ده لينك رابطة كروز على الفيس لمحبى الفيس وراغبى الانضمام
https://www.facebook.com/groups/302383463257606/
عرض للطباعة
ده لينك رابطة كروز على الفيس لمحبى الفيس وراغبى الانضمام
https://www.facebook.com/groups/302383463257606/
هو خد الضم والليدات وادانا صابونه واهو كله علشان مصر -ههه
وموضوع ان السعر هيعلى تانى ل 160 برضه مش مناسب لان القديمة الاقل فى الامكانيات وقبل الزياده الجماعية كانت ب 160 يبقى اللى معاه 2013 برضه لبس فى الحيط لان الفرق ده هيخلى السنه تعملها على الاقل 20 الف بدل 8 او 10
والتوب لاين اللى معايا فيها زياده عن العادى فرش جلد وطاره اسبور ونواكل فى دواير العدادات واكر داخليه نيكل وتابلوه ساده مش منغبش وسقف ساده برضه -دى الفروق الى اعرفها لكن مفيش حاجه عليها القيمة زى فتحة سقف او اوتو كروز او مرايات ضم او يو اس بى
الاخوة اللى بيسألو عن التخريم والكلام ده
انت خد النمر والمسامير واطلع على اى حد بتاع اكسسوار اسأل عن صاجة نمر استانلس هتلاقى الصاجة فىها فتحات على شكل مجرى علشان تتحرك بالمسمار وتحدد مكانه براحتك
هتيجى تحط الصاجة على الشنطة بعد ما تكون فكيت المسمارين اللى جايين فى قاعدة النمر اللى راكبه
وسطن الصاجه وحط النمر عليها ووسطنها وعلم على الصاجه من خرمين النمر (يمين وشمال)
فك الصاجه وتعالى بره واخرمها بمقاس المسمار بتاع المرور
دلوقتى مطلوب منك تركب الصاجه على القاعدة الفبر بتاعة العربية بس تنطرها لبره بتاع 10 او 15 مللى علشان مسمار النمر ميعلمش فى الشنطه
استعمل اى علايات كاوتش او جلد حنفية تخين او البكرة البلاستيك بتاعة الكاسيت (الروندله) المهم اى حاجه تركب تحت الصاجه على المسمار وهوا بيربط ويفضل انك تلصق دبل فيس على الشنطة فى المكان اللى مسمار النمر هيكون فوقه علشان بعد الربط ميوصلش للشنطة ودبل فيس تحت حرف النمره من تحت علشان برضه متعلمش فى الشنطه
المهم اربط الصاجه فوق الفبره بالمسمارين بتوعها بعد ما تركب العلايات على المسامير قبل ما تربط وقرط كويس
ركب النمر على الصاجه بمسامير المرور وهتبقى فله باذن الله
انا عملتها عندى وفى الكوزمو بتاعة جارى وزى الفل
وبالنسبه لقدام انا كنت شارى برضه صاجه بس ركبت على الفبر على طول وعملت كده لجارى برضه بس فى الاكصدام لان الكوزمو مفيهاش قاعده فبر قدام و لانه كسل يستنى لما يجيب صاجه لان مكنش معايا الا واحده بس ركبتهاله ورا
انا كنت شارى الاتنين ب 20 جنيه ومش بيصدى بس حرفهم زى الموس حاد جدا
بخصوص الكاميرا والحساسات والشاشة انا قتلت الموضوع بحثا فى مصر وبره وطلعت للنتايج دى
فى فى التوكيل اكصدامات متخرمة جاهزى بس الشكل القديم واغلى حوالى 400 جنيه وطبعا محتاج رش
فى كاميرات بتركب مكان لمبه من لمبات النمر واشكالها كتير منها الصغير ومنها الكبير وطبعا مساحة الصورة مختلفه حسب النوع والاسعار من 150 فما فوق وبتاخد كهربا من سلك الكهربا بتاع نور المارشدير وفى منها لاسلكى يعنى بتاخد كهربا بس ومفيش سلك داتا واصل للشاشة وبتبدا من 650 جنيه تقريبا (سعر تحويل دولارى لانى شفتها بره )
فى كاسيت كامل ب جى بى اس وبلو توث والكاميرا الخلفية والتوصيلات ب 3500 جنيه
فى مرايه للكروز بتقرا من الكاميرا وبتعرض فيديو وكده ب 650 جنيه
المشكله فى كل ده انك هتحتاج تقشر سلك نور المارشدير وهتفك الباكتات بتاعه القايم اليمين وباكيتات العتب اليمين كلها وانا بترعب من اللعب فى اى فيبر فى العربية ومن فك الكلبسات ومهما كان الفك نضيف بيسيب اثر ولو خدوش وانا بصراحة موسوس
فالاسهل انزل ابص ورايا لو بركن فى مكان ضيق واعرف باقى قد ايه من انى العب فى العربية
او على الاقل لحد ما الضمان يخلص
لو حيركب الفيلم دة جوة التوكيل انا دايس فية ... هي ناقصة سينسور خلفي او كاميرا و تبقي بالنسبة ليا كاملة الكماليات
العربية فيها hill assist علي المطالع ومشغل التكييف مش بتريح لورا ... انا متاكد لان نفس المطالع كانت الكارينز بتريح لورا.
منا عندي سيراتو كوبيه ٢٠١٠ فيها esp و tc
منا سيراتو ٢٠١٠ فيها esp و tc
انا حصل معايا ده فى طلعة جراج سان ستفانو واستغربت وقلت معقول العربيه فيها الخاصيه دى ولا الحمل على الفتيس والموتور اثناء التعشيق هما الى مانعيين رجوع العربيه؟؟
المطلع كان منحدر جدا على فكره لو انت عارفه
كده انت بتاكد ده والغريبه ان منصور العبقرى مش معلن عن ده رغم انه اعلن عنه فى الاسترا وشارحه بالفيديو كمان التفصيلى
الف مبروك يا باشا ربنا يديك خيرها ويكفيك شرها
اعتقد لو فيها هيل اسيتس كان اكيد منصور قال عليها اعتقد ممكن تشوف في الكتالوج
الله يبارك في حضرتك ويرزقك خيرا منها وكل ماتتمناة
انت كمان يا حسام :)) يبقي كدة الموضوع صحيح مش صدفة بقي ... اللى مأكدلي ان ال rpm مش بيعلي ذى ماهو فاللي بيوقف العربية مش فتيس لا فرامل
بس الموضوع دة مش بيشتغل معايا غير لما العربية توصل لدرجة السخونة الطبيعية مش وهى باردة يعنى
ملاحظات جديدة شفتها النهاردة
كبوت العربية ذي ماانتم عارفين متبطن عشان عزل الصوت والحرارة ... النهاردة لقيت ان الكبوت حروفة من جوة متقفلة بكاوتش كمان لمنع الاهتزازات والصوت وتسريب مياة الى الداخل
الأستبن من الأجناب حاطين حاجة بلاستيك طرية عازلة للصوت عشان المطبات
ارضية الشنطة مطرح ما بتقعد بتنزل على كاوتش طري و تعشق عشان تلغي صوت الاهتزازات والدوشة
دواسات الرجل بتتدخل بكليبسات في الارضية عشان الاهتزازت والصوت
جى طقم فلين بيركب بدبل فيس بيتحط على النمر الخلفية قبل تركيبها على الصاج عشان تمنع ذبذبات الصوت والاهتزازات
.
.
.
كل يوم الحمد لله بلاحظ مدى الأتقان اللى في تقفيل العربية دى.
بسم الله ماشاء الله ولا حول ولا قوة الا بالله
فعلا كل ملاحظاتك سليمه وخصوصا موضوع عزل الكبوت رائع
والدواسات خامتها عاليه هيا وارضية العربيه قارن بينها وبين الالنترا وانت تعرف فرق الخامه لصالح الكروز
حتى جراب النضاره متبطن تمام
درج الطابلوه فيه لمبه قويه وومش موجوده فى موديلات كتيره تانيه كان ناقصها تبريد فى درج التابلوه
كنت عايز منك يا استاذ شهدى رقم تليفون الشركه الى بتورد للطارق الكاسيتات التاتش
يا جماعة انا نازل اركب كاميرا خلفية او سينسورز حد يعرف الضمان حيرخم ولا لأ ... الكاسيت عاجبني و مش حفكة ابدا ... انا حركب المراية اللي بكاميرا و بلوتوث .... حد حيرخم ويلغي و الضمان ؟
حسام ...الموقع بتاعهم www. Videobus. Com
ههههههههه كل تاخيره و فيها خيره :)
يمكن دى فرصه علشان تفكر تانى .... ركب فى التوكيل احسن علشان بعد كده محدش يتلكك لو احتجت تغيير حاجه فى الضمان لا قدر الله .... و لو ما رضيوش اصبر لحد ما تعمل 10 الاف كيلو مثلا و تكون اتطمنت للعربيه و بعد كده اعمل اللى انت عاوزه
هتتطلع من ضمان الكهربا انا غيرت الكاسيت عندى قالولى كده
انا مركب شاشة بدل الاصلية ركب اللى انت عايزه و لو حصل حاجة قبل ما تروح فك الشاشة الجديدة و ركب القديمة - مفيش قطع فى الكهربا كلها كابلات بتتفك و تركب
شوف الشاشة اللى عند توكيل كلاريون لو نزل منها للكروز الجديدة احسن من الحاجات بتاعت راديو بص بكتير
Roadrover Chevrolet Cruze DVD Player w/ GPS Navigation System [Chevrolet Cruze] : Roadrover DVD GPS Navi Wholesale
انا شايف دة وهمي الصراحة اندرويد و كمية اوبشنز عجيييبة
Car DVD Player Stereo GPS Navigation Autoradio Chevrolet Cruze 2013 3G WiFi | eBay
http://m.ebay.com/itm/181203812760?cmd=VIDESC&gxo=true
انا استلمت الكروز النهاردة بس لقيت ان ولاعة السجاير مش موجودة ياترى كل اللى اشترو الكروز موديل 2014 مافيش ولاعة السجاير