السلام عليكم شباب
هل حد عنده افكار عن اوضة نوم للاطفال
ممكن اعملها فين ولا اجيبها جاهز احسن
ولو جاهزة تبقي من فين بحيث يكون خشبها كويس
عرض للطباعة
السلام عليكم شباب
هل حد عنده افكار عن اوضة نوم للاطفال
ممكن اعملها فين ولا اجيبها جاهز احسن
ولو جاهزة تبقي من فين بحيث يكون خشبها كويس
كل الجاهز زبالة و معمول mdf. خليك في حد معرفة و اختار الشكل اللي انت عاوزة و يعملهالك عمولة. أنا لسه عامل الموضوع ده من كام شهر عند نجار معرفة عملي مطبخ من ييجي 8 سنين.
متابع
التكلفه فى المتوسط كام ؟؟
طيب هل معرض القوات المسلحة كويس ولا مش شرط
معرض القوات المسلحة اللى فالعباسية بنت عمتى جابت منهم كنب و أما رحنا نباركلها عالجواز وهو لسة جديد كان فى حتت هبطت منه فخد بالك وانت بتختار
على فكرة انا جايب اوضة لبنتى mdf حلوة وشكلها تحفة بس هى بردو مش عاوزة مرمطة بزيادة
لو هتعملها تفصيل محتاج حد شاطر يكون عنده دهان دوكو محترم مش بيقشر لأن بصراحة انا محبش اجيب اوضة للعيال لونها بنى الا لو شباب بقا يدينا ويديكو طولة العمر :)
هي المعلومة اللي عندي ان المعرض بتاع القوات المسلحة لكن المعروضات بتاعه نجارين مختلفين..يعني انت وحظك برضة
ياريت لو حد تعامل مع معرض القوات المسلحة يقول رائيه
وهل اوض النوم الدوبلكس اللي هي سريرين فوق بعض هل ده عملي ولا لئه
انا كنت بفكر اجيب الدورين دى لأنها هايلة فى توفير المساحة
فى معرض فى شارع رمسيس قبل كوبرى غمرة على طول كان عارض سرير حلو اوى دورين كبير وممكن تفتح سحارة كمان يبقوا 3 سراير ب 4000 جنيه بس طبعا هتجيب لسة بقية الاوضة
انا مجربتش ايكيا بس هما عندهم تصميمات عاجباني اوي خاصه في توفير المساحه
و تصميماتهم بسيطه الي اقصي درجه و شيك جدا بس اسمع ان اسعارهم غاليه حبتين
ايكيا مينفعش كخشب يعيش معاك سنين زي ما بنعمل في مصر
ايكيا حاجات عملية ولكن متعش كتير ولو حاجة متينة قوي ممكن تبقي غالية جدا
انا قصدي اتفرج علي تصميماتها و استغلال المساحات بها و هات نجار شاطر يعملك التصميم بنوعية الخشب اللي انت تريدها