طنابير للنيواكسنت و شمعات استبليزر

**Eng_Jo** · 19-05-2014 07:22 PM

بعد مستحملتها ٥ شهور من اخر صيانه في شهر ١٢ اللي فات قلت مابدهاش بقه لازم نفوق العربيه

المشكله
دردره مع دوسه الفرامل و احساس ان الفرامل ناشفه اوي مع حدفه شمال ملحوظه العربيه عامله ٦٣٧٠٠ كم مو ٢٠١٠

تم تغيير ٢ شمعه استابليزر امامي // مكنتش موجوده من ٥ شهور في التوكيل قالولي هاتها من بره وحنا نركبها
ابلغوني تليفونيا ان الطنابير فيها ريجه وعاوزه تتغير طبعا مع التيل مع ان التيل تقريبا فيه نص اللحميه :(

فكرت امسحهم بره عند اي خراط واستحمل شويه ،،،،طب اغير الطنابير واسيب التيل ،،،،

استخرت ربنا و توكلت عليه وقلت اغير

النتيجه رهييييبه بجد فرق شاسع كاني بستلم العربيه من الزيرو طبعا ساعد مع كده تنظيف الفرامل الخلفيه وتربيط العفشه

مش ندمان علي القرار الحمد لله

طقم طنابير ١٧٠٠
تيل ٤٠٠
طقم شمعات استبليزر امامي ٤٤٠
زوايا ٨٠
مصنعيه ٢٠٠
خصم ٢٠٪ علي القطع الغيار والمصنعيات

توتال بعد خصم قطع الغيار والمصنعيه وضريبه المبيعات ٢٤٢٧ جم طبعا المبلغ كتيير بس فدا الاكسنت

**kar!m** · 19-05-2014 07:54 PM

ألف مبروك .. الطنابير أغلى من طنابير الفيكترا :-)

أنا كل ما أروح الصيانة المهندس يتصل بيه و يقول لي العربية عاوزة تيل وطنابير .. و أنا أقول له متغيرش .. و هي بنسبة كبيرة سبوبة .. الا لو كانت وصلت فعلا لحالة زي بتاعتك.

برضة من الحاجات اللي لاحظتها .. عربيتي الكورسا غيرت فيها الطنابير الأصلية بعد 110 ألف كيلو و استخدام 7 سنين .. و الفيكترا عند 155 ألف كيلو واستخدام 8 سنين أو أكتر .. في الأكسنت من أول 40 ألف كيلو و التوكيل بيقول لك نغير الطنابير.

الشاهد في الموضوع .. حتى لو قطع غيار الألماني أغلى لو كانت أغلى .. فهي معمرة جدا و عملية جدا.

**Eng_Jo** · 20-05-2014 05:42 PM

الكوري هو اكبر مقلب ممكن تاخده في حياتك :(

**Ahmed Saad** · 20-05-2014 10:19 PM

طنابير ب 1700 ج كتير اوى بس فداك انا جبت أربع طنابير أمامي وخلفي ديسكات للباسات بتعتي جداد ب 1000ج للاربعه وصناعة ألماني التوكيلات في مصر بتنصب على الناس بعد كده أفضل لك تنزل تجيب الحاجه من التوفيقية هتلاقي الأصلي وبسعر أقل من ده بكتير وألف مبروك على العربيه وربنا يكفيك شرها ويديك خيرها

**enghany** · 21-05-2014 03:52 AM

1700 دا اكيد في التوكيل
الاصلي ب 850 بره من اسبوع بس

**Eng_Jo** · 21-05-2014 09:16 PM

فعلا هو ب ٨٥٠ بس الواحد مش الاتنين

ذي ما قلت اكبر مقلب هو الكوري

الحمد لله علي كل شيء

**yaskhl** · 22-05-2014 02:34 AM

الف مبروك
بس ليا استفسار بسيط ايه هى شمعات الاستبليزر دى وبتركب فين وفايدتها ايه؟

**S O P H O S** · 04-06-2014 05:46 PM

الطانبير غالية كده ليه

**toty_305** · 04-06-2014 05:54 PM

-اومال اسعار ال Rb كام !!!

-طنابير على كيلومتر قليل عيب استخدام اكيد و لو عيب صناعة بيتغيروا في الضمان

-لو الكوري بيغير طنابير قبل 40000 احسن من easytronic اللي بيجيب clutch في 40000 بردو او اللي بيغيروا التيل كل 10000 و dsg و اللي و اللي بس الحق يقال كمتعة قيادة أكيد الالماني يكسب