مشكلة خنقة الموتور وبطء تجميع النقلات

**أبو آسر** · 20-05-2014 01:37 AM

السلام عليكم
أنا معايا لوجان أوتوماتيك 2013 عاملة حوالي 18 ألف كيلو شاريها مستعملة من كام شهر بس عندي مشكلة هي إني بحس الموتور مخنوق والنقلات تقيلة وتجميعها بطيء مش سلسة خاصة مع تشغيل التكييف وبضطر إني أعمل كيك داون باستمرار بس مش بيحل المشكلة برده بيقعد شوية على ما يجمع برده
أنا عارف إن التكييف بيقلل من عزم وسحب الموتور بس مش للدرجة اللي بحسها دي وكمان لما بكون مش مشغل التكييف بحس بموضوع خنقة الموتور وتقل السحب بس مش زي ما بكون مشغل التكييف
وأحيانا بحس إن الrpm بيخرف يعني فجأة بيعلى وبعدين يفضل ثابت شوية حتى لو شيلت رجلي من على دواسة البنزين
ممكن حد يفيدني منين المشكلة بالضبط ؟ هل ليها علاقة بالبوابة عايزة تتنضف مثلا ؟ هل موضوع بوجيهات ؟ أي اقتراحات ؟
مع العلم إني لسة في الضمان فهل أروح التوكيل يحل المشكلة دي ولا هيعملوا فيها من بنها وهيقولولي مفيش حاجة ؟ ولو لقوا حاجة هيدفعوني ولا دي تبع الضمان ؟
أرجو الإفادة مع جزيل الشكر

**أبو آسر** · 21-05-2014 05:39 PM

المشاركة الأصلية كتبت بواسطة eng.salama93

اللوجان فيها مشاكل ف البوابة .. ممكن تروح الضمان و تغيرها هناك عادي في ناس كتير جدا غيرتها تبع الضمان

في ناس قالت ان دي مشكلة حاجة اسمها سولونويد او سولونيت الفتيس (معرفوش طبعا)
وناس قالت مشكلة في التكييف
وناس قالت مشكلة دواسة البنزين

محدش مر بالمشكلة دي وحلها وعرف سببها ايه يا جماعة ؟

**bedo84** · 21-05-2014 09:44 PM

المشاركة الأصلية كتبت بواسطة أبو آسر

السلام عليكم
أنا معايا لوجان أوتوماتيك 2013 عاملة حوالي 18 ألف كيلو شاريها مستعملة من كام شهر بس عندي مشكلة هي إني بحس الموتور مخنوق والنقلات تقيلة وتجميعها بطيء مش سلسة خاصة مع تشغيل التكييف وبضطر إني أعمل كيك داون باستمرار بس مش بيحل المشكلة برده بيقعد شوية على ما يجمع برده
أنا عارف إن التكييف بيقلل من عزم وسحب الموتور بس مش للدرجة اللي بحسها دي وكمان لما بكون مش مشغل التكييف بحس بموضوع خنقة الموتور وتقل السحب بس مش زي ما بكون مشغل التكييف
وأحيانا بحس إن الrpm بيخرف يعني فجأة بيعلى وبعدين يفضل ثابت شوية حتى لو شيلت رجلي من على دواسة البنزين
ممكن حد يفيدني منين المشكلة بالضبط ؟ هل ليها علاقة بالبوابة عايزة تتنضف مثلا ؟ هل موضوع بوجيهات ؟ أي اقتراحات ؟
مع العلم إني لسة في الضمان فهل أروح التوكيل يحل المشكلة دي ولا هيعملوا فيها من بنها وهيقولولي مفيش حاجة ؟ ولو لقوا حاجة هيدفعوني ولا دي تبع الضمان ؟
أرجو الإفادة مع جزيل الشكر

بص أحب أطمنك ان مشكلة البوابه دي مش موجوده في اللوجان أوتوماتيك نهائي بس انا يعتقد انها بتوجيهات روح لميكانيكية رينو في صقر قريش وبث عليها لو هتتغير هات طقم ngk بلاتينيوم وأركبه ودا أحسن نوع 120 جنيه ...