مجرد فضفضة

**احمد المصرى** · 20-05-2014 01:44 PM

المشاركة الأصلية كتبت بواسطة aif

الاسرة دي مش في القاهرة
عشان كدة انا مش عارف كتير من التفاصيل
وانا وقت وفاة الاب كنت باشتغل ف السعودية
مش عارف ايه اللي حصل بعد عةودة الاب من السعودية
ومكنتش موجود عشان اعرف رد فعل الاب ايه
هل عند وفاته كان راضي عن ابنه ولا غاضب عليه
انا بس حبيت افضفض معاكم ... فيه حاجات كتير الواحد مايقدرش يقولها ف الواقع ... لكن ممكن يفضفض بيها ع النت
القصد ... من خبرتي في الحياة اللي شوفته بيؤكد ان هناك اشياء لابد ان تري نتيجتها المباشرة في الحياة .... وطبعا هناك ما يؤجل الله جزاؤه للآخرة سواء بالخير او عكس ذلك
من اهم الاشياء التي يعجل الله بجزاءهافي الدنيا - حسب رأيي المتواضع القابل للخطأ قبل الصواب - هي معاملة الوالدين وبرهم او عقوقهم
دايما بتكون جزاؤه في الدنيا ظاهرة للعيان ... سواء خير او شر
مش ح تخسر حاجة اذا خسرت نقاشا مع والدك المسن .... مقابل ان لا تغضبه
مش ح تخسر حاجة اذا تفرغت لوادتك او والدك ساعات قليلة من وقتك ... مقابل رضاهم عنك
مش ح تخسر كتير لو عملتلهم ما يحبون في شيخوختهم مقابل جزء صغير مما اسعدوك به في شبابهم وانت صغير وضعيف
انا شاكر مروركم وتفاعلكم
واسف لو كانت القصة قد سببت ألم لكم ..... لكنها هي الواقع للأسف ... وربنا يغفر للجميع ويرحمهم احياء واموات

تعرف انا قبل وفاه والدى بحوالى 10 ايام كان بيطلب منى اننا نسافر البلد علشان يزور اخواته وانا كنت لسه راجع مع العمره وكنت تعبان ومرهق ومكسل اسافر المشوار الطويل دا وقلتله حاضر كام يوم كدا ارتاح ونسافر بس يشاء القدر انه يموت قبل ما يسافر يزورهم ومن ساعدها وانا حاسس انى قصرت فى حقه فى الجزء دا ما كنت سفرته حتى لو تعبان بس الواحد مكنش يعرف ان الموت اسرع منه

الكلام دا اول مره اتكلمه مع حد بس بفضفضك معاك

**Ahmed_selmy** · 21-05-2014 04:42 PM

اللهم اغفر له ولوالديه ......واجعل مرضه فى ميزان حساناته.

**aif** · 21-05-2014 10:27 PM

المشاركة الأصلية كتبت بواسطة احمد المصرى

تعرف انا قبل وفاه والدى بحوالى 10 ايام كان بيطلب منى اننا نسافر البلد علشان يزور اخواته وانا كنت لسه راجع مع العمره وكنت تعبان ومرهق ومكسل اسافر المشوار الطويل دا وقلتله حاضر كام يوم كدا ارتاح ونسافر بس يشاء القدر انه يموت قبل ما يسافر يزورهم ومن ساعدها وانا حاسس انى قصرت فى حقه فى الجزء دا ما كنت سفرته حتى لو تعبان بس الواحد مكنش يعرف ان الموت اسرع منه

الكلام دا اول مره اتكلمه مع حد بس بفضفضك معاك

عند مرض امي كنت اعمل في الخارج
وتأخرت في النزول لمصر ..... كسل او قدر او ظروف
ولما حالتها ساءت وجيت انزل
مخالفة مرور عطلت التأشيرة وماتت امي ودفنت وانا في الخارج
مضي 18 عاما ومازلت كلما تذكرت .... لا اسامح نفسي
ومازال مخالفات المرور تمثل عائق نفسي عندي ... حتي هنا في مصر

**احمد المصرى** · 22-05-2014 09:56 AM

المشاركة الأصلية كتبت بواسطة aif

عند مرض امي كنت اعمل في الخارج
وتأخرت في النزول لمصر ..... كسل او قدر او ظروف
ولما حالتها ساءت وجيت انزل
مخالفة مرور عطلت التأشيرة وماتت امي ودفنت وانا في الخارج
مضي 18 عاما ومازلت كلما تذكرت .... لا اسامح نفسي
ومازال مخالفات المرور تمثل عائق نفسي عندي ... حتي هنا في مصر

ربنا يرحمها ويجعل مثواها الجنه ان شاء الله

**المنسي** · 22-05-2014 10:46 AM

الحكمة من الموضوع وناس كتير بتغفل عنها انه كما تدين تدان

موقف شخصى خاص بيا انا اللى ربتنى جدتى منذ ولادتى الى ان كبرت وكان والدى ووالدتى يفعلون كل السبل لكى اكون معهم او لابيت معهم فى يوم من الايام وكانو يسكنون بمسافة بعيدة عن مسكن جدتى واشترطت عليهم ان يتركو سكنهم ويبحثو عن مسكن قريب من جدتى لكى البى طلبهم وبالفعل تركو مسكنهم واخذو مسكن قريب من جدتى تقريبا يفصل بينهم شارع واحد ولكن بقى الوضع على ماكان عليه قبل انتقالهم الى السكن الجديد بقيت ملازما لجدتى الى ان كبرت وتزوجت
وتدور الدوائر وياتى ابنى ويطلب منى ان يمكث مع جدته ولو طلبت منه ان ياتى معى الى البيت يأبى ذلك
فتذكرت ما اقترفته فى حق والدى ووالدتى وها هى الايام تدور

لصاحب الموضوع اقول ربنا يرحمه ويغفر له ويرحم امواتنا واموات المسلمين جميعا