بسم اللَّه الرحمن الرحيم:
مبدأيا يا جماعة الموضوع ده انتشر أوي بين الناس وخصوصا الناس اللي بتشتري خليجي .
تعالو ناخد الموضوع عقليا:
أنا واحد فاتح شركة تأمين أو ضمان ،بعرض ع الناس انهم يدفعو ٣٠٠٠ جنيه كل ٤ شهور وأنا أتكفل أى عيوب في عربيتهم اللي هما بيشتروها من أي مكان،يعني يطلع المشتري من المعرض ويطير ع الشركة عندي ويعمل ضمان الكلام ده الصبح،بليل العميل بيشغل العربية لقى النور محروق والفانوس مشروخ(فانوس ليد) راح طلع ع الشركة قال كذا وكذا، المهم أبص أنا ع تمن الفانوس الليد الاقيه ٣٠٠٠ جنيه،طب يا عم مشي حالك بفانوس عادي يمين شمال مش نافع ، العامل بيقولي انا دافع فلوس!!١ فين حقي !! (طيب يا ابن الحلال انت دافع ٣٠٠٠ جنيه بس )يعني تمن الفانوس،برضو ماسك عليا ذلة الفلوس،طيب يا عم روح مركز الصيانة ده وهما هيعملوا اللازم!!
في نفس اليوم الصبح كان عميل برضو شاري ضمان ب٣٠٠٠ جنيه،بس ما حصلش في عربيته مشاكل أصله كان راجل ذوق بيخاف ع عربيته وشايلها للسفر بس، العميل عدى على اشتراكه سنتين وكل مرة يجدد
يعني أنا كسبت منه في حدود ٣٠ الف جنيه والراجل بيدفع عشان يطمن،طب أنا لما اكسب منه ٣٠ الف وزدفع لواحد ٣ الاف،خسرت أنا كدة؟ اكيد لأ ،امال مين اللي خسر ؟ الراجل الذوق المحترم خسر ٣٠ الف جنيه
يعني بتمن باب شنطة وزجاج ع كام فانوس و٤ فرد كاوتشات من عربيته !! ياه كل ده!!!
وده ليه ؟ بس؟ عشان العربية احتمال يكون فيها عيب !!
طيب انت عارف إن الشرع بيحافظ ع فلوس المسلمين قد ايه (لدرجة إنك إذا كسفت حد وخدت منه الحاجة عشان كسفته،يبقى الحاجي دي حرام وانت مدين بيها ليه!!) الشرع حرم هذا النوع من الضمان !!
وانت يا سيد ممكن تجيبها من معرض موثوق واكشف عليها كأنك بتكشف ع مستعمل،ده أنا حتى لو اشتريتها من الوكيل هكشف عليها ربما يكون الراجل نسي حاجة!
طبعا الموضوع ده يشبه التأمين الإضافي برضو
وللإستزادة ابحث عن الموضوع ف جوجل
وارجوكم تقبلوها كنصيحة
المفضلات