المشاركة الأصلية كتبت بواسطة prs_eg
أولا مبروك مقدماً :b4_388: تاني شئ أنى انا كنت ومازلت فى نفس الحيرة دى... انا حاجز نيسان صنى سوبر صالون من اسبوعين واعتقد باقى زيهم إن شاء الله واستلمها .. وانا تابعت القسم هنا أكثر من شهرين علشان اخد قرار ورحت معارض كتيرة واتفرجت عليها وعلى ال ex وكمان كنت بقارن بينها وبين الاكسنت ار بي .. طبعا بصراحة الاكسنت كشكل احسن بكتير من الداخل والخارج .. موتور اكيد أقوى 1600cc .. بس للأسف توكيل غبور فى مصر منفض العربية .. موجود منها فئتين بس الزيادة فيهم فتحة السقف والفوجات غير كدة مافيش لا فرامل abc ولا ebd ولا ايرباج ولا تكييف تاتش ولا جنوط سبور ولا انذار حتى ... غير ارتفاع العربية المنخفض .. وبعدين التوكيل بيبع دلوقتى الفئة الأعلى اللى بفتحة سقف بـ 130 الف علشان موديل 2015 يعنى زيادة 9 الاف عن السوبر صالون ... وبعدين الصنى اصبحت منتشرة بطريقة جامدة يعنى امشى على أى طريق اعتقد من كل 10 عربيات هتلاقى صنى .. فهل الناس دى كلها غلط وندمانة .. لا اعتقد .. فحضرتك لو بصيت على ثمن السوبر صالون مع امكانيتها مع انتشارها هتلاقى انها ختيار موفق ... أما بالنسبة للشكاوى هنا على المنتدى ... انا مشترك على المنتدى هنا من زمان بس فى قسم الدايو أنا كان معايا دايو لانوس ولسه بايعها انا مكنتش بدخل على المنتدى واكتب أى تعليق إلا لو عندى مشكلة يعنى لو مافيش مشكلة مش هاكتب فأكيد بالمثل اللى معاه الصني وشغالة تمام مش هايكتب كل يوم انها تمام .. بصراحة المشكلة اللى انا قلقان منها هو الكاوتش الصينى الماكسس اللى بيجيى معاها :shyy:
اخيرا.. اكيد هى مش احسن عربية واكيد مش خالية تماما من المشاكل لكن لكل عربية عيوبها ومميزاتها وخاصة فى الفئة السعرية دى .. وربنا يسترها على الجميع.:36_7_4[1]: