طالبه معايا جدااا اني اروح اكل في مسمط فياريت حد يقولي مسمط يكون اكله حلو ويقولي الاسعار كمان هناك بتبقي كام ؟
عرض للطباعة
طالبه معايا جدااا اني اروح اكل في مسمط فياريت حد يقولي مسمط يكون اكله حلو ويقولي الاسعار كمان هناك بتبقي كام ؟
البيييييييييييييييييييييي يت فقط لاغير
احلى اكل وافضل كمية والوصفات بقت مالية النت
اكل المسمط في البيت ده رأيي
انا بجيب الى عاوزه ويتنضف كويس جداً ويتغسل اكتر من مره (طبعاً انت فاهم اغلب المنتجات ديه محتاجه تنظيف رهيب) وتعمل حفلة في البيت
مسمط نضيف ؟؟؟؟
الكلمتين اصلا مش ماشيين مع بعض
هههههههههههههههههههه
ماليش في الكلام ده و الله بس اعتقد ان السيده زينب معقل المسامط
بص طعم المسمط شيء وطعم البيت شيء تاني
تقدر تاكل محشى بره البيت زي بتاع البيت ..تقريباً لاء وكذلك حاجت كتير لازم البيت فيها
اكل بره ليه طعم تاني بس برضه عمره ما هيبقى انضف وفي نفس الوقت اقدر اخلي اكل البيت حلو بس مش بنفس الكيفية
على العموم مثلا في اكل المسمط انا باكل الكوارع والممبار في البيت انضف واجمل بكتير من بره
حاجة كده على نفس وزن الكشري في البيت والمطعم
شوف انا من عشاق اكل فواكه اللحوم
وفتره كبيره من الزمن وانا باحب اكل المسمط فعلا لانه رهيييب
لحد ما سمعت عن اللى بيحصل فى المحلات دى
وعن كمية المحلات اللى اتقفلت
وسوء النظافه
قررت انى اشترى ويتم عمله فى البيت
اشتريت كوارع وطلعت روعه ويا سلام على الشوربه ....اوعى
واشتريت فشه وتم عملها وكانت جميله جدااااا
واشتريت كبده جملى وكانت حكايه
واشتريت طحال وكان روووووووووووووووعه
بخلاف الكرشه اللى كانت والدتى بتعملها دايما كانت اكتر من حكايه
وبعدها كرهت اى مسمط
الله يعطيك العافيه
سيبك من الناس دي كلّها, لإنها مش مراعية ظروف العزّاب اللي مش لاقيين ملوخية بيتي حتّى :(
خش يا باشا على واحد اسمه "بحّه" في الناصرية - بعد محطة مترو محمد نجيب تقريباً, علم من اعلام فواكه اللحوم واشهر من نار على علم.
اسعارة كويسّه, في طلبات من 18 جنيه وانت طالع.
يظهر انك ما تعرفش اننا بنعمل طلعات رمرمة كتير عند بحة وحبايب السيدة
وبيحضرها عشرات الزملاء
وبييجي ناس من اسكندرية وناس من المنوفية وناس من الشرقية والغربية وبتبقي سهرة صباحي
دور في الاجتماعي ح تلاقي صور ومواضيع كتير
والقاسم المشترك محمد شنوري الشهير بالقرصان
http://www.nilemotors.net/Nile/417982-a.html
انت برنس والله فعلا دايما اكل بره احسن من اكل البيت سيبك من انه مش معقم :))))))) بس طعمه اجمد :)))))
تمام يا باشا
طيب انهي احسن بقي بحه ولا حبايب السيده ؟ وياريت تديني شويه تفاصيل عنهم ( ايه احسن حاجه هناك - والاسعار - وكده يعني ) لاني هضرب مشوار من الشرقيه مخصوص علشان الحوار ده
وشفت كمان في التوبيك ده ان بعد ما خلصتوا رحتوا كلتوا القنبله من محل اسمه الكرنك ... ايه بقي القنبله دي ؟
احلى اكله مسمط بتكون فى البيت ومن ايد ولدتى ربنا يحفظها
على فكرة انت ممكن تعمل احلى اكل فى البيت واحلى من اكل المحلات بكتير
بس تعتمد على الى بيطبخها والحلاويات دة تعتبر تافهه انا يا شاب ممكن اعملها
لانى اغلبها بتتسلق وبعدان تتحمر بفلفل وتوم والتوابل وحتة لية خروف عشان تكمل الطعم
روح بس للجزار واشترى منه الحجات اربع ارباع واعملها انت او حد من البيت يسلقها وانت حمرها
يا جماعة الراجل عاوز مسمط ياكل فيه هتفضلوا تعذبوه وتقولوله الأكل البيتى ومعرفش ايه هو خلاص قفلت معاه ياكل فمسمط اللى جرب مسمط كويس يقول له حرام عليكم جوعتوه ههههههههه
انا فى مرة الساعة 11 بالليل طقت فدماغى لازم آكل فمسمط هو كدة خدت العربية و فضلت ألف بلاد تشيلنى وبلاد تحطنى لحد ما لقيت مسمط فاتح مبسطتش بقا نضيف ولا لأ وكان بقالى ييجى ساعة بلف وكل ما ألف اجوع اكتر و ضربت من عنده لحد ما اوغمن عليا :d
تقريبا يا جماعه بحه ده مكانه جنب شارع بور سعيد فى وسط البلد
هوه قريب من محطة مترو
وكاتب على اليافته ( بحه...لبيع اكسسوارات البهائم )
سيبك من بحا خااااالص .. بحا من بعد ما شهرته زادت ما بقاش آد كده :(
روح حبايب السيده جااااااااامد .
اسمع كلام راجل له باع في المسامط والعك هههههههه
حبايب السيدة افضل من بحة
والاسعار انت بتتكلم من 20 وحتي 50 حسب الطلب وفاتحين لغاية الصبح وفيه فرع لبحة جنب حبايب السيدة غير فرع الناصرية وشارع بورسعيد
الكرنك مش جنب حبايب السيدة اوي
هو جنب بحة اللي ف الناصرية
والقنبلة ب 10 جنية عبارة عن كوكتيل فواكة وفوقها قطعة قشطة كبيرة وجواها شوية حلويات تاني تقريبا رز بلبن و بسبوسة
حاجة كدة قنبلة ... هي لوحدها وجبة :)
بالهنا والشفا