عرض للطباعة
السلام عليكم ورحمة الله و بركاته
بيحصل عندي خضخضه كده و أهتزاز ملحوظ قوي في الطاره و بحسه في كل العربيه بالذات الجزء الامامي في بدايه التحرك من السكون ع الغيار الاول بس بالذات لو الطاره مكسوره يمين او شمال لكن بعد التحرك و اثناء المشي على اي غيار بيبقى مفيش حاجه خالص
ملحوظه . لما اكون جاي اطلع لو انا مغذي بنزين زياده الرجه بتكون اخف
الرجاء من اهل العلم الافاده
و جزاكم الله خيرا
عندي نفس الاعراض والميكانيكي الي عندي الحمار قالي دا عادي
هل الموضوع ده بيبان اكتر والعربية سخنة
ولا حتى لو العربية باردة تماما بتعمل نفس الحركة دى ؟
عامة اهم احتمالين للموضوع ده طقم دبرياج او قواعد موتور وفتيس
ديسك واسطوانه ولو انت مغيرهم قريب خليه يربط على مسامير الداير بتاع الفتيس
بس العربيه بتسحب كويس و هل لو ده ديسك واسطوانه يحصل كده في بداية الطلعة بس يعني دي اعراضهم بس
بالنسبة انها بارده و لا سخنه بتهيالي بيكون اكتر و ملحوظ و العربيه بارده بس موجود خفيف و العربيه سخنه يعني موجود
متابع
العربيه فيكترا بي 2003
مجموعة دبرياج فى الغالب
اقتباس:
المشاركة الأصلية كتبت بواسطة raef.atia
الاسطوانه والديسك مش سحب وبس لان الاسطوانه فيها سوست ولما بتضعف تعمل رجرجة والديسك كذلك فيه سوست وريش
ياباشا ده من الفتيس ومش شرط يكون ديسك واسطوانه والموضوع ده لاحظه كويس هتلاقيه بيحصل والعربيه سخنه مش وهيا بارده وهتلاحظه قوى وانت بطىء وطالع مطلع او وانت فى الزحمه شوف واحد كويس بتاع فتيسات وهيعملهالك
طيب ال بيحصل ده معناه تغير و لا في تربيط و لو تغير سعرهم في حدود كام
يا جماعه لاحظوا ده بيكون في الغيار الاول بس و بداية الطلعة وساعات لما امور و ادي الغيار من تاني الرجه تروح خااالص
تمام بص انا هقولك كل اللى اعرفه عن متلازمات اعطال الدبرياج لانها مش عطل واحد زي ما حضرتك متخيل
رقم واحد واللي حضرتك عارفها ان الاسطوانة اتاكلت ومابقتش مكلبشة في الدسك ودى مع السحب او الاحمال او المطالع تخلى الاسطوانة تتزحلق على الدسك وصوت الموتور يعلى ع الفاضى بدون سحب
رقم 2 الدسك نفسه وحش او تعب او مش اصلى او الفوﻻم بتاع الموتور نفسه سطحه مش مستوى وفيه ريجة ودى في بداية الحركة ﻻزم هتعمل تخبيط ورجة وفي الحالة دى ﻻزم تتاكد ان الفوﻻم سليم وخرطه او تغييره لو بايظ او تغيير الطقم لو العيب من الدسك وتاثيرها يخف لو بتدوس زيادة بنزين في الطلعة ودى تحصل والعربية باردة او سخنة
رقم 3
مع طول التشغيل والمشى في الزحمة فترة طويلة ومع الاستخدام الخاطئ والمتكرر للدبرياج زي لما تدوس دبرياج للاخر وتفضل معشق بدون ما تمور برضه تحس برجة في الطلعة وشعور اشبه بان المكنة خشنة جدا او كانك بتتعلم السواقة لسة ومش عارف تظبط رجلك وبرضه التاثير يقل مع تزويد بنزين اكتر من المعتاد في الطلعة بس الحركة دى ما تحصلش الا بعد زحمة تخلى الاسطوانة تسخن
ودى حلها تغيير اسلوب السواقة قبل ما الاسطوانة تبوظ خالص او تجنب الزحمة
لو بتركب تاكسيات كتير سهل جدا تﻻحظها مع بعض السواقين اللى بيدوسوا دبرياج كتير وطبعا شغالين طول النهار ع العربية لذلك تﻻقي سواقين الاتوبيس والميكروباص بيسوقوا بعنف شديد واستخدام الدبرياج في اضيق الحدود عشان الاسطوانة ماتسخنش منهم
في اي حالة من الحالات تغيير اي مكون يستلزم انك تغير المجموعة بالكامل دسك واسطوانة وبلية
الرجه بتحصل من غير صوت خالص و غالبا بيكون مره واحده في المشوار كله يعني اول مره و بعدين خلاص ( ده في اغلب الاحيان ) يعني لو وقفت و طلعت كذا مره احتمال انه يحصل 20 % بس
غالبا المشكلة فى الفلام عاوز يتغيير او يتخرط
انا عندي تقريبا شبهه الاعراض ولما بتسخن العربية كمان بلاقي الفتيس تقيل قوي قوي في الغيارات ناشفاقتباس:
المشاركة الأصلية كتبت بواسطة amrelsaqqa
دى يابشا الشداد الخلفى او القواعد لراجع على الاقواعد والشدادات لأنها بتفرق جدا
بص ياباشا الاعراض بالظبط بتحس بهزه الماتور في العربيه لما بتلف الطاره يمين او شمال التحميل بيزيد وبتزيد الهزه. انما لو عدلت الطاره الهزه بتقل صح ؟؟ ..طيب لو عدلت الطاره ومورت العربيه تبقى العربيه تمام صح ؟؟ دى الشدادات والقواعد لأن الدليل ان وانته ماشى بسرعه مبتحسش بالهزه وكمان لو زودت بنزين مبتحسش بحاجه لأن الماتور عدد لفاته بتزيد وتردده بيبقى اسرع مبتحسش بالنتش بتاعه..!! طيب اققولك على كمان حاجه عشان تتأكد !! لما بتكون مشغل التكييف بتكون الهزه اكبر صح ؟؟ بص بقى على القواعد وغير اللازم وياريت بعد ما تخلص تقولنا كلفتك كام والنتيجه ايه
الكلام دة مضبوط 100 × 100اقتباس:
المشاركة الأصلية كتبت بواسطة amrelsaqqa
مشكوووووور والله يعطيك الف عافيه
ح اشوف الاسطوانه و الدسك و كل اللي حضراتكم قولتوا عليه عند ميكانيكي بس يا رب يكون بيفهم
اسطوانه دبرياج سوستها ضعفت او ريجه في ترس الفولام
الديسك والاسطوانه عندك ب1350ج الاصلي ماركه luk
كده كده قبل التركيب هتشيك علي ترس الفولام تفكه وتمسحه
ع المخرطه او تشتري واحد استيراد ب150ج
يا فادى باشا طب لو نفس الرجرجه دى في الاتوماتيك ؟؟ وطلعت مشكله في القواعداقتباس:
المشاركة الأصلية كتبت بواسطة فادى محمد
ماهي في الاوتوماتيك غالبا بتبقي بسبب القواعد لان ترس الفولام في الاوتو رفيع خالص وتاثيره مشاقتباس:
المشاركة الأصلية كتبت بواسطة mahmoud kamal
كبير زي في المانوال - مفيش طقم دبرياج
وطبعا حسب مانا متصور ترس الفولام نفسه مفيش ديسك بيكلبش فيه بالتلامس عشان يحصل الرجرجة حتى لو سطحه متعرج .. انما حسب تخيلى هيبقى الترس متوصل بشكل دائم للفتيس الاوتوماتيك (محول العزم) وبافتراض لو حصل اي تذبذبات في حركة الموتور مش بتحس بيها زي المانيوال نتيجة ان الحركة بتتنقل هيدروليكيا مش ميكانيكيا ;)اقتباس:
المشاركة الأصلية كتبت بواسطة فادى محمد