الموضوع: ثبات نيسان صنى 2014 سوبر صالون

المشاركة الأصلية كتبت بواسطة khalid tarek

ولكن هنا على نايل موتورز عملو تقرير شامل عن العربيه عن طريق تجربتهم الشخصيه وراحو المعرض جربوها وبيقولو انها كانت ثابته معاهم وواحد فيهم اخد غرزه على 180 وواحد كان ماشى بيها على 185 وكانت ثابته جدا معاهم التقرير ده الى كتبو الاستاذ احمد مصطفى منسق نيسان فى منتدى نايل موتورز وده لينك التقرير نايل موتورز ينفرد باختبار نيسان الصني الجديدة بواسطة 7 من فريق نيسان وارجو الافاده من صحه الكلام الى فى التقرير او خطاء الكلام عشان نفهم بس و ارجو من اداره المنتدى انها تاكد هلى التقرير ده فعلا من المنتدى ولا ده اى كلام ؟

ماشاء الله بتوصل 185 هايل

العربية ثباتها ممتاز في الملفات والتنقل بين الحارات حتى 140
بعد ال 150 إحساس الثبات بيقل 50%
ملحوظة بس، الكلام ده في الظروف الجوية الطييعية

طيب من خبرات حضراتكو فى ايه فى نفس الفئه السعريه ثباته كويس والتوكيل بتاععه محترم زى نيسان اصل انا فكرت فى البيجو 301 هيا عربيه بسم الله ما شاء الله عليها فى كل حاجه بس فيها نفس عيب الصنى من ناحيه تيل الفرامل والطنابير مع زياده ان التوكيل سئ للغايه فا ده الى خوفنى منها لان الاهم من العربيه خدمه بعد البيع لانى مش برمى فلوس فى الهوا وانا وحظى العربيه كويسه خلاص مش كويسه ملاقيش خدمه

د.هشام لو سمحت ثباتها بيقل 50% ولكن بتفضل متحكم فيها بسهوله ولسه ثابته يعنى ولا بيبقى صعب التحكم وخضرتك وصلت بيها لكام اعلى حاجه وكان ايه انطباعك عنها ساعتها ؟ معلش هتقل عليك

احساس والاحاسيس بتكدب ان ثباتها زى تيدا

المشاركة الأصلية كتبت بواسطة lanos2004

ماشاء الله بتوصل 185 هايل

يا باشا ده كاتب 185 على التالت ولسا فى غيار رابع كمان ممكن تجيب بيه ال200 انا حسيته بيتكلم عن حاجه غير الى الناس شافتها ووصفتها بصراحه فا مش فاهم ايه الصح

المشاركة الأصلية كتبت بواسطة khalid tarek

د.هشام لو سمحت ثباتها بيقل 50% ولكن بتفضل متحكم فيها بسهوله ولسه ثابته يعنى ولا بيبقى صعب التحكم وخضرتك وصلت بيها لكام اعلى حاجه وكان ايه انطباعك عنها ساعتها ؟ معلش هتقل عليك

انا أقصى سرعة جبتها كان 160، والعربية على السرعة دي خطر جدا عاشان التحكم في العربية بيقل بصورة كبيرة، وانا أقصد بالتحكم هنا ان أي ظرف طارئ على السرعة دي، العربية حتعوم منك بسهولة. بس فعلا العربية لغاية 140 التحكم ممتاز.