ودى كانت نهاية فرقة لبـيـبة المصرية !!

(وبدل مقولها بحبك ياجولييت قولتلها بحبك يا لبـيـبة ولجل النصيب جوزها كان قاعد فى الصالة يا استاذ عنبر , ودى كانت نهاية فرقة لبـيـبة المصرية)
ده جزء من مسرحية هاللو شلبى على لسان عبد الله فرغلى اللى كل مايدخل فرقة مسرحية يقفلها ويجيب ضرفها عشان وشه نحس !!!
ياترى تعرف حد زميل دراسة او زميل عمل او قريب او جار على نفس الشاكلة ميحطش بوزه فى حاجة غير لما تبوظ !! نحس , فقرى , عينه وحشة ليك معاه مواقف كتير وبقول تانى مواقف تأكد انه بجد زى عبد الله فرغلى فى المسرحية .
بلاش ناخد الموضوع على انه تطير أو تشاؤم بحد معين انتم فهمين قصدى كويس لان فعلا فيه ناس اعوذ بالله منهم ومجربين اكتر من مرة مجرد مايشوفوك بتعمل حاجة الحاجة تتعقد بقدرة ربنا . مستنى المواقف الكتير اللى هنسمعها ياجماعة

شكلى هبتدى بنفسى ياجماعة واحكى عن واحد صحبنا ايام الجامعة الله يسهله مكان ماهو قاعد !! مكناش ناخده معانا فى مشوار الا وتحصل مصيبة بس ربنا كان بيلطف , ومكناش واخدين بالنا ان فيه حد نحس معانا لانه كان فوق مستوى شبهة انه نحس او احنا مكناش مدين خوانة , المهم كل مايدخل بيت حد فينا من الشلة اقصد كانت تحصل مشكلة مع حد مننا مع اهله او حاجة مهمة تبوظ وغالبا بيكون علق على الحاجة اللى بتبوظ , لما نروح السينما منعرفش ندخل الفيلم , نروح استوديو عشان نسجل اغنية ايام ماكنا عوزين نعمل باند سلو روك نلاقى الاستوديو قفل نهائى ولما نروح غيره الفلوس تضيع من صاحبنا اللى سايبين معاه الفلوس , بس الموقف اللى خلانا نتأكد انه هو النحس اللى فى الشلة بجد انه طول عمره نفسه ياخد العربية من والده وبيتحايل عليه من اول مادخل الجامعة وفى يوم قالنا خلاص ياجماعة والدى ادانى العربية قابلونى فى الحتة الفلانية ونركب مع بعض , توقعو ايه اللى حصل ؟ العربية طلعت دخان ووقفنا عند كوبرى السيدة عائشة معطلين الدنيا واوتوبيس سياحة عمال يصورنا السياح من جواه !

ايه ياجماعة ! معداش حد من النوع ده عليكو قبل كدة خاااااااااااالص ولا ايه ؟!
ولا اساسا مش مقتنعين ان فيه ناس قدمها وحش زى مابيتقال ؟

ايه الحكاية 59 مشاهدة من غير ماحد يقول حاجة !!!
هو زميلنا بتاع الجامعة دخل المنتدى ولا ايه يا جماعة ههههه :dunno:

انا عن نفسي مش مقتنع بالكلام ده


انا مقتنع بالحسد فقط ... واللى بيحسد ده ممكن يكون أي بني آدم ي الدنيا حتى لو كان انا ... لو حاجة عجبتني قوى من غير ما أذكر أسم الله عليها كقول ماشاء الله لا قوة إلا بالله أو ما شابه

اقتباس:

---

المشاركة الأصلية كتبت بواسطة NYSMA

انا عن نفسي مش مقتنع بالكلام ده


انا مقتنع بالحسد فقط ... واللى بيحسد ده ممكن يكون أي بني آدم ي الدنيا حتى لو كان انا ... لو حاجة عجبتني قوى من غير ما أذكر أسم الله عليها كقول ماشاء الله لا قوة إلا بالله أو ما شابه

---

+1
انا دائماً لما بشوف حاجة و عجبتني بقول ما شاء الله , حتى لو تخص حد قريب منى .

كلام حضراتكم مظبوط بس المشكلة فى اللى مبيقولش اسم الله او يذكر الشئ بالخير تلافيا لحسد غير مقصود منه او بغرض استنزال البركة على الشخص اللى انت بتكلمه , بتحس كأن فيه طاقة سلبية طالعة منه غصب عنه بالشكل اللى يؤدى الى تعقيد ماتيسر من الأمور وهو ده اللى بيخلى الناس تطلق على حضوره انه سلبى او كما يقول العوام نحس

اللى يخاف من العفريت، يطلعله

اقتباس:

---

المشاركة الأصلية كتبت بواسطة Hossam_Hassan

اللى يخاف من العفريت، يطلعله

---

ههههههههههههههههههههههههه ههه

ممكن نبص للموضوع من وجهة نظر انه حاسد طالما الناس مش هاضمة كلمة انه نحس ووشه وحش , مع ان المنطق واحد فى الحالتين . هل صادف حد من حضراتكم حد بالشكل ده مثلا جار ليك او معرفة لما شاف عربيتك مسلمتش من عينه أو ما شابه

قبل ما اتكلم نقراالفاتحة على روح الزميل ، ربنا يسكنه فسيح جناته
كانوا يهزروا عينك يافلان وكنت لسة اول سنة شغل وكلهم اكبر منى وكنا خارج مصر فالعملية سلطة دة من القاهرة وده من الاسكندرية وده دمياط وده اسوان
حبيب قلبى كان طيب جدا وكانوا هاريينه تريقة ،
كانوا ماشيين بمكروباص الشركة وكان فيه ونش عملاق يرفع شيئ ثقيل فقال الزميل
كل ده ونش
فما كان من الونش الا ان انقلب على جنبه فى حادث مأسوى
واحد صاحبه كان مشترى عربية جديدة بيعلموه السواقه عليها وكان فيه بيت بيتبنى لسة حافرينله ولم تتصب القواعد بيقولوا زميلنا حياه وابدى امتنانه بالعربية الزيرو الراجل بيلف وهوة بيتعلم معرفش يتحكم فى السرعة وقع فى الحفرة ضاعت العربية واصيب بشدة
الله يرحمه كان قلبه طيب جدا وكان عارف ان ده شيئ موش بايده لدرجة انه كان بيهزر ولما يخاف على شيئ يقول ابعدوه عنى متقولوليش عليه

اقتباس:

---

المشاركة الأصلية كتبت بواسطة moh_kamal67

قبل ما اتكلم نقراالفاتحة على روح الزميل ، ربنا يسكنه فسيح جناته
كانوا يهزروا عينك يافلان وكنت لسة اول سنة شغل وكلهم اكبر منى وكنا خارج مصر فالعملية سلطة دة من القاهرة وده من الاسكندرية وده دمياط وده اسوان
حبيب قلبى كان طيب جدا وكانوا هاريينه تريقة ،
كانوا ماشيين بمكروباص الشركة وكان فيه ونش عملاق يرفع شيئ ثقيل فقال الزميل
كل ده ونش
فما كان من الونش الا ان انقلب على جنبه فى حادث مأسوى
واحد صاحبه كان مشترى عربية جديدة بيعلموه السواقه عليها وكان فيه بيت بيتبنى لسة حافرينله ولم تتصب القواعد بيقولوا زميلنا حياه وابدى امتنانه بالعربية الزيرو الراجل بيلف وهوة بيتعلم معرفش يتحكم فى السرعة وقع فى الحفرة ضاعت العربية واصيب بشدة
الله يرحمه كان قلبه طيب جدا وكان عارف ان ده شيئ موش بايده لدرجة انه كان بيهزر ولما يخاف على شيئ يقول ابعدوه عنى متقولوليش عليه

---

هو ده اللى قصدى عليه , مع فارق انه الله يرحمه كان قلبه طيب

الموضوع كبير جدا ، و الكثير سيتوه فى حواشى لا تسمن من جوع، كالعاده ..

صلب الموضوع .. اكبر من ان يطرح لمجرد دردشه مسليه .. او الرأى و الرأى المعاكس ..

و ينتهى فى احسن الاحوال ، بفريقين واحد معتقد فيما تتكلم عنه .. و فريق اخر رافض للفكره

.. و كلاهما كالعاده يستشهد بأيات قرأنيه .و كلاهما لن يدرك الحقيقه الا قرب انتهاء عمره اذا عمّر طويلا بعيون و مفتوحه و عقل مفتوح

اقتباس:

---

المشاركة الأصلية كتبت بواسطة مدحت منيب

الموضوع كبير جدا ، و الكثير سيتوه فى حواشى لا تسمن من جوع، كالعاده ..

صلب الموضوع .. اكبر من ان يطرح لمجرد دردشه مسليه .. او الرأى و الرأى المعاكس ..

و ينتهى فى احسن الاحوال ، بفريقين واحد معتقد فيما تتكلم عنه .. و فريق اخر رافض للفكره

.. و كلاهما كالعاده يستشهد بأيات قرأنيه .و كلاهما لن يدرك الحقيقه الا قرب انتهاء عمره اذا عمّر طويلا بعيون و مفتوحه و عقل مفتوح

---

اولا انا تشرفت بمشاركة حضرتك , واحب اقول ان كلام حضرتك فيه حكمة عالية اوى وبيفكرنى بكلام المتصوفين اللى من كتر ما اقتربوا من الحقيقة وجابوا من الآخر يظن الناس ان كلامهم سطحى .
بس انا ليا رأى اذا حضرتك سمحت , انا متفق معاك ان معظم المواضيع اللى بيتم طرحها بتكون بغرض التسلية او نقاش او ملء فراغ بعض المواضيع التى لم يتم التطرق اليها , بس ده لا يمنع ان ممكن الواحد يكون مهموم ببعض المواضيع والامور وأجهد ذهنه فى التحليل والرصد والمشاهدة علشان يفهم حتة صغيرة من طبيعة البشر وحكمة الخلق , ولما الواحد بيوصل لمفاهيم معينة او حتى حيطة سد بيبقى محتاج يشوف رأى الناس اللى حواليه ايه فيما يفكر فيه , ممكن 99% من المشاركين قد يكونوا بيشاركو بغرض التسلية وينتهى الأمر بفريقين زى ماحضرتك قلت وينتهى الموضوع وهو أكبر من مناقشيه , بس انا شخصيا مستنى ال 1% اللى ليه رؤيا تضيف وتنمى مش تسفسط وتدنى حتى لو اختلف معايا .
مش بالضرورة اننا ندرك الحقيقة قبل نهاية العمر زى ماحضرتك بتقول لان فيه ناس ادركت معظمها فى حياتها زى ابن عربى والنفرى وجلال الدين الرومى وغيرهم , ودول موصولوش للحقيقة بانعزالهم عن الناس او التشاؤم من الحديث معاهم وفقد الأمل فى اى جديد يمكن الوصول اليه من خلال الحوار معاهم ولكن بالحوار معاهم وتأمل افعالهم وتصرفاتهم .
قد يكون طرح موضوع كبير بشكل مسلى هو صميم العين المفتوحة والقلب المفتوح يا استاذى العزيز . أشكر مشاركتك
على فكرة انا ما استشهدتش بآيات قرآنية !!

بسم الله

( فيه ناس ادركت معظمها فى حياتها زى ابن عربى والنفرى وجلال الدين الرومى وغيرهم , ودول موصولوش للحقيقة بانعزالهم عن الناس او التشاؤم من الحديث معاهم وفقد الأمل فى اى جديد يمكن الوصول اليه من خلال الحوار معاهم ولكن بالحوار معاهم وتأمل افعالهم وتصرفاتهم .)

اعتزال هؤلاء الاكابر هو عن كل صفة مذمومةو كل خلق دنىء و كل ما يشغل عن الله تعالى .. هذافى حالهم

و اما فى قلوبهم فعن التعلق بأحد من خلق الله تعالىمن اهل وولد وصاحب و كل ما يحول بينه و بين ذكر ربه بقلبه، حتى عن خواطره
و لا يكن لهم الا همّ واحدهو تعلقه بربه
و اما فى الحس فاعتزال كثير من المباحات الا :
1- البصر :الاعتبار و المراقبه لافعال الله و ليس الخلق و الحياء
2- السمع : استجابوا لربهم و اتبعوا احسنه و صموا عما لا يعنيهم و القوا السمع لما يرد و اخرسوا احاديث ووساوس النفس
3- الشمّ : من الانف ( محل الانفه و الكبر و الصلف )تذللوا لمن احبوه و خشعت قلوبهم لعظمته فتواضعت نفوسهم و خضعت
لاحكامه تماما ، فيهم و فى غيرهم
4- الذوق : و هو اعلى من الوجد : فلا مستساغ لهم الا الصدق و الذكر
5-اللمس : اعتزل كلما سوى الكفاف و العفاف و القناعة
و لاحكام القيود و الحدود على النفس ( ليتادى بهم ذلك الى صدق الوفاء بعهد الربوبيه ) كان لهم فى بدء امرهم حتما
انقطاع عن الناسو عن المألوفات .. و جل همهم بل الاوحد تطهير القلبالذى تتجلى فيه ايات ربه تعالى له و انجلاء عين البصيره
************************************************** *******
كنت اعنى فى مشاركتى الاولى بعض حقائق الحياة الدنيا ... التراب .. الثرى

و انت نقلتنى الى سادة الحقائق الذاتيه و الصفاتيه و الفعليه و الانفعاليه و الكونيه ...رضوان الله عليهم .. قوم فاقوا الثريا علوّا و مقاما


88888888888888888888888888888888888888888888888888 8888888

وهذا اول انحراف عن الموضوع الاصلى الذى تسائلت عنه .. الم اقل لك سنتوه ,,و قد تهنا من اول قدم

التأ ثيرات النفسيه للنفوس و الهمم الانسانيه ( سواء ص الحها او طالحها ) جد متشعب و يحتاج مجلدات

فى علوم كثيره .هذا كل ما اردت الاشاره اليه ليس الاّ .

ايدك الله بنور من عنده و و فقك لما فيه خيرك و سعادتك و كرامتك عنده
و صلى الله على علم الهدى المنقذ من الضلالة و الردى و على صحبه و اله شموس سماء الهدى
اللهم اسلبنا عقلا معا شيا يحجبنا عنك و عن فهم اياتك و عن فهم كلام رسولك..

وهب لنا من العقل الاول الذى خصصت به انبيائك و رسلك و الصديقين من خلقك..

و اهدنا بنورك الذى يرى ، و يرى به هدايةالمخصصين بكريم مشيئتك حتى زالت الغين عن عيونهم
ووسع لنا فى النور باتساع رحمتك توسعة كاملة تشمل جميع الشؤون فى الظهور و البطون من الازل الى الابد

فأن الهدى هداك و ان الفضل بيدك تؤتيه من تشاء

سبحانك انت ذو الفضل العظيم ..اللهم هيمنا ما ابقيتنا فى الدنيا فى برازخ الصنع و احدية فعلك السارى فى الاكوان ناظرين بك اليك

و منك الى غيرك ، انك على كل شىء قدير امين لك الحمد

اقتباس:

---

المشاركة الأصلية كتبت بواسطة moh_kamal67

قبل ما اتكلم نقراالفاتحة على روح الزميل ، ربنا يسكنه فسيح جناته
كانوا يهزروا عينك يافلان وكنت لسة اول سنة شغل وكلهم اكبر منى وكنا خارج مصر فالعملية سلطة دة من القاهرة وده من الاسكندرية وده دمياط وده اسوان
حبيب قلبى كان طيب جدا وكانوا هاريينه تريقة ،
كانوا ماشيين بمكروباص الشركة وكان فيه ونش عملاق يرفع شيئ ثقيل فقال الزميل
كل ده ونش
فما كان من الونش الا ان انقلب على جنبه فى حادث مأسوى
واحد صاحبه كان مشترى عربية جديدة بيعلموه السواقه عليها وكان فيه بيت بيتبنى لسة حافرينله ولم تتصب القواعد بيقولوا زميلنا حياه وابدى امتنانه بالعربية الزيرو الراجل بيلف وهوة بيتعلم معرفش يتحكم فى السرعة وقع فى الحفرة ضاعت العربية واصيب بشدة
الله يرحمه كان قلبه طيب جدا وكان عارف ان ده شيئ موش بايده لدرجة انه كان بيهزر ولما يخاف على شيئ يقول ابعدوه عنى متقولوليش عليه

---

الله يرحمه انا اعتقد انه مش ذنبه ده قدر الونش والسياره

ياااااااااااااااااااااااا ااااااااااه يا استاذ مدحت ايه التجليات والأنوار دى ! مش قلت لحضرتك فى ردى الأول انى حاسس بحكمة عميقة كحكمة المتصوفين فى كلام حضرتك , سيبنا موضوعنا ودخلنا مع اهل التجريد والاحسان والمقامات والرقى , عارف حضرتك ايه الخلاصة لكل المقامات الحال والصفات والذات (اذا كنت انت انت فأنت انت , واذا كنت انت هو فهو انت)
اشكر لحضرتك دعائك ليا وأقدم لحضرتك حتة بسيطة من الحضرة الزكية لعمنا فؤاد حداد : ولا مرّه فؤادي انعصر إلا استفاد المعرفه وانتصر