الموضوع: اللى بيعرف فى شرم الشيخ والغردقة محتاج مساعدته

المشاركة الأصلية كتبت بواسطة mohabelnegm

على سبيل المثال و ليس الحصر, صنى لاكس و ده على بعد 2 كم من خليج نعمة و مفضل للأجانب فى الشراء و ألأيجار ممكن بس عيبه أن فلوس الخدمات فيه عاليه شوية( بتصل ل 400جنيه شهريا) و بتتدفع بشكل سنوى. و برض ممكن يفكروا فى "سانتيرا" و ده من خليج نعمة حوالى 2 كم برضه بس فى اتجاه السوق القديم و على بوابة سانتيرا فتح كارفور مؤخرا من حوالى شهرين. بصفة عامة...فيه أختيارات كتير...ده لو حتى أشتروا شقة فى شارع البحر على الهضبة هايكون مش وحش لأن مفيش فلوس خدمات غير حوالى 100 جنية عن الشقة شهريا و كهرباء حكومة عادية و المنطقة دخلها غاز طبيعى و الهضبة فيها اهتمام كبير جدا و هيا المكان الوحيد فى شرم اللى بدأ ظهور العماويد اللى بتشتغل بالطاقة الشمسية...المهم بقى اللى ناوى يشترى مايروحش لمكاتب العقارات و الوسطاء لأن السعر بيكون الدوبل خصوصا لو فى حالة ألأجانب...ألأفضل لو ربنا يكرمهم بحد أجنبى بيبيع و ده بيتعرف عن طريق دايرة المعارف لأن البلد صغيرة و كل حاجة فيها بيكون سهل الوصول ليها عن طريق دوائر المعارف.

الف شكر لحضرتك ؛ تقريبا الحل الوحيد هو البيع عن طريق اعلان فى جريدة الوسيط اللى بتنزل فى الدول الخليجية وربنا يكرم ويوفق ان شاء الله

لا طبعا ميسيبوش شرم الشيخ