انا ناويت اشتري v5 ان شاء الله . اتوكل علي الله ولا فيها مشاكل
عرض للطباعة
انا ناويت اشتري v5 ان شاء الله . اتوكل علي الله ولا فيها مشاكل
استخير الله واتوكل عليه
توكل علي الله ... عربية محترمة جدا
والله يا جماعة انا روحت ابص عليها في توكيل ما قالولي بلاش العربيه دي في ناس كتير اشتكو منها
انا السيارة معايا من 1\4\2014 ماشي بها 2000كم
العيوب التى ظهرت بالترتيب:-
1-صوت خبط حديد في العفشة من الامام وصوت تزييق بالعفشة بشكل عام
2-صوت خبط و رزع في علبة الدركسيون على المدقات
3-صوت صفارة شديد من تيل الفرامل للعجل الامامي
4-صوت دخول هواء على السرعات العالية من البابين الاماميين
5-صوت الماتور عالي عن سيارتي السابقة(لوجان 2010معايا من الزيرو)
6-باب الشنطة يحتاج اسلوب خاص للغلق من المرة الثالثة او الرابعة
7-لايمكن تركيب زينون حسب كلام التوكيل سواء عنده او بالخارج
8-تعليق بالسنسور باركينج + لمبة الايرباج
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)
11- الفرامل متوسطة
12- الفرش الداخلي ضعيف و يحتاج الى فرش جلد
13-خامات البلاستيك الداخلي ضعيفة
14- الدهان به مشاكل بناء على كلام اكثر متخصص بما فيهم المتخصص بمركز الصيانة
المميزات:-
1- الثبات
2-الارتفاع عن الارض
3-صالون داخلي مريح وواسع و مريحة في السفر
4-الصاج قوي
5- الشكل جميل(وجهة نظر)
الصيانة:-
اتعامل مع مركز صيانة المصرية الاوروبية المركز المعتمد بالاسكندرية(ذهبت للمركز 3 مرات منذ وقت الشراء)
1-تم فحص تيل الفرامل و تنظيفة و اختفى الصوت لساعات قليلة وتم تنظيفة مرتين بعد ذلك و الصوت كما هو.
2-تم تربيط العفشة بالكامل و تشحميها حيث اخبروني ان السيارة تاتي من الخارج و نتيجة الشحن فان العفشة بتتفكك و اختفى صوت خبط الحديد و ظل صوت النزييق و صوت الخبط بعلبة الدركسيون حتى الان (طبيعة السيارات المرتفعة كما اخبرني السيد المهندس صاحب المركز)
3-تظبيط باب الشنطة و لم تحل المشكلة حتى الان (طبيعة الشنطة كما اخبروني)
5- تغيير الزيت حيث ان الزيت الموجود زيت تليين
4-باقي العيوب اخبروني بالمركز انها ليست عيوب و لكن هي طبيعة السيارة حيث انها تجميع صيني
انا معايا v5 من ٣ شهور وعملة ٣٥٠٠ وسافرت القاهرة (من بورسعيد) مرتين والسويس والاسماعيلية وزي الفل مريحة وواسعة وثابتة على الطريق لغاية ١٢٠ (عشان انا مش بزود عن كده) وعالية عشان مطباتنا الشاهقة الارتفاع
وعملت صيانة ال ٢٠٠٠ في جسر السويس رجع زي ماكانت واحلى
لكن هي مش شبابية للسحب المبالغ فيه والخمسات والحاجات دي
عربية شيك محترمة
توكل واحنا معاك لاى استفسارات
انا مستنى اروح التوكيل في جسر السويس اقرب فرصة ممكنة و الله المستعان
علي فكره ممكن بتمنها تجيب عربيات كتيره احسن كسر زيرو
جيتا ٢٠١٠ ٢٠١١ تويوتا متسوبيشي شارك وحاجات كتير احسن واضمن