عن المطبات تم اضافة الحلقه الثانيه
:worried:الحلقة الثانية السلام عليكم يا شبابالسلام عليكم
ايوه يا سيدى مانت اتشهرت و عمك عايز يعمل معاك حوار و بقالك قيمه فى المنتدى يابو جهل
انت حاتقر ولا ايه دى امكانيات يابنى
امكانيات ....؟
ياله ماشى ماهو ناس تتعب و ناس امكانيات ياله احنا وقفنا فين المره اللى فاتت
المساعدين يا نجم
ايوه
المره دى حانكمل مع العفشه و حانتكلم على
الاسكاتره و تيش النص
تيش.......؟ هاع هاع هااااااااااع
ايه عجبتك اوى تيش
ايوه هو فيه حاجه اسمها كده ؟
مش عارف انا باتكلم معاك ليه اصلا
تيش النص ده يابو جهل بيكون فى العربيات االقديمه زى الادا و الفيات و هو ده اللى ماسك العجل الامامى مع الدركسون وهو المسؤول عن توجيه العجل و بيبقى راكب فى طرفه حاجه اسمها بيضات طرف و دى اللى بيتظبط منها الزوايا و بتربط العجل مع تيش النص
هو الراجل ده جامد ولا ايه ولا انا اللى عبيط ؟
بتقول حاجه ؟
لا انا بقول طب والاسكاتره دى فين ؟
دى بتبقى فى الموديلات الحديثة و اليابانى جديد وقديم و الالمانى كمان و بتعمل نفس اللى بيعمله تيش النص
جامد جامد الراجل ده
نعم ؟
ايوه جامد الاسكاتره دىطب دول ايه دخلهم بالمطبات
يابنى مانا قولت قبل كده ان اى حاجه فى العفشه و فى العربيه عموما بتهلكها المطبات
طيب بالراحه شويه مش كده يعنى
يبقى تسمع وانت ساكت و متسالنيش فى حاجه قولتها قبل كده
روح اقرا الموضوع م الاول وابقى تعالى واسال
ماشى يا عم النرفز بالراحه علينا علشان انا روحى ف منخيرى وانت عارفنى
اللهم اخزيك يا شطان
ماشى ياعم الملاك نحافظ على تيش الاسكاتره دى ازاى
يانهار جهل
يابنى تيش النص حاجه و الاسكاتره دى حاجه تانيه خاص و مابيبقوش مع بعض ف عربيه واحده
و نحافظ عليهم كالاتى
بالنسبه للسيارات الباور متخبطش الدركسيون فى اخر دورانه لان دة بيضغط بشده على الاسكاتره و بعدين تتكسر او تبوش
و تبوش ياسيدى قبل ما تسالنى يعنى يبقى فيها بوش
هو بوش ده خارب كل حاجه كده حتى الاسكاتره ؟
تصدق قديم اوى الافيه ده و اخر مره ضحكت عليه سنه 96
ايوه مانت من ساعتها وانت كئيب
حانهزر بقى و نسيب الكلام اللى بجد
و نحافظ على الحجات دى كمان ان احنا مانكسرش الدركسون مثلا و العجل مزنوق فى الرصيف
ولو الاسكاتره باظت الاحسن انها تتغير علشان حاتصرف لما تصلحها و تبوظ بسرعه
و كمان الاسكاتره بيبقى عليها كاوتش شبه الاكورديون لازم نكشف عليه كل فتره علشان لو اتقطع بيدخل تراب و اوساخ تبوظها
يعنى كل الفيات مالوش دعوه بالاسكاتره دى كله تيش ؟
لا عندك مثلا ال 128 قديمه و فيات بس اسكاتره مش شرط يعنى
بقولك ايه ماتودنيش و تجيبنى بقى ؟
ماهو انا مش حاكتب كل موديلات الدنيا من ساعه ما ربنا خلق العربيات لغايه دلوقتى
ما كل واحد عارف اللى ف عربيته واللى مش عارف حايسأل
ماشى يا سيدى خلصنا بقى م العفشه ولا لسه؟
لا لسه انا مركز عليها لانها اكتر حاجه بتتهد م المطبات
طب فاضل ايه تانى ؟
فاضل الكبالن
ايوه سمعت عنها دى فى العربيات الجر امامى
ايه ياله الحلاوه
اوعى..... انا بس سايبك تاكل عيش
الكبالن دى فى العربيات الجر الامامى و الجر الرباعى بس مش الجيب
زى العربيات السيدان اللى فى الرالى زى السوبارو
و هى برضه بتتعب من المطبات بس اكتر حاجه بتقصف عمرها انك تكسر الدركسيون فى الملفات وانت بتحود وانت دايس بنزين
امال حادوس فرامل يعنى وانا فى نص الملف ؟لا ياذكى بس تدوس دبرياش و بالاخص فى الملفات الضيقه اوى زى (اليو تيرن)
واللى بيدمرها بجد بقى شغل الخمسات و الطلعه الامريكانى و الخمسه المقلوبه
مقلوبه ازاى يعنى؟
يعنى اللى بتتعمل على الغيار الخلفى و تشد الهاندبريك و بعدين نقوم....
بس بس انت حاتقول على الحاجات اللى بتدمر العربيات ولاايه احنا حانهرتل ولا ايه؟
والله عندك حق اللى عارف عارف واللى مش عارف مايعرفش احسن
طب والكبالن دى بتتصلح لما تشييع ؟
ايوه بس برضه التصليح يعتبر مسكن و بتبوظ تانى بسرعه و الصنايعيه بيقولو عليه حشو كبالن
طب واعرف منين انها باظت ؟
ايوه كده اظبط معايا واسأل اسئله كويسه
مانا كويس والله بس انت اللى مش مدينىحريتى
لما تسمع صوط طقطقه وانت ماشى على السرعات الواطيه و كاسر الدركسيون يبقى الكوبلن بيستغيث
خلصت العفشه علىكده؟
والله هو الموضوع كبير بس دى من اهم الاجزاء فى العفشه
طب فكك منى بقى علشان ودانى ورمت
ماشى يا عم الوارم
بس قولى المره الجايه حانتكلم فى ايه؟
والله انا محتار بس عندى فكره
قول يا فيلسوفاحنا نسيب الناس هى اللى تختار
يعنى كل واحد يقول نتكلم فى ايه فى الحلقه الجايه و نشوف الناس عايزه ايه و نقوله
فكره برضه
مش كده ؟
عداك العيب
ياله مين اول واحد حايقول نتكلم فى ايه
عايزين الناس تتفاعل معا