الاخوة اﻻحباب ملاك السبورتاج عن استهلاك البنزين اتحدث

اخواني واحبتي في الله اعضاء قسم كيا عموما وملاك العزيزة اﻻسبورتاج خصوصا

تحية من القلب اليكم جميعا

من فترة يتصل بي بعض اعضاء المنتدي الكرام و بعض الزائرين للمنتدي لسؤالي عن القشقاي وامكانياتها ومدي رضائي عنها بعد تجربة عامين والمميزات والعيوب

وحين اذكر لهم موضوع استهلاك البنزين اجد اغلبهم بيستغربو جدا من الرقم ويبدأو في عقد مقارنة مع السبورتاج وانا طبعا لم اجربها فلا استطيع ان احكم عليها ولكن ﻻنهم بيكونو جمعو معلومات عن السبورتاج من بعض ملاكها وبعضهم قال لي ان استهلاك البنزين في السبورتاج كبير

فحبيت اسأل احبائي واخواني ملاك السيارة انفسهم عن معدلات الاستهلاك وخصوصا الحبيب الغالي الاستاذ محمد بدر والموضوع ملوش علاقة من قريب او بعيد بمقارنات السيارات هي فقط معلومة حابب افهمها كويس وبالمناسبة اخونا الفاضل الاستاذ محمد الخولي احد ملاك السبورتاج صديقنا في قسم كيا كان ذكر لي رقم خوفني جدا في استهلاكها في المشاوير البسيطة المتقطعة في بورسعيد

منتظر تفاعلكم ومشاركاتكم

تحياتلى اليك ....

فعلا العربية بتستهلك بنزين كتير ... تقريبا بمعدل 180 كيلو فى ال 20 (الصفيحة)... واكتر من كدة لو بتعدى ال 140 كيلو متر/ساعة لو مسافر لان العربية بتنزل كتيييير على النقلة الخامسة واوقات كمان الربعة ودة بيخلى الماتور بيعدى 4000 و 5000 ويمكن 6000 دورة على ال ار بى ام .... ودة معناة بنزين زيادة اكيد.

انا معاي الهاى لين مشيت تقريبا 5000 كيلو ... وكلامى دة مقارنة باللانترا .

عايز بردو اوضح للاعضاء انى معظم الوقت نور الايكو منور لان هو اظهار بس مش بيوفر ... يعنى الايكو دة موشر فتح وغلق بس وملوش علاقة بتوفير البزين من اساسة وانا مش على طول ماشى بحرق خالص

وبالتوفيق للجميع

متابع

بس 180 كم في الصفيحه يعني 11.1 لتر لكل 100 كم و ده رقم كبير جدا لو علي طريق شبه مفتوح او سريع

اعتقد ان نفس الموتور في ال Ix 35
صح؟
لو صح هل في اختلاف في الاستهلاك و لا لا؟

اقتباس:

---

المشاركة الأصلية كتبت بواسطة mo3taz mostafa

بس 180 كم في الصفيحه يعني 11.1 لتر لكل 100 كم و ده رقم كبير جدا لو علي طريق شبه مفتوح او سريع

---

10/10 فعلا كلام مظبوط ... ودة على الكمبيوتر فى العربية

انا كانت معايا التقفيل الكورى وكانت بتعمل ٢٢٠ كم لكل ٢٠ لتر جوه البلد عبارة عن ٨٠ كم دائرى والباقى وسط البلد وهى افضل فى استهلاك البنزين عن التقفيل السلوفاكى عن تجربة ٨ شهور للكورى و ٣ شهور للسلوفاكى وسيبك من كلام ان الاثنين زى بعض لان التقفيل الكورى كان افضل فى حاجات كتير زى الاستهلاك وصوت الموتور اهدأ وقفل الابواب انعم وخامة الفرش القماش احسن والدريكسيون جلد خياطة مش فيبر والعفشة انعم ومن الاخر التقفيل فى المصنع الام بيختلف كتييييييير عن التقفيل فى اى مكان تانى ودا عن تجربة زى ماقلت مش سمع

اقتباس:

---

المشاركة الأصلية كتبت بواسطة eng_abdou

تحياتلى اليك ....

فعلا العربية بتستهلك بنزين كتير ... تقريبا بمعدل 180 كيلو فى ال 20 (الصفيحة)... واكتر من كدة لو بتعدى ال 140 كيلو متر/ساعة لو مسافر لان العربية بتنزل كتيييير على النقلة الخامسة واوقات كمان الربعة ودة بيخلى الماتور بيعدى 4000 و 5000 ويمكن 6000 دورة على ال ار بى ام .... ودة معناة بنزين زيادة اكيد.

انا معاي الهاى لين مشيت تقريبا 5000 كيلو ... وكلامى دة مقارنة باللانترا .

عايز بردو اوضح للاعضاء انى معظم الوقت نور الايكو منور لان هو اظهار بس مش بيوفر ... يعنى الايكو دة موشر فتح وغلق بس وملوش علاقة بتوفير البزين من اساسة وانا مش على طول ماشى بحرق خالص

وبالتوفيق للجميع

---

شكرا لحضرتك للتفاعل مع الموضوع
ولكن هل ال 180 كيلو مع التكييف ومع المشي داخل البلد ام علي طرق مفتوحة

وكان اخونا الفاضل اﻻستاذ محمد الخولي ذكر لي رقم مرعب داخل البلد في المشي المتقطع وهو حوالي 135 كم في الصفيحة وهو رقم صعب جدا بس كان بيتحسن لو علي طريق بورسعيد القاهرة وبيوصل لل 180 كم في الصفيحة

ويا ريت حضرتك توضح لنا السيارة تقفيل كوري او سلوفاكي

تحياتي لحضرتك

اقتباس:

---

المشاركة الأصلية كتبت بواسطة mo3taz mostafa

بس 180 كم في الصفيحه يعني 11.1 لتر لكل 100 كم و ده رقم كبير جدا لو علي طريق شبه مفتوح او سريع

---

بالظبط يا دكتور معتز وحابب كمان اعرف هل الرقم ده صيف بتكييف ام في الشتاء ومتوسط السرعة علي الطريق طام بالضبط

اقتباس:

---

المشاركة الأصلية كتبت بواسطة م. حاتم السباعي

اخواني واحبتي في الله اعضاء قسم كيا عموما وملاك العزيزة اﻻسبورتاج خصوصا

تحية من القلب اليكم جميعا

من فترة يتصل بي بعض اعضاء المنتدي الكرام و بعض الزائرين للمنتدي لسؤالي عن القشقاي وامكانياتها ومدي رضائي عنها بعد تجربة عامين والمميزات والعيوب

وحين اذكر لهم موضوع استهلاك البنزين اجد اغلبهم بيستغربو جدا من الرقم ويبدأو في عقد مقارنة مع السبورتاج وانا طبعا لم اجربها فلا استطيع ان احكم عليها ولكن ﻻنهم بيكونو جمعو معلومات عن السبورتاج من بعض ملاكها وبعضهم قال لي ان استهلاك البنزين في السبورتاج كبير

فحبيت اسأل احبائي واخواني ملاك السيارة انفسهم عن معدلات الاستهلاك وخصوصا الحبيب الغالي الاستاذ محمد بدر والموضوع ملوش علاقة من قريب او بعيد بمقارنات السيارات هي فقط معلومة حابب افهمها كويس وبالمناسبة اخونا الفاضل الاستاذ محمد الخولي احد ملاك السبورتاج صديقنا في قسم كيا كان ذكر لي رقم خوفني جدا في استهلاكها في المشاوير البسيطة المتقطعة في بورسعيد

منتظر تفاعلكم ومشاركاتكم

---

و انا اقول قسم كيا منور ليه :) واحشنى يا بشمهندس من زماااان مسمعناش صوتك

بالفعل زى ما ذكرت لحضرتك الاستهلاك فى المشاوير القصيرة يعتبر كتير
و لمزيد من التوضيح فالاستهلاك داخل البلد فى المشاوير القصيرة المتقطعة بمعنى تمشي مثلا 1 كيلو و بعدين تركن و بعد شوية تمشى مثلا 2 كيلو و تركن و و هكذا
يعنى لو بتعمل فى اليوم حوالى 5 او 6 كيلو على سرعات مابين 10 الى 60 كيلو فى الساعة او توقف فى الاشارات و المطبات بالطريقة دى حتلاقى معدل الاستهلاك حوالى 135/145 فى الصفيحة اعتقد ان ده راجع ان العربية مش بتلحق تسخن فالاستهلاك بيزيد فى المشاوير القصيرة
ولكن لو حتتمشي مثلا 20/30 كيلو داخل البلد فى مشوار واحد على سرعات مابين 10 الى 70 كيلو فى الساعة او توقف حتلاقى الاستهلاك بيعمل170/190 فى الصفيحة على حسب الوقوف فى الزحمة او الاشارات
و لكن فى السفر يعتبر استهلاك كويس جدا لو مفيش مقاومة هوا على سبيل المثال طريق بورسعيد القاهرة ساعات بتعمل 260/270 كيلو فى الصفيحة و ساعات بتعمل 220/230 "سرعات مابين 80/140 كيلو فى الساعة" على حسب مقاومة الهوا لان العربية عالية فالاستهلاك بيتأثر بالهوا تأثر مباشر
و بالنسبة للتكيف فتأثيره بسيط على الاستهلاك خاصة على السفر يعنى الاستهلاك الذى ذكرته فى السفر 90% من الطريق مشغل التكييف و لكن لسه محسبتش الاستهلاك بالتكييف داخل البلد كويس لان قليل اما بشغله فى البلد الجو لسه كويس

اقتباس:

---

المشاركة الأصلية كتبت بواسطة aelsayed74

انا كانت معايا التقفيل الكورى وكانت بتعمل ٢٢٠ كم لكل ٢٠ لتر جوه البلد عبارة عن ٨٠ كم دائرى والباقى وسط البلد وهى افضل فى استهلاك البنزين عن التقفيل السلوفاكى عن تجربة ٨ شهور للكورى و ٣ شهور للسلوفاكى وسيبك من كلام ان الاثنين زى بعض لان التقفيل الكورى كان افضل فى حاجات كتير زى الاستهلاك وصوت الموتور اهدأ وقفل الابواب انعم وخامة الفرش القماش احسن والدريكسيون جلد خياطة مش فيبر والعفشة انعم ومن الاخر التقفيل فى المصنع الام بيختلف كتييييييير عن التقفيل فى اى مكان تانى ودا عن تجربة زى ماقلت مش سمع

---

الحاجة الوحيدة اللى تميز التقفيل الكورى عن السلوفاكى ان قفل الابواب انعم
الدريكسيون فيبر فى اول فئة فقط فى السلوفاكى و من اول الفئة التانية الدريكسيون جلد
و لكن تتميز السلوفاكى عن الكورى بوجود بلوتوث و مثبت سرعة و حساس مطر و خامات الطابلوه بقت افضل من اول فئة
بالنسبة للعفشة معظم الاصدقاء اللى اعرفهم عندهم كورى اجمعوا ان العفشة بقت انعم فى السلوفاكى عن الكورى
و اخيرا بالنسبة لهدوء الموتور و الاستهلاك لا يوجد اختلاف بن الاثتين

بالاضافة الى ماسبق الفرش القماش فى السلوفاكى اكتر من رائع فى اول فئة و بالنسبة الكورى للامانة مش فاكره كويس

اقتباس:

---

المشاركة الأصلية كتبت بواسطة kholio2005

و انا اقول قسم كيا منور ليه :) واحشنى يا بشمهندس من زماااان مسمعناش صوتك

بالفعل زى ما ذكرت لحضرتك الاستهلاك فى المشاوير القصيرة يعتبر كتير
و لمزيد من التوضيح فالاستهلاك داخل البلد فى المشاوير القصيرة المتقطعة بمعنى تمشي مثلا 1 كيلو و بعدين تركن و بعد شوية تمشى مثلا 2 كيلو و تركن و و هكذا
يعنى لو بتعمل فى اليوم حوالى 5 او 6 كيلو على سرعات مابين 10 الى 60 كيلو فى الساعة او توقف فى الاشارات و المطبات بالطريقة دى حتلاقى معدل الاستهلاك حوالى 135/145 فى الصفيحة اعتقد ان ده راجع ان العربية مش بتلحق تسخن فالاستهلاك بيزيد فى المشاوير القصيرة
ولكن لو حتتمشي مثلا 20/30 كيلو داخل البلد فى مشوار واحد على سرعات مابين 10 الى 70 كيلو فى الساعة او توقف حتلاقى الاستهلاك بيعمل170/190 فى الصفيحة على حسب الوقوف فى الزحمة او الاشارات
و لكن فى السفر يعتبر استهلاك كويس جدا لو مفيش مقاومة هوا على سبيل المثال طريق بورسعيد القاهرة ساعات بتعمل 260/270 كيلو فى الصفيحة و ساعات بتعمل 220/230 "سرعات مابين 80/140 كيلو فى الساعة" على حسب مقاومة الهوا لان العربية عالية فالاستهلاك بيتأثر بالهوا تأثر مباشر
و بالنسبة للتكيف فتأثيره بسيط على الاستهلاك خاصة على السفر يعنى الاستهلاك الذى ذكرته فى السفر 90% من الطريق مشغل التكييف و لكن لسه محسبتش الاستهلاك بالتكييف داخل البلد كويس لان قليل اما بشغله فى البلد الجو لسه كويس

---

الله يبارك في يا استاذ محمد و يسعدك دا منور بيك و بأصحابه الغاليين

و شكرا لتفاعلك مع الموضوع و انا بالفعل ذكرت المكالمة التليفونية اللي كانت بيننا و حضرتك اتكلمت فيها معايا عن موضوع البنزين

و مشاركتك الان زادت الحيرة عندي جدا فكيف للعربية ان يكون بها هذا التنوع الرهيب يعني تعمل 135 كم في المشاوير المتقطعة 1 كم و اتنين

و في العادي 170 كم

و في الطوالي تصل الي 220 احيانا و احيانا اخري تصل الي 260

التنوع الرهيب ده شئ يدعو للاستغراب فعلا

و علشان كده انا عملت الموضوع ده و ربنا يكرم و اعضاء كتير من ملاك السبورتاج يشاركونا لكي تعم الفائدة و انا ان شاء الله هبقي اتصل بكير الاسبورتاج عمنا الاستاذ محمد بدر لانه شكله مشفش الموضوع

تحياتي اليك اخي الكريم

السبورتاج الافضل ليها بنزين 95 عشان نسبة الانضغاط 11، اظن ان ده ليه علاقة باستهلاك البنزين العالي في حالة بنزين 92، النوكينج سينسور مع الvariable valve timing بيغيرو معدل استهلاك البنزين نتيجة لتغيير شوط البستم، لو حد استخدم بنزين 95 في السلوفاكي يا ريت يقولنا علي معدل الاستهلاك

اقتباس:

---

المشاركة الأصلية كتبت بواسطة م. حاتم السباعي

شكرا لحضرتك للتفاعل مع الموضوع
ولكن هل ال 180 كيلو مع التكييف ومع المشي داخل البلد ام علي طرق مفتوحة

وكان اخونا الفاضل اﻻستاذ محمد الخولي ذكر لي رقم مرعب داخل البلد في المشي المتقطع وهو حوالي 135 كم في الصفيحة وهو رقم صعب جدا بس كان بيتحسن لو علي طريق بورسعيد القاهرة وبيوصل لل 180 كم في الصفيحة

ويا ريت حضرتك توضح لنا السيارة تقفيل كوري او سلوفاكي

تحياتي لحضرتك

---

تحياتى للجميع ... وتقريبا ردى هو نفس قريب من رد الاخ الفاضل مع التعديل :

بالفعل زى ما ذكرت لحضرتك الاستهلاك فى المشاوير القصيرة يعتبر كتير جدا جدا جدا
و لمزيد من التوضيح فالاستهلاك داخل البلد فى المشاوير القصيرة المتقطعة بمعنى تمشي مثلا 1 كيلو و بعدين تركن و بعد شوية تمشى مثلا 2 كيلو و تركن و و هكذا ,اكمل واقول كل يوم مشوارى من البت للشغل 22 كيلو رايح و25 وانا راجع والاستهلاك تقريبا من 180 كيلو ودة معدل عالى جدا ...

وهو دة بالظبط الى بيحسل معايا : :018a1d~146:
ولكن لو حتتمشي مثلا 20/30 كيلو داخل البلد فى مشوار واحد على سرعات مابين 10 الى 70 كيلو فى الساعة او توقف حتلاقى الاستهلاك بيعمل170/190 فى الصفيحة على حسب الوقوف فى الزحمة او الاشارات


حضرتك السيارة تقفيل سلوفاكي استلام شهر 2 ومشيت 5000 كيلو بس تقريبا

اقتباس:

---

المشاركة الأصلية كتبت بواسطة kholio2005

الحاجة الوحيدة اللى تميز التقفيل الكورى عن السلوفاكى ان قفل الابواب انعم
الدريكسيون فيبر فى اول فئة فقط فى السلوفاكى و من اول الفئة التانية الدريكسيون جلد
و لكن تتميز السلوفاكى عن الكورى بوجود بلوتوث و مثبت سرعة و حساس مطر و خامات الطابلوه بقت افضل من اول فئة
بالنسبة للعفشة معظم الاصدقاء اللى اعرفهم عندهم كورى اجمعوا ان العفشة بقت انعم فى السلوفاكى عن الكورى
و اخيرا بالنسبة لهدوء الموتور و الاستهلاك لا يوجد اختلاف بن الاثتين

---

الكورى كانت بتعمل من ٢٠٠ ل ٢٢٠ كم والكمبيوتر كان بيقرا ٨.٥ ل ٩ ل / ١٠٠ كم اما السلوفاكى من ١٧٠ ل ١٨٠ كم والكمبيوتر ١٠.٥ ل ١١.٥ ل / كم وصوت الموتور كان اهدا وحتى وانا ببيع السلوفاكى اول ملحوظة لكل اللى عاوز يشترى ان صوت الموتور عالى.
نيجى للخامات انا بقارن بين الفئة الثانية للعربيتين الكورى احسن فى:-
الفرش القماش من نوع Tricot زى الووتربروف مش Woven
الدريكسيون جلد طبيعى خياطة مش فيبر ودا يبان من سمك الطارة
وجود ساعة اعلى التابلوه بدال alarms ملوش اى لازمه
اما عن المميزات للكورى:-
صوت الموتور هادى زى ماقلت
استهلاك البنزين احسن بنسبة ١٥ - ٢٠٪
العفشة انعم
وتانى كل اللى انا بقوله عن تجربة مش سمع!!!!!

وفى ميزة اخرى فى الكورى ان كفاءة التكييف احسن بكتيييير يعنى مشوار فى الشمس الساعة ١٢ بجييب درجة الحرارة على ١٩ وبعد ١٠ دقايق بعليها اما فى الغير مأسوف عليها السلوفاكى بجييب الحرارة على ١٩ طوال نفس المشوار وفى نفس الظروف بكون حران!!!! وعلشان كل اللى فات بعتها بعد ٣ شهور فقط
وللتاكيد انا استخدمت الكورى ٨ شهور والسلوفاكى ٣ شهور

اقتباس:

---

المشاركة الأصلية كتبت بواسطة mohamad

السبورتاج الافضل ليها بنزين 95 عشان نسبة الانضغاط 11، اظن ان ده ليه علاقة باستهلاك البنزين العالي في حالة بنزين 92، النوكينج سينسور مع الvariable valve timing بيغيرو معدل استهلاك البنزين نتيجة لتغيير شوط البستم، لو حد استخدم بنزين 95 في السلوفاكي يا ريت يقولنا علي معدل الاستهلاك

---

اللى معايا سلوفاكى و عمرى ماحطيت 95 بس الى الان مفيش مشاكل ولا تسقيف الحمد لله
مش عارف فعلا لو 95 حيققل الاستهلاك و لا لأ
بس فعلا فيه تفاوت كبير فى الاستهلاك داخل البلد فى المشاوير القصير بالذات عن الاستهلاك فى السفر
الاستهلاك على الطرق المفتوحة اكثر من رائع

اقتباس:

---

المشاركة الأصلية كتبت بواسطة aelsayed74

الكورى كانت بتعمل من ٢٠٠ ل ٢٢٠ كم والكمبيوتر كان بيقرا ٨.٥ ل ٩ ل / ١٠٠ كم اما السلوفاكى من ١٧٠ ل ١٨٠ كم والكمبيوتر ١٠.٥ ل ١١.٥ ل / كم وصوت الموتور كان اهدا وحتى وانا ببيع السلوفاكى اول ملحوظة لكل اللى عاوز يشترى ان صوت الموتور عالى.
نيجى للخامات انا بقارن بين الفئة الثانية للعربيتين الكورى احسن فى:-
الفرش القماش من نوع Tricot زى الووتربروف مش Woven
الدريكسيون جلد طبيعى خياطة مش فيبر ودا يبان من سمك الطارة
وجود ساعة اعلى التابلوه بدال alarms ملوش اى لازمه
اما عن المميزات للكورى:-
صوت الموتور هادى زى ماقلت
استهلاك البنزين احسن بنسبة ١٥ - ٢٠٪
العفشة انعم
وتانى كل اللى انا بقوله عن تجربة مش سمع!!!!!

---

انا مش بشكك فى كلامك لا سمح الله
واسمحلى اوضح ان كلامى برده اكيد عن تجربة مش عن سمع بس ممكن ظروف الطريق و الزحمة و جودة البنزين و خلافه ليها عامل كبير فى تجربتك للكورى و السلوفاكى
-على سبيل المثال زى ماوضحت قبل كدة ممكن تعمل معايا 270 كيلو فى الصفيحة على السفر مع تشغيل التكييف معظم الوقت وساعات تعمل 220/230 بس فى المشاوير القصيرة المتقطعة داخل البلد الاستهلاك بيبقى عالى بس اخر تفويلة امبارح عملت حوالى170 كيلو فى الصفيحة بالرغم انها كانت قبل كدة فى نفس الطرق و المشاوير المصغيرة المتقطعة كانت بتعمل 135/145 كيلو فى الصفيحة كما ذكرت

- الموتور و هى واقفة و دايرة ساعات مبسمعوش من كتر ما هو مالوش صوت "اعتقد ان جودة البنزين برده ليها عامل على صوت الموتور "
-انا عندى فى الفئة الاولى الدريكسيون فيبر بس بتركبله كفر جلد و بيبقى زى الفل بس بس فى الفئات تانية بييجى جلد
-الفرش القماش فى الفئة الاولى خاماته كويسة جدا و فى منتهى الشياكة
فعلا alarms ده بملوش اى لازمه فوق التابلوه هنا فى مصر علشان احنا مش بنهتم برط أحزمة الامان
و عدم وجود ساعة فوق التابلوه فى السلوفاكى لايعيبها اطلاقا لان فيه ساعة فى الكاسيت
التكييف عندى فى اول فئة عادى مش دوال زون و غالبا مش بزود المروحة عن 2 و تبريده ماشاء الله اكثر من رائع اما بزود عن كدة حتى اللى راكب معايا حتى لو قاعد ورا لازم يقولى اوطيه شوية من كتر تبريده :M_yes[1]:

اقتباس:

---

المشاركة الأصلية كتبت بواسطة kholio2005

انا مش بشكك فى كلامك لا سمح الله
واسمحلى اوضح ان كلامى برده اكيد عن تجربة مش عن سمع بس ممكن ظروف الطريق و الزحمة و جودة البنزين و خلافه ليها عامل كبير فى تجربتك للكورى و السلوفاكى
-على سبيل المثال زى ماوضحت قبل كدة ممكن تعمل معايا 270 كيلو فى الصفيحة على السفر مع تشغيل التكييف معظم الوقت وساعات تعمل 220/230 بس فى المشاوير القصيرة المتقطعة داخل البلد الاستهلاك بيبقى عالى بس اخر تفويلة امبارح عملت حوالى170 كيلو فى الصفيحة بالرغم انها كانت قبل كدة فى نفس الطرق و المشاوير المصغيرة المتقطعة كانت بتعمل 135/145 كيلو فى الصفيحة كما ذكرت

- الموتور و هى واقفة و دايرة ساعات مبسمعوش من كتر ما هو مالوش صوت "اعتقد ان جودة البنزين برده ليها عامل على صوت الموتور "
-انا عندى فى الفئة الاولى الدريكسيون فيبر بس بتركبله كفر جلد و بيبقى زى الفل بس بس فى الفئات تانية بييجى جلد
-الفرش القماش فى الفئة الاولى خاماته كويسة جدا و فى منتهى الشياكة
فعلا alarms ده بملوش اى لازمه فوق التابلوه هنا فى مصر علشان احنا مش بنهتم برط أحزمة الامان
و عدم وجود ساعة فوق التابلوه فى السلوفاكى لايعيبها اطلاقا لان فيه ساعة فى الكاسيت
التكييف عندى فى اول فئة عادى مش دوال زون و غالبا مش بزود المروحة عن 2 و تبريده ماشاء الله اكثر من رائع اما بزود عن كدة حتى اللى راكب معايا حتى لو قاعد ورا لازم يقولى اوطيه شوية من كتر تبريده :m_yes[1]:

---

ربنا يباركلك فيها ويبعد عنك شر الطريق ويمكن لو كنت ركبت السلوفاكى الاول من غير ماركبت الكورى راى يختلف

مرحبا بكم جميع الأخوة الأفاضل.
أولا. القسم منور ليه؟ ؟ ؟
علشان المهندس حاتم. دخل وشارك بموضوع فيه.
حبيب يا هندسه والله منور الدنيا كلها ويارب ديما علي طول.
نكلم بقي في موضوع البنزين .
علشان نعرف إستهلكنا بشكل قريب من الدقه لازم في البدايه نعرف سعة خزان السبورتاج كام ؟
طبعا الكل قال عارفين . 55 لتر. طيب تمام...
بس لو لمبة البنزين نورت وثابته و رحت فولت حتي الزور تعرف ان تنك العربية ممكن يستوعب 66 لتر و ده غير إللي لسه موجود في التنك .
طبعا الموضوع ده انا جربته 3 مرات .
طيب ده علاقته إيه بالإستهلاك. طبعا ليه علاقة قويه.
إنك ممكن تنخدع. في حدود 11لتر زياده في الإستهلا أو أقل . ويرجع الكلام ده لعدة عوامل .
1ـ صبر عامل محطة البنزين في التفويل.
2ـ حساسية المسدس يختلف من محطة للتانيه.
3ـ لازم تتأكد بنفسك إن البنزين وصل للزور .
يبقي علشان تعرف الإستهلاك الحقيقي بعيد عن كمبيوتر العربيه لازم. وضروري جدا تتأكد من 3 نقط دول .
أهم حاجة قبل وبعد حساب الإستهلاك أكون واقف جنب التنك وشايف البنزين وصل فين. وطبعا علشان أعمل الكلام ده لازم البنزينه تكون رايقه.
والله أنا في حالة التفويله بالشكل ده ممكن أسافر من السويس إلي القاهره ـمدينة نصر والعوده إلي السويس بيان البنزين ميتحركش أكثر من الربع .
أما لو تفويله عاديه ونفس المشوار ممكن المؤشر يقترب من النصف .
يعني أقصد بكلام ده كله إن لو التنك مليان حتي الزور. ممكن تمشي 130 كم والمؤشر ميتحركش من مكانه لدرجة ممكن تفتكر إنه تلف.
وممكن نفس 130كم المؤشر يوصل للربع.

أما في حالة حساب الإستهلاك عن طريق كمبيوتر السيارة.

أولا هتكلم علي الطرق السريعه يعني في السفر..
لازم في بداية الرحلة أكون فولت العربية .
1 ـأول ممسك الطريق مهم جدا أعمل ريسيت لكمبيوتر الرحلات. علشان أعرف الإستهلاك الحقيقي أو القريب من الحقيقه.
2ـ علشان أعرف متوسط إستهلاك حقيقي. لازم يكون الموضوع ده في الظروف الطبيعية بمعني ميكنش يوم فيه رياح قوية ميكنش الطريق كله مطالع يكون طريق عادي متكنش الحمولة في السيارة أكثر مما ينبغي.
تكون مظبط الكوتش. وطبعا طريقة القياده الطبيعيه العادية.
نشوف بقي الإستهلاك.
80 كم / ساعة 6.5 لتر تقريبا.
100 كم / ساعة 8.5 لتر تقريبا.
120 كم / ساعة 9.5 لتر تقريبا.
140 كم / ساعة 11.0 لتر تقريبا .
فوق 140 كم بتدخل علي 12لتر .
الكلام ده يقترب جدا من الحقيقه. و مع بنزين 92 ومفيش أي أضافات والتكييف شغال.
لو اتكلمنا عن الإستهلاك في الاستخدام داخل المدينه الموضوع مختلف شويه. خاصتا لو الدنيا زحمة ممكن نوصل 13 لتر.
بداخل المدينه في عنصر أساسي له تأثير قوي جدا علي الإستهلاك. وهو طريقة القياده وخاصتا التحرك من الثبات. طلعتك لو قوية ومستعجلة الكمبيوتر ينط ويتجنن وممكن يوصل لـ14 لتر بسرعة و بسهولة .
لو القياده هادئه . أعتقد داخل المدينة مهما كانت الزحمة مش ممكن الكمبيور يزيد عن 12 لتر أبدا.
ولي صدقين مقربين يمتلكون السبورتاج السلوفاكي ومن فترة قريبة و في مقابلة خاصة قارنت بين الإستهلاك قي 3 سيارات. وكان إستهلاك داخل المدينة سيارتي وسيارة أحد أصدقائي علي الكمبيوتر 12.2 لتر و السيارة الثالثة 12.6 لتر .

تمام كده يا بشمهندس / حاتم
يارب اكون خفيف علي قلبكم ومزهئتوش مني ويارب اكون عرضت الموضوع بشكل بسيط ومش ممل واعذروني لو في أي أخطاء علشان المشاركة دية من المحمول.

اقتباس:

---

المشاركة الأصلية كتبت بواسطة محمد بدر

أما في حالة حساب الإستهلاك عن طريق كمبيوتر السيارة.

أولا هتكلم علي الطرق السريعه يعني في السفر..
لازم في بداية الرحلة أكون فولت العربية .
1 ـأول ممسك الطريق مهم جدا أعمل ريسيت لكمبيوتر الرحلات. علشان أعرف الإستهلاك الحقيقي أو القريب من الحقيقه.
2ـ علشان أعرف متوسط إستهلاك حقيقي. لازم يكون الموضوع ده في الظروف الطبيعية بمعني ميكنش يوم فيه رياح قوية ميكنش الطريق كله مطالع يكون طريق عادي متكنش الحمولة في السيارة أكثر مما ينبغي.
تكون مظبط الكوتش. وطبعا طريقة القياده الطبيعيه العادية.
نشوف بقي الإستهلاك.
80 كم / ساعة 6.5 لتر تقريبا.
100 كم / ساعة 8.5 لتر تقريبا.
120 كم / ساعة 9.5 لتر تقريبا.
140 كم / ساعة 11.0 لتر تقريبا .
فوق 140 كم بتدخل علي 12لتر .
الكلام ده يقترب جدا من الحقيقه. و مع بنزين 92 ومفيش أي أضافات والتكييف شغال.
لو اتكلمنا عن الإستهلاك في الاستخدام داخل المدينه الموضوع مختلف شويه. خاصتا لو الدنيا زحمة ممكن نوصل 13 لتر.
بداخل المدينه في عنصر أساسي له تأثير قوي جدا علي الإستهلاك. وهو طريقة القياده وخاصتا التحرك من الثبات. طلعتك لو قوية ومستعجلة الكمبيوتر ينط ويتجنن وممكن يوصل لـ14 لتر بسرعة و بسهولة .
لو القياده هادئه . أعتقد داخل المدينة مهما كانت الزحمة مش ممكن الكمبيور يزيد عن 12 لتر أبدا.
ولي صدقين مقربين يمتلكون السبورتاج السلوفاكي ومن فترة قريبة و في مقابلة خاصة قارنت بين الإستهلاك قي 3 سيارات. وكان إستهلاك داخل المدينة سيارتي وسيارة أحد أصدقائي علي الكمبيوتر 12.2 لتر و السيارة الثالثة 12.6 لتر .

تمام كده يا بشمهندس / حاتم
يارب اكون خفيف علي قلبكم ومزهئتوش مني ويارب اكون عرضت الموضوع بشكل بسيط ومش ممل واعذروني لو في أي أخطاء علشان المشاركة دية من المحمول.

---

بجد 10 /10 مفيش كلام تانى

اقتباس:

---

المشاركة الأصلية كتبت بواسطة محمد بدر

مرحبا بكم جميع الأخوة الأفاضل.
أولا. القسم منور ليه؟ ؟ ؟
علشان المهندس حاتم. دخل وشارك بموضوع فيه.
حبيب يا هندسه والله منور الدنيا كلها ويارب ديما علي طول.
نكلم بقي في موضوع البنزين .
علشان نعرف إستهلكنا بشكل قريب من الدقه لازم في البدايه نعرف سعة خزان السبورتاج كام ؟
طبعا الكل قال عارفين . 55 لتر. طيب تمام...
بس لو لمبة البنزين نورت وثابته و رحت فولت حتي الزور تعرف ان تنك العربية ممكن يستوعب 66 لتر و ده غير إللي لسه موجود في التنك .
طبعا الموضوع ده انا جربته 3 مرات .
طيب ده علاقته إيه بالإستهلاك. طبعا ليه علاقة قويه.
إنك ممكن تنخدع. في حدود 11لتر زياده في الإستهلا أو أقل . ويرجع الكلام ده لعدة عوامل .
1ـ صبر عامل محطة البنزين في التفويل.
2ـ حساسية المسدس يختلف من محطة للتانيه.
3ـ لازم تتأكد بنفسك إن البنزين وصل للزور .
يبقي علشان تعرف الإستهلاك الحقيقي بعيد عن كمبيوتر العربيه لازم. وضروري جدا تتأكد من 3 نقط دول .
أهم حاجة قبل وبعد حساب الإستهلاك أكون واقف جنب التنك وشايف البنزين وصل فين. وطبعا علشان أعمل الكلام ده لازم البنزينه تكون رايقه.
والله أنا في حالة التفويله بالشكل ده ممكن أسافر من السويس إلي القاهره ـمدينة نصر والعوده إلي السويس بيان البنزين ميتحركش أكثر من الربع .
أما لو تفويله عاديه ونفس المشوار ممكن المؤشر يقترب من النصف .
يعني أقصد بكلام ده كله إن لو التنك مليان حتي الزور. ممكن تمشي 130 كم والمؤشر ميتحركش من مكانه لدرجة ممكن تفتكر إنه تلف.
وممكن نفس 130كم المؤشر يوصل للربع.

---

وسع وسع وسع الكبير وصل

حبيب قلبي الغالي اﻻستاذ محمد بدر كبير السبورتاجية

في البداية تسلم اديك علي المشاركة الكافية الوافية