الموضوع: تحية لكل شخص بيقف يعدي الناس

المشاركة الأصلية كتبت بواسطة أبو آسر

بس أكتر حاجة بتغيظني إني أقف لواحد علشان يعدي فيقعد يتدلع ويتمخطر بدل ما يقدر إني واقفله مخصوص فاللي زي ده بندم بصراحة إني وقفتله أساسا !

بالظبط كده..
تحس أن في ناس مش بتصدق ان حد فعلاً وقفلها عشان تعدي الطريق فبينتهزوا الموضوع عشان يستمتعوا باللحظة التاريخية دي..
أنا كمان بقف لو لاقيت حد بيعدي حتى لو كنت ماشي بسرعة و الطريق يسمحلي اني أفرمل و أقف..
بس الناس اللي بتستفزني فعلاً و ممكن أتعمد مقفلهومش لما أكون واقف في أشارة و يقرروا أنهم يعدوا لما الأشارة تفتح, الناس دي لا تستحق مني الأحترام, زي ما أنا بقف و بحترم الأشارة و بحترم حق المشاة في تعدية الطريق المشاة كمان لازم يحترموا الأشارة و حق اللي راكب عربية اللي طبيعي انه عايز يمشي لما الأشارة تفتحله..