تجربة تغيير مساعدين امامى وكوتش سوست خلفى وزيت ماتور وباور لبونتو 95

:welcome1: تم بحمد الله يوم الجمعة اللى فاتت صحيت الصبح بدرى وخدت العربية وطلعت على مصر الجديدة عند الميكانيكى هانى اللى جنب محل الشيخ على ، لقيته شغال فى عربية برافا ولينيا موديلات حديثة اوووى ، المهم استنيت لما خلص ، واشتريت مساعدين امامى اسبانى (الكو) بـ 600 جنية من عند محل الشيخ على ، ولفيت القاهرة كلها على كوتش السوست الى على شكل حلقات الصغير اللى بيركب فى السوسته من تحت الحمد له لقيتهم عند محل اسمه (كرم عيسى) فى ممر كدة فى التوفيقية بعد لف على جميع محلات الفيات فى القاهرة جبتهم بـ 40 جنية ايطالى ، فكينا الجزء اللى وراء ونزلنا السوسته والأول ربطنا مسامير الدونجل جامد عشان انا كنت باسمع اصوات طرقع حديد فى المطبات والنقر اللى فى الشوارع ، وركبنا الاطباق الكوتش وعملنا اختبارات كتير عشان نسمع اصوات مش سمعت حاجة ، وبعد كدة غيرنا المساعدين الامامى لقيت المساعدين الاكس بتاعهم معوج وجاييبن زيت على الاخر ، الحمد لله انى لحقت اغيرهم قبل ما تبوظ حاجة تانية فى العفشة ، وركبنا المساعدين الجداد وحطينا عليهم كوتش تراب جبتهم بـ 30 جنية الاتنين من عند الشيخ على بردو ، وطلعنا البطاحات نظفنها وبعد كدة قفلنا الدنيا ، وغيرت زيت الماتور حطيت زيت ماتور شل الاصفر ، وغيرت زيت الباور وحطيت زيت باور شل بردو عشان مش مرتاح لموبيل ، وقل اغير لنوع تانى ، والأول فك الصومله بتاعت علبة الدريكسيون اررئيسية من تحت وقعدت الف فى الدريكسيون يمين وشمال لغاية لما زيت الباور نزل كله وبعد كدة بسرنجه من العلبة ونظفنا العلبة ، وحطينا شوية زيت باور من الجديد شوية صغيرين وقعدت الف الدريكسيون عشان يقلب ويطلع باقى الوساخة وحطينا الزيت الباور ، والحمد لله النتيجة كويسه العربية بقت لما تيجى تدوس فرامل العربية وشها مش بيقلب لقدام ، وفى المطبات مش بتحس بيها اوووى زى الاول ، والمصنيعية 170 جنية :bye:
http://nileup.com/up/uploads/nilemotors_14005102834.jpg
http://nileup.com/up/uploads/nilemotors_14005102831.jpg
http://nileup.com/up/uploads/nilemotors_14005102832.jpg
http://nileup.com/up/uploads/nilemotors_14005102833.jpg
http://nileup.com/up/uploads/nilemot...4005102835.jpg
]
http://nileup.com/up/uploads/nilemotors_14005102837.jpg

مبرووك