السلام عليكم ورحمه الله وبركاته

بصراحه يا جماعه زى ما العنوان بيقول انا ف حيره بين العربيتين دول وعارف كل واحده فيهم على ايه مميزاتها وعيوبها بس اللى محيرنى اننا عايز العربيه ف مشاوير كتير وشغل افراح وتخميس ومش عارف البى واى دى هتجيب معايا ف الكلام ده ولا لا لأن انا هجيب العربيه علشان اشغلها وكده

بس كل سؤالى لحضراتكم البى واى دى هتستحمل اللعب والمشاوير اللى الفيرنا بتستحملهم انا عارف ان البى واى دى فيها مزايا كتير اوى احسن من الفيرنا بس بردو مفيش عربيه خاليه من العيوب وبتظهر فيها حاجات وبتتعمل ف التوكيل وانا مبحبش اروح توكيلات علشان انا بتخنق بسرعه انا كل اللى شفته بالنسبه للفيرنا انها واطيه من الارض والثبات مش كويس بس والحاجات دى ممكن الواحد يتلافاها بتجنيط مثلاً وعلايات وكده غير كده مبشوفش حد بيشترى جديد ويظهر عيوب ويقول هروح اشوفها ف التوكيل غير ان مشكله الجنط اللى ظهر ف ال2014 ده وربنا يستر بردو زى ما قلنا مفيش حاجه خاليه من العيوب
وكمان حاجه تانيه نسيت اقولهالكو العربيه هتيجى تشتغل وهتكون قسط مش اقل من 6 سنين علشان بردو مش متاكد من ان البى واى دى هتجيب معايا شغل ف الفتره دى ولا هتخسع منى

بس انا كده خلصت كلامى واسيب الرد لحضراتكو وانا شاكر جداً ليكم