برجاء طلب مساعده ومشوره في صيانه بومه ٢٠٠٧

السلام عليكم يا احسن منتدى
معلش عندي استفسار وارجو تفيدوني باراءكم انا معايا بومه ٢٠٠٧
ورايح اعمل صيانه ال ٥٠ الف انا بعمل الصيانات كلها في توكيل مصريه الي في جسر السويس بعد سوق القنال وكل مره بكلمهم قبليها عشان اعرف رينج الفلوس
المهم قالي حوال ٣٠٠٠ جنيه علشان هنغير الكاتينه لانها موديل ٢٠٠٧ فلازم تتغير
مع العلم انا عمري ما غيرت فيها حاجه مجرد صيانات بس وزي مانتم شايفين عامله خمسين الف كيلو بس لان معظم مشاويري وشغلي في اطار ضيق
فهل كلامه ده صحيح واغير الكاتينه ولا اروح دايموند موتور مثلا ولا اتصرف ازاي ؟
ومعلش هوا ايه الكاتينه اصلا وماهيا اعطالها مع العلم العربيه الحمد لله مبتشتكيش من حاجه

غير الكاتينة و السيور بور و دينامو ة تكييف و فلتر هواء و بوجيهات

هتغير الكاتينة وجميع السيور وممكن التيل والبوجيهات والفلاتر والزيت وكل حاجة

هات القطع اصلية من برة وأعملها عند ميكانيكي كويس

باشا السعر ده كتير اوى على طقم الكاتينه حضرتك روح ورشة المتخصصون اللى فى الاميريه وهما اصلا اللى هناك شغاليين فى التوكيل وعندهم قطع غيار الاصلى وعن تجربة شخصيه متقلقش ومش هتكلفك المبلغ ده

اقتباس:

---

المشاركة الأصلية كتبت بواسطة mahmoud_ali

باشا السعر ده كتير اوى على طقم الكاتينه حضرتك روح ورشة المتخصصون اللى فى الاميريه وهما اصلا اللى هناك شغاليين فى التوكيل وعندهم قطع غيار الاصلى وعن تجربة شخصيه متقلقش ومش هتكلفك المبلغ ده

---

شكرا جزيلا على النصيحه واجيب قطع الغيار دي منين ولا هما عندهم ؟
ولو حبيت اجيب زيت ليكي مولي اجيب منين

قطع الغيار عندهم طبعا
انصحك بزيت ولفر انا جربتة وجربت ليكوى مولى
ولفر احسن

اقتباس:

---

المشاركة الأصلية كتبت بواسطة mahmoudsmh

شكرا جزيلا على النصيحه واجيب قطع الغيار دي منين ولا هما عندهم ؟
ولو حبيت اجيب زيت ليكي مولي اجيب منين

---

قطع الغيار الاصليه عندهم وعن ثقه وحاجه كمان لو انت عايز تاخد رقم المهندس خالد صاحب الورشه قولى علشان لو حبيت تسئله الاول على اسعار قطع الغيار والمصنعيه علشان تكون عامل حسابك. بالنسبه لزيت ليكى مولى انا معرفش انا كنت بغير شل الترا والغيار الجاى ان شاء الله هغير كاسترول ايدج

اقتباس:

---

المشاركة الأصلية كتبت بواسطة mahmoud_ali

قطع الغيار الاصليه عندهم وعن ثقه وحاجه كمان لو انت عايز تاخد رقم المهندس خالد صاحب الورشه قولى علشان لو حبيت تسئله الاول على اسعار قطع الغيار والمصنعيه علشان تكون عامل حسابك. بالنسبه لزيت ليكى مولى انا معرفش انا كنت بغير شل الترا والغيار الجاى ان شاء الله هغير كاسترول ايدج

---

شكرا جزيلا ياباشا ع الرد والاهتمام ياريت تبعتلي نمرته علشان ناوي اروح الاسبوع ده باذن الله
شكرا

3000 جنيه ايه يا عم دولا بيستهبلوااا
انا مغير في ديموند الكاتينه و البليه وعملوا حبة صيانات و مصنعيات و خدوا 800 جنيه
وكمان اصلان معروف انه السير ب 250 و البليه ب 250 الاصلي من غير الضريبة بالضريبه هاتلاقيهم عاملين 550 جنيه

اقتباس:

---

المشاركة الأصلية كتبت بواسطة mahmoudsmh

شكرا جزيلا ياباشا ع الرد والاهتمام ياريت تبعتلي نمرته علشان ناوي اروح الاسبوع ده باذن الله
شكرا

---

01221512918

قولهم 3000 عفريت لما يتنططوا فوق دماغهم الرواس ده حرامي كلم دايموند موتورز او روح الورشة اللي قالك عليها الاخ الكريم .... ولو اني شايف انك تشتري قطع الغيار الاصلي وتغيرها بره احسن لو عندك ميكانيكي كويس بتثق فيه

لا تلجا للتوكيلات الا في حالات فنية بحته او قطع غيار شديدة الندرة
الكلام اللي حضرتك بتقوله يتكلف 400 جنيه قطع غيار غير اصليه
او 1000 جنيه اصليه
سير الكاتينه بيتغير على حد اقصى كل 80 الف لو اصلي او 40 الف لو مش اصلي
فايدته توصيل الحركه من الفتيس ( الكرنك تحديدا) للموتور ( الكامات)
في طبعا بلية كاتينه ودي معمرة بشكل غبي ومنصحكش تغيبرها الا عند 100 الف على اقل تقديير انا غيرتها على 220 الف للمرة الاولى والاخيرة