Egypt
السيارة: لا يوجد
السيارة[2]: هيونداى
الحالة :
زى العنوان كده مابيقول العربيه هيونداى ماتريكس (بتاعه بابا) يعنى أنا مش بفهم فى حاجات العربيات بس كنت عايزه احكيلكم اللى حصل
كانت واقفه قدام العماره وجت واحده حماره ملهاش فى السواقه اصلا معرفش ادوها رخصه ازاى دخلت في العربيه دخله مايدخلهاش حمار أو حتى واحد لسه بيتعلم السواقه كسرت الاكصدام الامامى تماما والعلبه بتاعه التكييف ودى جوه العربيه (هى تقريبا اسمها كده ) لان الخبطه كانت جامده جدا
المهم البواب وقفها وعقبال مانزلنالها اتحججت انها متأخره عالشغل وقالت انا متكفله بأى فلوس للاصلاح وادتنا رقم تليفونها وهى ساكنه فى عماره قدامنا
فى نفس اليوم قعدنا حوالى 6 ساعات عشان العربيه تتصلح واتكلفت 1400 جنيه
كنا ناس محترمين وبما انها قالت هتدفع التكاليف معملناش محضر
وبعتنالها ايصال بتكاليف الاصلاح مع العلبه المكسوره عشان تعرف ان الخبطه كانت جامده واننا مش بنألف ان فيه قطعه داخليه فى العربيه اتكسرت
فى يومها بالليل قابلنا أخوها (ظابط شرطه) حصلنا الذعر ياعم الحاج
وقعد بقى يقولنا أنا كان ممكن اصلحهالكم بأقل من كده قولناله يعنى تبهدلوا عربيات الناس وتركبولها اى قطع غيار على مزاجكم؟!!
وهو كان محترم وقال ادونا مهله لاخر الاسبوع نجهز المبلغ واتفقنا معاه لما يجهز يكلمنا
انه يتكلم ..أبدااااااا
كلمناه يوم الجمعه (اخر الاسبوع زى ما طلب) رد وكان ناسى اصلا مهى مش فلوسه بقى وقال على رأى المثل لو عايز حد ناسيك يفتكرك خد منه فلوس
و قال معلش عندى مأموريه وبكره ان شاء الله هقابلكم ونتحاسب ووافقنا وقولنا معلش ظروف شغله وكده
تانى يوم بقى انه يعبرنا..أبداااااااااااااا
اتصلنا بيه كتييييييييييييير انه يرد ابدااااااا
سألت محامين قالولى طالما ماتعملش محضر فى الاول والعربيه متبهدله يبقى اصبح الموضوع ماينفعش يتحل الا ودى لان مبقاش فيه اى دليل انهم خبطوكم
وفيه محامى قالى ممكن تعملوا محضر والشهود يشهدوا باللى حصل لكن موقفكم ضعيف جدا
والمحضر هايتحفظ وتوكلوا محامى ويعمل تظلم وساعتها ممكن يبقى فيه امل مش كبير لكن موجود
يعنى نقوم محامى بحوالى مثلا 2000 جنيه ( انا مش متأكده طبعا من ال2000 دى بس معتقدش هيقل عن كده) عشان ناخد 1400 جنيه ويا ناخدهم يا مناخدهمش؟
أنا بقى عارفه انى طولت عليكم بس أنا كتبت الموضوع لأكتر من سبب
أولا انى متغاااااااااااااااااااااا ااظه الى أقصى درجه اننا كنا محترمين و كانت النتيجه اننا يحصلنا كده
ويتاكل علينا حقنا
ثانيا ان اخر حاجات فى موضوعى دى كانت لسه حاصله امبارح يعنى النيه بانت انهم مش ناويين يردوا الفلوس فعايزه اعرف رأيكم يعنى ايه الحل دلوقتى؟ولو أنتم مكاننا كنتم هتعملوا ايه (وأقصد مكاننا يعنى معملتوش محضر من الاول ووصلتوا للحاله اللى حاصله دلوقتى دى وانهم بيتهربوا)
ثالثا لما سألت كذا محامى قالولى كذا حاجه كان مفروض يتعملوا وده اللى عايزاكم تاخدوا بالكم منه بعد كده عشان لو لاقدر الله حد فيكم عربيته حصل فيها كده
1- تصورورا العربيه من الحتت اللى فيها المشاكل من الخبطه من كل الاتجاهات ومهم جدا ان رقم العربيه يكون باين عشان تثبت انها عربيتك
2-تروح فورا تعمل محضر باللى حصل وطبعا يكون معاك رقم العربيه اللى خبطتك وماتصلحش العربيه الا لما يتقالك من الظباط انك تقدر تصلحها عشان حقك مايضيعش
وشكرا انكم اتحملتوا الرغى ده وادعولى الغيظ والخنقه دول يروحوا لأن كل ما أفتكر اننا كان ممكن نمرمطهم ونعملهم محضر ونبهدلهم ومعملناش كده فالنتيجه اننا نكون احنا اللى قاعدين زعلانين كده بتغاظ جدا
وعالعموم الحمد لله على كل شىء واللى يجى فى الريش بقشيش وحسبى الله ونعم الوكيل فيهم وربنا ما يباركلهم ولا يهنيهم فى ولاقرش أكلوه علينا
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
احنا فى مصر بلد الحقوق الضايعة
حتى ولو عملت محضر مش هتاخد حقك
ومش هينوبك الا العطلة ووجع القلب
احنا عايشين فى سبهلله
ربنا يعوض عليكم
هما فاكرين نفسهم ناصحين كده .... كله سلف ودين
حسبنا الله ونعم الوكيل فى الظلمة
ربنا ينتقم منهم
رقم العضوية : 134960
تاريخ التسجيل : 14Feb2013
المشاركات : 334
النوع : ذكر
الاقامة : Hurghada
السيارة: lancer 2007 auto1600
السيارة[2]: peugeot 504
الحالة :
عايز اديكي نصيحه عشان تاخدي بالك بس
عمرك ماهتاخدي حق او باطل مع اي حد خبطلك عربيتك الا بالذوق رضي يدفع اوكي مارضيش اخبطيله عربيته علي طول بس عارفه ليه ؟ عشان حاجة انا عارفه وواثق منها 100% و حصلت معايا قبل كده 5 ولا 6 مرات و الواحد مش بيتعلم
طااااااااااالما العربيات حديد في حديد و ماحدش اتعور المحاضر بتتحفظ و مابيحصلش فيها حاجة الا بقي لو حد مثلا عملك ضرر في العربيه خلاها كلها تولع مثلا و حاجة وبالتالي هاتبقي قضية لكن طالما الموضوع مافيهوش دم انسي انه الشرطة هاتعملك حاجة
حتي لو من غير مايكون اخوها ظابط ولا اي حاجة وحتي لو البنت ماعهاش رخصه اصلان هاتروحوا القسم و تعملوا محضر و هاياخدوا بياناتها و ماعرفش ايه و هايسبوها بضمان محل الاقامه لحد بقي ماالنيابه تشوف و تقرر و تحكم و مافيش حاجة بتحصل من الاخر يعني
انا عن نفسي شوفت مره تاكسي خبط عربيه كانت سايقاها واحده و سابها و مشي وهي جريت وراه و خبطتيته من وراه زي ماخبطها و سابته وماشيت الصراحه بت ب 100 راجل
رقم العضوية : 1779
تاريخ التسجيل : 16Aug2007
المشاركات : 950
النوع : ذكر
الاقامة : 6th October
السيارة: نوبيرا بريميوم 1999
السيارة[2]: تمبرا
دراجة بخارية: هيونداي افانتي 2003
الحالة :
شوفي حضرتك...موضوع ان عربية تتخبط او حتى تنزلي تلاقيها مخبوطة..ده بيحصل كل يوم....ناس كتير بتعمل محاضر والعربية هتتحجز في القسم يوم او يومين ..وفي النهاية هيجي يقول في القسم انا مش معايا واعمل اللي انت عايزة...قضية ممكن تقعد سنين ومصاريف بالكوم وممكن تخسريها ..حتى لو كسبتيها مش هتعرفي تنفذي الحكم...هحكيلك واقعة مش فاكرها اوي (ليه واحد جاري خبطة لوري كبير بوظله العربية خالص واتكلفت اكثر من 15 الف ج ..واخذ سواق اللوري وراح القسم وقاله مش في جيبي غير 1000 ج ..الظابط قاله مشيها بالتراضي لان المحضر مش هتاخذ منه حاجة.....(انا نفسي عربيتي دخل فيها forkleft واتكلفت 6 الاف ج..والراجل قالي عايز تعمل محضر اعمل مش معايا غير 300 ج..اخذتهم ومشيت- ومره اخرى في العربية الجديدة نزلت لاقيت تكتك عاصر الباب ..يعني الباب باظ واتكلفت مبلغ وقدره)
الخلاصة....المحاضر ممنهاش فايدة نهائي ومش هتاخذي حقكك في الاخر ....
الحل العملي ولو انه مكلف شوية..هو شركات التامين....حتى لو العربية موديل قديم..هيتعمل محضر بالواقعة وشركة التامين هتصلحلك العربية على حسابها وزي ما انت عايزة كمان....
تحياتي وربنا يعوض عليكي ....والحمدالله انهم متصرفوش في مرض لا قدر الله وانتي سليمة والحمدالله ..يعني ربنا بيفادي حاجة في حاجة ومتزعليش على الفلوس حتى لو صرفتي ضعفهم...ومتنسيش انتي لسيه في مصر
تحياتي
رقم العضوية : 148906
تاريخ التسجيل : 20Sep2013
المشاركات : 184
النوع : انثى
الاقامة : Egypt
السيارة: لا يوجد
السيارة[2]: هيونداى
الحالة :
Elawany13
فعلا احنا فى بلد الحقوق الضايعه
و جزاء التعامل باحترام مع الناس وانك تحسن النيه بيهم تكون نتيجته انك انت اللى كل ده يجى فوق راسك وهم يبقوا عايشين حياتهم وفاكرين نفسهم ناصحين وانت اللى زعلان ومتغاظ
وفعلا كله سلف ودين وانا متأكده ان ربنا هياخدلنا حقنا منهم عشان ربنا عمره مايرضى بالظلم
والف شكر ليك لردك واهتمامك
رقم العضوية : 1779
تاريخ التسجيل : 16Aug2007
المشاركات : 950
النوع : ذكر
الاقامة : 6th October
السيارة: نوبيرا بريميوم 1999
السيارة[2]: تمبرا
دراجة بخارية: هيونداي افانتي 2003
الحالة :
اسمحلي اختلف مع حضرتك في الجزئية ديه....
اولا: انك لو خبطته انت برضه هتتأذي.
ثانيا: لو هو عرف انك انت اللي خبطته وخصوصا في الحالة اللي معانا ....هيرجع يخبط عربيتك تاني وهندخل في دايرة مفرغة...ومشاكل اكثر...
الحل ان كل شخص بيتصرف طبقا لبيئتة اللي خرج منها والمحترم هيفضل محترم برضه..
رقم العضوية : 1779
تاريخ التسجيل : 16Aug2007
المشاركات : 950
النوع : ذكر
الاقامة : 6th October
السيارة: نوبيرا بريميوم 1999
السيارة[2]: تمبرا
دراجة بخارية: هيونداي افانتي 2003
الحالة :
رقم العضوية : 148906
تاريخ التسجيل : 20Sep2013
المشاركات : 184
النوع : انثى
الاقامة : Egypt
السيارة: لا يوجد
السيارة[2]: هيونداى
الحالة :
David Micheal
كلامك ده والله ريحنى
أصلى كنت حاسه ان التقصير مننا اننا ماروحناش القسم وبهدلنهاهم عشان يعرفوا ان الله حق
بس طالما القسم مش هيعمل حاجه يبقى مفرقش كتير عن الوضع الحالى اللى احنا فيه
بس عارف احساس انك راكن العربيه جوه باركينج فى امانه الله وتلاقى حد خبطهالك شىء مستفز جدا
يعنى منتاش سايبها فى وسط شارع مثلا ولا راكنها فى حوده شارع والسواق حمار ونديله شويه عذر
لا دى دخلت فيها جوه الباركينج تقريبا مكانتش مموراها او داست بنزين زياده فحصل كده
الف شكر ليك ولردك واهتمامك
رقم العضوية : 148906
تاريخ التسجيل : 20Sep2013
المشاركات : 184
النوع : انثى
الاقامة : Egypt
السيارة: لا يوجد
السيارة[2]: هيونداى
الحالة :
mummy_47
يمكن احساسى بعد ما قريت ردك والردود اللى هنا خليتنى احس انى نفسيا افضل
كانت عقدتى اللى مجننانى الاحساس اننا غلطانين عشان معملناش محضر وبعد ما كانت كل حاجه فى ايدينا عشان نعاقبهم بقينا احنا اللى بنجرى وراهم عشان يرجعولنا حقنا
وبعدين كل ما اكلم محامى يقولى المحضر المحضر وكان لازم محضر وانتم تراخيتو فى حقكم وكلام مجعلص كده فكنت زعلانه اكتر من نفسنا وان فالاخر ده يكون جزاءنا بس كلامك فهمت منه انه لا محضر ولا دياولو هيجيب نتيجه وبالتالى
كل الطرق تؤدى الى روما زى ما بيقولوا وكل الطرق هتوصلنا ايا كان حجم الخساير فى عربياتنا اننا مناخدش حقنا
وبالنسبه للتأمين أنا عايزاك تفهمنى كام حاجه بقى بخصوصه
يعنى احنا مش مأمنين عالعربيه
ودايما بسمع ان التأمين يعنى تدفعلك كل شهر مثلا 2000 جنيه وفالاخر لو لاقدر الله حصلتلك حادثه تتكلف مبلغ مثلا 15 الف جنيه شركه التأمين هتديك 3 الاف مثلا وتقولك يحنن يالا من هنا :)
فهكون انا كل اللى حصل انى بخسر من فلوسى بانتظام كل شهر 2000 جنيه وساعه الجد الشركه بتاعه التأمين هتطلعلك الف سبب عشان متدفعلكش الفلوس او تديك ملاليم متفيدكش فحاجه فياريت لو انا غلط تفهمنى الصح
والف شكر ليك لردك واهتمامك
رقم العضوية : 148906
تاريخ التسجيل : 20Sep2013
المشاركات : 184
النوع : انثى
الاقامة : Egypt
السيارة: لا يوجد
السيارة[2]: هيونداى
الحالة :
mummy_47
امين يارب ان ربنا ياخدلنا حقنا منهم
والف شكر لذوقك بجد ميرسى اوى
المفضلات