سؤال عن بكر التكيف و شراء فيتس

السلام عليكم
سؤال
انا عايز حد بيفهم فى بكر التكيف بتاع الحرارة و توجيه الهواء وزرار مدخل الهواء علشان مش شغاله عندى بس التكيف شغال و بكرة المروحة تمام
السؤال تانى
عاوز اجيب فيتس استيراد
عاوز حد ابن حلال فى الحرفين حد يدلنى

مفيش رد

وحدة التكييف دى وراها او خارج من ضهرها 3 ويرات:

1- واير مسئول عن اماكن دخول الهواء ودة الواير نازل منها شمال جنب دواسة البنزين تحت
2- واير درجات الحرارة ودة ماشى يمين بين غتحة درج التابلوة
3- واير اللى بتتشد يمين وشمال يدخل الهواء من برة لجوة ولا من جوة لجوة ودة ماشى لاقصى اليمين ورد درج التابلوة بالظبط

اول حاجة هتعملها هتفك درج التابلوة من المسمارين:
http://i1357.photobucket.com/albums/...psf4a8ba92.jpg
هتشيل الدرج خالص وتركز معايا (هنشيك على كل واير انو سليم وراكب صح):

1-اول ماتفك درج هنشيك على الواير الاول ودة وظيفتو التبريد يعنى درجات الحرارة اللى هوا البكرة اقصى الشمال فى الصورة الجاية انا معلملك علية بالاحمر عشان تشوفة راكب فى الكلبس بتاعة وموجود اصلا ولا لأ وحاول تشدو براحة شوفة ماسك فى ظهر لوحة العدادت ولا هييجى معاك بسهولة وموجود على الفضى عيرة يعنى مش بايت فى جرار البكرة(وممكن برضو تعمل حاجة صايعة تحرك البكرة بتاعتة وتشوف الواير هيتحرك قدامك ولا لأ ولانو لازم يتحرك لو من ضهر اللوحة متوصل صح):
http://s1.postimg.org/5drcstfgf/image.jpg

2- ندخل على الواير التانى اللى هو مدخل الهواء هتبص يمين برضو ورا درج التابلوة هتلاقى الشبكة وعليها بوابة بتروح ادام وترجع ورا :
http://i1357.photobucket.com/albums/...ps09599613.jpg

نفس اللى فات هتشيك علية وتشد براحة تتاكد منو وم كل حاجة وتعمل نفس الحركة الصايعة تحرك الشداد بتاع مدخل الهوا وتراقب حركة الواير

3- فاضل واير واحد اللى هوا بتاع اماكن دخول الهوا ودة مكانو تحت جنب دواسة البنزين يعنى لازم تكون برة العربية من عند باب السواق وتوطى هتشوفة بالشكل دة:
http://i1357.photobucket.com/albums/...psadde8199.jpg

ابدا بالتست دة وتابعنى برضو وان شاء الله محلولة هى سهلة اخرها طقم ويرات او حتى لوحة تكييف استيراد ممكن تجبها ب 100 جنية دة لو افترضنا ان لقدر الله ان اللى عند متدغدغة ومفيش منها امل

انا شاكر جدا جدا لحضرتك وان شاء الله اتابع معاك

الفتيس فية واحد كويس جدا في فيصل اسمة ابو هاشم كنت جبت من عندة فتيس وحاجتة بصراحة نظيفة جدا

فيصل بعيدة عنى لانى ساكن فى عين شمس