الحمدالله استلمت كورولا الفئة التانية
بسم الله الرحمن الرحيم
اسمى احمد يحي
كنت حاجز الفئة التانية تويوتا كورولا لون فيرانى يوم 5 فبراير ف الفرع الرئيسى العباسية
روحت امبارح التوكيل واستلمت و قلت بالمرة اركب ماكينىة رفع الزجاج وكمان ضم المرايات
ودفعت 950جنيه.
ع فكرة سئلت مسؤؤل المبيعات عن صحة زيادة السعر اكد ان الزيادة هتكون من الفين ل خمسة الاف للدفع الجديدة واكد ان الدفعه الجديدة ه تكون موديل 2015,
واشتريت دوسات ب 400 جنيه.
واشتريت برضه من عندهم فرش جاهز وركبهولى عندهم وكلفنى 600 جنيه.
وطلعت من التوكيل حوالى الساعة 3,30 عصرا ورحت مونت بنزين وظبطت الكوتشات ع
30 واخدت طريق الاوتسترادوكان معايا واحد صاحبى وتوكلنا ع الله علشان نلحق نوصل بلدنا اللى هى الأقصر
واخدنا طريق الجيش. طوال الطريق كانت السرعة ما بين 120 -160
كان استهلاك البنزين7لتر لكل 100ك .
وصلنا قنا ع الساعة 30 9 مساءا عند قنا غيرنا الطريق الى الصحراوى الغربى اكثر امانا
وصلنا بحمدالله وسلامته الاقصر الساعه 11 مساءا .
واحنا ع الطريق صادفنا عربية بيجو 301 ولسه صاحبها مستلمها وماشى بسرعة 80 وفاتح الزجاج ومش مشغل التكيف عديت جنبيه بسرعة 120 ك ورعشتله علشان يشد معايا بس ما رضيش
انطبعاتى ع العربية ف الرحلة
الثبات ما شااااء الله رائع
العزل كويس خالص حتى ع سرعة 160
التكييف بارد جدا وشغلته طوال السفر
مونت بنزين تانى ف اسيوط مع ان التانك كان حوالى نصه مليان
ما اخدناش رست ع الطريق
rpm مارفعش عن 3