شكرا علي نقل التجربة و إن شاء الله تفضل مبسوط من العربية و ربنا يباركلك فيها و يكفيك شرها.
رقم العضوية : 147383
تاريخ التسجيل : 16Aug2013
المشاركات : 60
النوع : ذكر
الاقامة : cairo
السيارة: 301
السيارة[2]: no
الحالة :
اخوتي الاعزاء : انا رحت اول صيانة للبرسونا واحب احكي عن التجربة للاستفادة والنصائح الغالية منكم :
انا حجزت وذهبت امبارح السبت ...الفرع الرئيسي في مصر اسكندرية الصحراوي .. وبالمناسبة عرفت ان يوم السبت بيشتغلوا بنصف العدد وده معناه ان بعض الخدمات مش شغالة زي ضبط الزوايا اللي معرفتش اعمله
مبدئيا العربية كويسة الحمد لله بشكل عام ولكن اي سيارة لا تخلو من الملاحظات عشان نكون واقعيين في الحديث عن هذه الفئة السعرية وكانت الشكاوي أوالملاحظات كالتالي:
1- صيانة الالف ( تغيير زيت وفلتر)
2- ضبط غلق الابواب الخلفية ( تم الابلاغ بها تمت بدون مشاكل)
3- ضبط الفرامل وفرامل اليد عشان مشوارها طويل ( تمت بدون مشاكل)
4- التشييك علي التكييف ( تم غسيل السربنتينة وقالولي كويس)
5- ضبط زوايا عشان عندي حدفة يمين خفيفة ( لم تتم لعدم وجود الموظف وكتبولي في الورق ان من حقي اعمل ضبط زوايا مجانا حتي الصيانة القادمة ولكن طبعا مش يوم السبت... اي يوم في نص الاسبوع)
5- استلام الضمان ( الموظف كان اجازة برضه ومش بييجي السبت اصلا والمفروض اجي استلم الضمان مع ضبط الزوايا بقي في نص الاسبوع)
المهندس قابلني كويس الحمد لله واستلموا العربية بس عشان كنا السبت فخدت وقت طويل من 10.30 الي 3.00 عصرا .... طلبت منهم بعد كده ينظفوا مكنة الزجاج بتاع السواق عشان كنت مش مستريح كده من صوت فيها والناس كانت متعاونة وعملتها ...... كمان كان عندي صدأ خفيف في بعض الصواميل اللي ماسكة العجلة ... ومدير المبيعات وقت الاستلام قاللي دي حاجة خفيفة وتتعمل وقت الصيانة .... افتكرتها وكلمتهم عليها قبل ما العربية تطلع ... واحد هناك قاللي مينفعش والموضوع ده ترجع فيه لمدير المبيعات ... اتناقشت معاه ان كلامك غير منطقي ومدير المبيعات مش المسئول وان انا عندي شكوي ومش هاسكت الا لما تتحل .... المهم الراجل كان ذوق وقاللي طب سيبني اشوف ورجع بعد شوية قاللي انه عمل كام تليفون كده وجاب الموافقة ( حسسني انه موضوع كبير) والمهم ان فك الصواميل وصنفرها وغسلها بالبنزين وركبها تاني وانا شكرته علي التعاون بتاعه
المهم ان مجمل الزيارة كان كويس ولكن عرفت ان الزيت لازم يتغير كل 5000 هو والفلتر وليس 10000 زي كل العربيات .. ودي هاتكون تكلفتها 450 جنيه .... اتناقشت مع المهندس ان كده مش كويس والمفروض يستعملوا زيت 10000 توتال فقاللي انهم كانوا بيستعملوه زمان واتلغي من ماليزيا بعد ما حصل شوية مشاكل
طلبت اعمل شكوي قاللي كلم المهندس آمر بكرة واسأل عليه هايقولك نفس الكلام ... المهم ان انا حاسس ان الموضوع ده لازم يكون له حل ....... مش كويس اننا ندفع صيانة كل 5000 كم .... الزيت مش هايفرق كتير في الثمن لأن ثمن ال5000 اقل من ال 10000 بس في تكاليف مصنعية وتكاليف فلتر وكمان وقت ضايع انك تروح كل 5000 كم
حد عنده حل لهذه المشكلة ولا رأيكو إيه؟؟ لو حضراتكم عايزين طلب جماعي او شكوي انا مستعد نقدمها للتوكيل عشان يخللي الصيانة كل 10000 كم زي باقي الماركات....
لو حد من حضراتكم يقدر يرد عليهم فنيا يبقي عز الطلب عشان ميقولوش ان ده حاجة فنية ومطلوبة من ماليزيا ومنعرفش نرد .
المحصلة عن اول زيارة للتوكيل : جيد مرتفع :)
طلب صغير :
لو حد عنده جدول الصيانة يا ريت يبعته عشان يكون معانا نتابع بيه اللي بيتعمل او اللي عايز يتابع في مراكز صيانة بره او حتي يخرج من الضمان فيبقي براحته
في انتظار نصائحكم الغالية
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
شكرا علي نقل التجربة و إن شاء الله تفضل مبسوط من العربية و ربنا يباركلك فيها و يكفيك شرها.
Omar El-Gezeiry
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
ربنا يكرم فالصيانات الجيه
رقم العضوية : 147383
تاريخ التسجيل : 16Aug2013
المشاركات : 60
النوع : ذكر
الاقامة : cairo
السيارة: 301
السيارة[2]: no
الحالة :
طيب هل جدول الصيانة موجود عند اي من الزملاء ويستطيع رفعه علي الموقع ؟؟؟ محتاجه ضروري
كمان هل حد عنده حل لمشكلة تغيير الزيت كل 5000 كم ؟؟
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
كتيب الضمان موجود فيه الحاجات اللي بتتعمل في كل صيانة
و مشكلة الزيت اللي بيتغير كل صيانة مظنش فيه حل ﻹني بحس التوكيل ماشي بنظام انه ماسكك من ايدك اللي بتوجعك للاسف
و برده ممكن تروح لمركز عصام صفا سمعت من اعضاء كتير انو كويس
Omar El-Gezeiry
رقم العضوية : 149353
تاريخ التسجيل : 29Sep2013
المشاركات : 1,675
النوع : ذكر
الاقامة : القاهرة
السيارة: الطلقة بروتون جين2
السيارة[2]: الرائعة هوندا اكورد FULL OPTION
الحالة :
مبروك العربية والصيانة
وبالتوفيق
سبحان الله وبحمده استغفر الله واتوب اليه
دعاء رسولك الكريم / من سورة النصر
رقم العضوية : 3171
تاريخ التسجيل : 13Nov2007
المشاركات : 1,509
النوع : ذكر
الاقامة : وسط زحمه وخنقة القاهرة
السيارة: هيونداى فيرنا
السيارة[2]: سوزوكى سويفت ديزاير 2015
دراجة بخارية: المفروض لأنها هى اللى بتسلك فى البلد دى !!
الحالة :
مبروك يا باشا العربية والصيانة وعقبال ال 1000000
بس كنت عاوز أسألك ايه هى بكام الاوتو و ايه الفرق بين البيرسونا و الجين 2
اصل اخويا معاه جين 2 و لما بقعد وراه بكون مزنوق اوى علشان احنا كلنا طوال القامة
هل بتختلف فى الصالون يعنى عائلية شوية و لا ايه و لو فيه اختلافات تانى يا ريت تقولى
وانا بسأل عن الاوتو بتاعها كويس ؟
شكرا
https://www.facebook.com/groups/SWIFTCLUBINEGYPT/
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
الفرق كالاتي:مثبت سرعة في البيرسونا و مفيش في الجين 2
الاكر في البيرسونا لونها مدي علي لون الكروم انما الجين 2 بنفس لون العربية
مراية البيرسونا اكبر من مراية الجين 2 + وجود الاشارات في المراية بدلا من الرفرف في البيرسونا
الجنوط و الاكصدامات في البيرسونا مختلفين عن الجين 2 في الشكل
العدادت مختلفة في البيرسونا لون العدادت ابيض في احمر و الجين 2 احمر+عدادات البيرسونا بتفضل منورة اليوم كله+ارقام
الrpm في الجين 2 من 10←80 و البيرسونا من 1←8
انما الاتنين واحد في الموتور و الشاسيه و العفشة و الوسع فرق بسيط
ده للبيرسونا فيس ليفت انما القديمة الفرق في الجنوط و الاكصدام بس
و الاوتو بتاعهم كويس جدا و مفهوش مشاكل
Omar El-Gezeiry
المفضلات