اللوجان بتبطل منى و أنا ماشى

**eng_abosalma** · 19-05-2014 01:06 PM

السلام عليكم:
حصل معايا موقف غريب النهاردة...
العربية بطلت 4 مرات منى و أنا ماشى...
مش عارف دى بطارية ولا ايه؟
مع العلم أنا عامل 64000 كم و العربية موديل 2010
و لو البطارية لازم تتغير تنصحونى بإيه؟
و شكرا...

**mohammedmnmz** · 19-05-2014 02:17 PM

غالبا البوابه يا معلم

**mohammedmnmz** · 19-05-2014 02:23 PM

http://www.nilemotors.net/Nile/307942-a.html

**shoma** · 20-05-2014 12:28 AM

الموضوع بسيط إن شاء الله ( تنضف البوابة و حساس الايدل) والكلام ده عن تجربة

**J A G U A R** · 20-05-2014 01:04 AM

احتمال بردو حساس الكرنك

**eng_abosalma** · 20-05-2014 08:58 AM

شكرا على الرد يا حضرات...
بس موضوع البوابة ده خطر قوىولازم يتعمل فى الضمان ولا أى ميكانيكى يقدر يشتغل فيها؟!
المشكلة أن أنا بره الضمان و صعب أروح التوكيل دلوقتى...
و الموضوع ده urgent ولا أقدر أستنى عليه شويه؟!!
وشكرا ليكم

**م.محمد علاء** · 20-05-2014 09:20 AM

الموضوع ده رخم جدا على فكره..
أسبابه كتير منها:-
- لو انت حظك حلو.الموضوع مش هيكون غير بوابه أو أيدل سينسور محتاجين نضافه.بترش منظف البوابه و العربيه دايره.و المفترض تظبط معاك.
- ممكن يكون فالف ال TPS و ده راكب على البوبه..و ده إحتمال بردو.
- ممكن يكون حساس الكامه..لكن لو العربيه لما بتبطل بتغيب معاك في الدواره بتكون دي أعراضه..
- أخر حاجه و أسخف حاجه..يكون عندك Bad Contact في ضفيره حاجه من اللي فوق..
و دي هتقفرك آخر قرف.عشان أي ميكانيكي في مصر و كمان التوكيل..هيقعد يلف حوالين نفسه و يغيرلك تقريبا كل اللي فوق على ميبدأ يدور على تهريب الضفيره.
خلي بالك من التشخيص السليم..هل العربيه بتبطل و إنت ماشي فجأه..ولا لما تيجي تهدي.
هلى و غنت واقف سلانسيه و زودت بنزين,,ورفعت رجلك.الأرم بي إم بيرجع مكانه السليم على طول و لا يقعد يلعب و يعلى و يوطي.!؟

البوابه عباره عن واير بيفتح و يقفل و مفيهاش لعب كتير من اساسه و صعب إنها تبوظ مالم تكن البوابه كهرباء.