لخبطة في اللإلنترا 2013 بعد تركيب زينون

السلام عليكم و رحمة الله و بركاته ..
من كام يوم كده روحت أركب زينون فى العربية (إلنترا 2013 ) و بعد تركيب الزينون و أنا مروح لقت العربية بتهيس :-
لما بقلب نور أو بفتح النور عادي بيحصل :-
1- غلوشة في صوت السماعات كأن السلوك بتاعت السماعات بتلمس
2- الأغاني في الفلاشة بتعيد من أول أغنية
رجعت للراجل قالي دا عيب في الإلنترا عموما و ملهاش حل غير تكويد أو تستغنى عن الفلاشة بس صوت الغلوشة عند التقليب هيستمر
طبعا انا أتعصبت جدا إنه مقالش كده من الاول و حاولت ارجع الاطقم بس بعد مماطلة رجع طقم العالي بس بحجة إن العيب من العربية مش من الأطقم..
يا ريت يا رجالة لو حد يعرف حل للموضوع ده يقولي عليه

هى هى نفس مشكله السيراتو و طبعا انت مركب 55 وات و الحل:
قدامك حل من اتنين (مع العلم انى المشكله مش عندى لكن اكتشفتها فى عربيه واحد صاحبى)
1- انك تجيب 35 وات و المشكله هتنتهى
2- انك تركب قبل طقم الزينون ضفيره صغيره جدا ب 85 جنيه (plug & play ) بتركب بين الفيشه و طقم الزينون و معرفش ازاى بس الضفيره دى مش بتعرف العربيه ان اللى راكب 55 و مبيحصلش اى حاجه (هو مركبها من 4 شهور و زى الفل)

ركب الزينون 35 وات
والاداء مقارنه ب 55 وات مش هيختلف كتير ولا حاجة متقلقش

ثانيا الزينون المحترم من الشركات المحترمه زى اوسرام بتنزل الزينون 35 وات وماشائ الله بيعيش كتير
ومش بيخلى اللمبات ترعش او تبوظ بسرعه وحتى الزينون الى بينزل استوك فى العربيات زى الليكسس و المرسيدس وكدة بينزل 35 وات لحمايه كهربا العربية وحماية الضفيرة من سخونه الاسلاك وغيرها

اقتباس:

---

المشاركة الأصلية كتبت بواسطة mmkhattab

السلام عليكم و رحمة الله و بركاته ..
من كام يوم كده روحت أركب زينون فى العربية (إلنترا 2013 ) و بعد تركيب الزينون و أنا مروح لقت العربية بتهيس :-
لما بقلب نور أو بفتح النور عادي بيحصل :-
1- غلوشة في صوت السماعات كأن السلوك بتاعت السماعات بتلمس
2- الأغاني في الفلاشة بتعيد من أول أغنية
رجعت للراجل قالي دا عيب في الإلنترا عموما و ملهاش حل غير تكويد أو تستغنى عن الفلاشة بس صوت الغلوشة عند التقليب هيستمر
طبعا انا أتعصبت جدا إنه مقالش كده من الاول و حاولت ارجع الاطقم بس بعد مماطلة رجع طقم العالي بس بحجة إن العيب من العربية مش من الأطقم..
يا ريت يا رجالة لو حد يعرف حل للموضوع ده يقولي عليه

---

قالك العيب فالعربية ،والله البجاحة بقت بزيادة أوي عند الناس
و لو هو راجل محترم مش كان يقولك أن العربية يا عيني معيوبة وأن الإلنترا بايظة
ناس بقت مستفزة وبجحة بشكل مستفز

روح للكهربائى خليه يركبهوملك عل ضفيره لكل طقم زانون

عيب عربيه ؟؟؟ ده انا لو مكانك كنت دوسته بالعربيه

عيب عربيه ؟؟؟ ده انا لو مكانك كنت دوسته بالعربيه

اقتباس:

---

المشاركة الأصلية كتبت بواسطة mmkhattab

السلام عليكم و رحمة الله و بركاته ..
من كام يوم كده روحت أركب زينون فى العربية (إلنترا 2013 ) و بعد تركيب الزينون و أنا مروح لقت العربية بتهيس :-
لما بقلب نور أو بفتح النور عادي بيحصل :-
1- غلوشة في صوت السماعات كأن السلوك بتاعت السماعات بتلمس
2- الأغاني في الفلاشة بتعيد من أول أغنية
رجعت للراجل قالي دا عيب في الإلنترا عموما و ملهاش حل غير تكويد أو تستغنى عن الفلاشة بس صوت الغلوشة عند التقليب هيستمر
طبعا انا أتعصبت جدا إنه مقالش كده من الاول و حاولت ارجع الاطقم بس بعد مماطلة رجع طقم العالي بس بحجة إن العيب من العربية مش من الأطقم..
يا ريت يا رجالة لو حد يعرف حل للموضوع ده يقولي عليه

---

انا حصلي حاجة زي كده ...غلوشة في الفلاشة والعربية بقت لما تدور تطفي على طول وتدور بعد كذا محاولة...حصل الموضوع ده بعد ما ركبيت شاحن موبايل(لكن خلي بالك اني كنت مركب الشاحن والموبيل فيه قبل ما ادور العربية فبيحصل البرجلة ديه...لكن لو ركبيت الشاحن بعد التدوير مبيحصلش حاجة)
المهم شلت الشاحن خالص ومبيقتش تحصل الحركة ديه..حتى اني لغيت وصلة التليفون لانها اتكعبلت هي كمان ومبقتش شغالة (عندي وصلة بتركبها في التليفون تخليه يشتغل على سماعات العربية..مش بلوتوث)

يا ريت حد يفيدنا ..الموضوع ده مكنش بيحصل في النوبيرا اللي كانت معايا قبل السيارة ديه..