العيشة المرتاحة لما تطلع عربيتك سياحة ...

**kimotop** · 20-05-2014 11:37 AM

السلام عليكم
في ناس كتير جدا مش فاهمة موضوع انه يطلع عربيته سياحة
الموضوع بسيط كل الي محتاجه علاقات موثوق فيها
ببساطة الموضوع دا مش مربح جدا لكن بيطلع مبلغ ثابت كل شهر للي عايز وهو عبارة انك بتشتري العربية كاش او قسط وبعدين بتكتب عقد مع شركة سياحة من سنة ل 3 سنين بملغ ثابت شهريا وبعدين ترجعهالك
وطبعا المبلغ دا بيختلف من نوع عربية لنوع على حسب سعرها وفخامتها وموديلها
مثال
اشتريت عربية تمنها 80 الف ( عادة الفئة دي بتتاجر شهريا ب 2500 ل 3000 جنية )
هنقول 2500 في 36 شهر = 90 الف جنية
لحد كدا انت كسبان 10000 جنية + عربيتك هترجعلك وهنقول هترجعلك كهنة زي ما بيتقال من الحرت فيها فهتبيعها بأقل سعر ممكن وهو 60 الف او حتى 50 الف فدا كله هيكون مكسب ليك .
بسيطة اهي
وكمان مصاريف العربية طول الفترة دي على الشركة الي مأجراها مش عليك .

* ملحوظة انا مش مأجر عربية ولا بشتغل في الموضوع دا ، انا بس حبيت اوضحه علشان الناس الي متعرفوش ممكن تستفيد منه ماديا .
اتمنى تكونوا استفدتم

**svneleven** · 20-05-2014 01:18 PM

كلام حلو لكن المهم تلاقي حد موثوق فيه و فيه مشكلة لو العربية عملت حادثة.

**zangry** · 20-05-2014 01:21 PM

المشاركة الأصلية كتبت بواسطة svneleven

كلام حلو لكن المهم تلاقي حد موثوق فيه و فيه مشكلة لو العربية عملت حادثة.

بيتعمل عليها تأمين عادي

**svneleven** · 21-05-2014 04:27 AM

التأمين هيمرمطك خصوصا لو عرف أنك مأجر العربية و الأهم أن التأمين حرام بقول جمهور العلماء.

**zangry** · 21-05-2014 05:38 AM

والله انا احترت ناس بتقول حلال وناس بتقول حرام .. بس هو عموما التأمين مش هيعمل مشكلة غير لو اللي كان سايق العربية وقت الحادثة معهوش رخصة

**S O P H O S** · 21-05-2014 02:43 PM

اعتقد المشكلة هتكون التأمين فعلا

**kokowasfy** · 21-05-2014 02:49 PM

حضرتك هتاخد عربيتك خردة من المعاملة الغير ادامية و السواقين الى هيشتغلو عليها مهما ادوك من فلوس مش هتعرف ترجع العربية تانى زى مكانت ابدا و الموضوع دا لية ناسو و لازم يكون حد مضمون الابعد الحدود موثوق فية و هتطلع خصران لو ملكش خبرة فى الموضوع دا

**ahmedfathi** · 21-05-2014 10:01 PM

موضوع مش مضمون

**حسن حسين** · 21-05-2014 10:07 PM

هوة انت لو مأمن على العربية التأمين بياخد كام فى الشهر واية الاجرأت اللى انت بتعملها

**Medicalist** · 21-05-2014 10:08 PM

بص يا باشا الى بيعمل حركه شبيهه بدى بعض الناس فى قرى الفلاحين جنب المنصورة
بيشترى عربيه جديده و بيخرج بيها مشاوير مهما كانت والمشوار ب200 و ب 300 جنيه فى اليوم
ولو في يوم فرح بتوصل ل 500 جنيه فى اليوم
بس مش عارف اولاد اللذينه دول بيظبطوها اازاى كل يوم يمكن بيبقوا عارفين بعض كويس