اغلاق مصنع مرسيدس فى مصر

**Batman372** · 20-05-2014 04:27 PM

المشاركة الأصلية كتبت بواسطة TeMoON

انا اتفق معاك فى كلامك الا b class جاية مستوردة بردو وانا مش متاكد من كلامى يعنى على كدا خلاص ننسى حاجة اسمها مرسيدس فى مصر يعنى مش هيركب مرسيدس غير الى معاه فلوس كتير وكتير اوى كمان ما شاء الله الدنيا كلها بتتقدم واحنا الى بنتاخر يعنى انا كان حلمى فى يوم من الايام ان يكون عندى e or s يعنى كدا انسى حاجة اسمها مرسيدس من حياتى كلها لحد اما نشوف 2019 والحكومة الجليلة الى هتكون موجودة ايامها هتعمل اية وهتحط علينا ضرايب تانية مكان الجمارك اد اية
انة حقا مرار طافح

ربنا يصبرنا على البلد دى لحسن خلاص الواحد هيجيب جاز منها انا عاوز اخلع منها محدش ياخدنى معاه

الموضوع مش ذى ما حضرتك متخيله ...
كل الموضوع ان حيكون اغلب المستورد مواتيره ١٦٠٠ تربو و دى بتوصل ل ١٨٥ حصان ...
و بالنسبه للاسعار c180 الشكل w204 كانت ب ٣٥٠ الف ... فطبيعى جدا ان الشكل الجديد 2015 يكون ب ٣٧٥ خصوصا مع ارتفاع الاسعار و الدولار ... و الحجز شغال و التسليم اول سبتمبر ٢٠١٤ ....
كمثال اخر للاسعار عندك ال s500 الى كانت بتتجمع محلى كانت ب مليون و ٤٠٠ الف ... فى حين ان الشكل الجديد التحفه مستورد s400 هايبرد ب مليون و ٢٠٠ الف ..
تحياتى ...

**Deshahcoka** · 20-05-2014 04:45 PM

المشاركة الأصلية كتبت بواسطة horas3000

انا سمعت نفس الكلام و شكله كده حقيقي
والمصنع كان فاتح لمده محدده منصوص عليها و هتنتهي السنه دي
و ال c الجديده فعلا هتكون مستورده و غالبا مش هنشوف الا ال c180 بس لان اعلي من كده سعرها هيسافر
و اصلا باب الحجز ليها مفتوح و الاسعار المبدايه 375 الف لاول فئه و 410 للتانيه
و اللي بيجمع حاليا في مصر هي ال e و ال glk و ال b تقريبا
الباقي مستورد و ده اللي مخلي الاستلام يعدي السنه زي ما في ال cla كده
و انا متوقع ال c تبقي كده

باشا دول شغالين glk و e

و صيني يا بويا MG :)

و ده كلام اكيد :)

**TeMoON** · 20-05-2014 05:17 PM

من الاخر كدا c 250 هتتكلم فى 450 باكو يعنى ما شاء الله غالية زيادة عن اللزوم انا قررت انى امشى ب توكتوك احسن من الكلام الفاضى دا لان كدا مرسيدس بتهرج فى مصر

**Batman372** · 20-05-2014 05:41 PM

المشاركة الأصلية كتبت بواسطة temoon

من الاخر كدا c 250 هتتكلم فى 450 باكو يعنى ما شاء الله غالية زيادة عن اللزوم انا قررت انى امشى ب توكتوك احسن من الكلام الفاضى دا لان كدا مرسيدس بتهرج فى مصر

اخر سعر للسى ٢٠٠ المجمعه فى مصر كان ٤٢٠ ... و السى ٢٥٠ الافانجارد كانت ب ٤٧٠ ...
تحياتى ...

**mrmarie** · 20-05-2014 09:36 PM

يعني دلوقتي انا عارض عربيتي للبيع علشان الشكل الجديد، كده شكلي هبيع و العربيات هتزيد بعد لما الشكل الجديد ينزل!!!

**zegna** · 20-05-2014 10:17 PM

الشكل الجديدc180 هيتسلم بعد سنة بالنسبة للفئات الاولي انما فئات ال amg هيا اللي ممكن يسلموك بدري علي شهر 9 او 10عشان الاقبال عليها اقل كلة شوية اصلا بيزودو المدة شكلهم هيعملو زي ال cla

**horas3000** · 21-05-2014 12:59 PM

المشاركة الأصلية كتبت بواسطة TeMoON

من الاخر كدا c 250 هتتكلم فى 450 باكو يعنى ما شاء الله غالية زيادة عن اللزوم انا قررت انى امشى ب توكتوك احسن من الكلام الفاضى دا لان كدا مرسيدس بتهرج فى مصر

هههههه 450 ايه بس يا كبير
اذا ال c180 الفئه العاليه بتتكلم في 410 الف
ال 250 لو نزلت بنفس المتور ال 1800 سي سي هتعدي ال 550 الف مرتاااح

المشاركة الأصلية كتبت بواسطة Deshahcoka

باشا دول شغالين glk و e

و صيني يا بويا MG :)

و ده كلام اكيد :)

تمام
و انا كنت فعلا مش متاكد من ال b بس كده خلاص

و الصيني ده ملناش دعوه بيه اصلا لانه لا علاقه لا من قريب و لا بعيد بمرسيدس
يا راجل ده انا شفت عربيه منهم زيرو في معرض و اكتر من قطعه بلاستيك الاقيها مكسوره