مشكلة فى تكييف كورولا عيون

عندى لما بشحن التكييف فى خلال اول اسبوع من الشحن بيفضي من الفيريون

المهم بعد اللف والدوران والشحن بأيدي انا وصلت لواحد معرفة وثقة عن طريق واحد صاحبي عند عمارات السعودية

شيك الدنيا لاقاها تمام وابتدى يشحنها لغاية مابقي التكييف تلاجة رصاص لدرجة انى مش بقدر اغير فى الكاسيت عشان الهوا الساقع مايجييش على ايدي وبعدها فى نفس الاسبوع بعد مثلا اربع ايام كان منهم يومين اصلا الجو سقعة ابتديت احس انو ادائه بيقل جدا لغاية لما مبقاش فى تكييف من الاثاث كلمت الراجل قالى تعالى وماتحملش هم والكلام ده

اول مارحتله اخوه الكبير خبره عنه فى الموضوع ده اول مابص فى العربية على الكمبريسور قالى الخراطيم دى هيا مشكلة فى خرطوم منهم ناقع زيت قالى ده فريون بيخرج عن طريق زيت من الخرطوم وده لازم تغيرهم الاتينين عشان اريح دماغى من الموضوع ده بعد كده , هما خرطومين خارجين من الكمبريسور

المهم بقي اجيب الخراطيم دى منين لانى لفيت عليهم امبارح فى شارع دمشق وكل واحد يحدفنى عند التانى واللى يقولى هاتهم استيراد واللى يقولى هاتهم جديد واروح عند محلات الجديد يقولى روح لبتاع الاستيراد ولما الاروح لبتاع الاستيراد يقولى روح شفهم جديد !! واللى يقولى اكبسهم عند الخراط كلمت الراجل فى التيلفون قالى ان الخراطيم اللى عندي مكبوسين قبل كده ومش هاينفعوه الاريح انى اجيب غيرهم عشان اريح دماغى

انا اعمل ايه دلوقتى اجيبهم جداد منين ولو هاجيبهم استيراد منين ؟؟؟ ويعملوا فى جدود كام وشكرآ

والدتى كان عندها نفس المشكلة فى العيون بتاعتها. بيتجابوا استيراد مش جديد. انا غيرت الكمبريسور مع الكاربراتير الاتنين استيراد ب 800 مع بعض محلولين قدامى بالبنزين بغيره بس السعر ده عشان اصحاب و كده. الكمبرسور كله على بعضه 350 و الخراطيم بتاعته 60 او 70.
بالنسبة للمكان اكيد الحرفيين مش هتلاقي فى دمشق. انا عن نفسي جايبهم من المنصورة. لو قفلت معاك قولي عشان انا قاعد في القاهرة و بسافر اسبوعيا ممكن اجيبهملك.

كل الخراطيم ممكن تكبس عادى جدا وعلى فكرة بيركب خراطيم جديدة وبتبقى ممتازة وبتشتغل عادى جدا
واسمة اية الراجل دة ال انت روحتلة؟

اقتباس:

---

المشاركة الأصلية كتبت بواسطة ahmed_elshafey

والدتى كان عندها نفس المشكلة فى العيون بتاعتها. بيتجابوا استيراد مش جديد. انا غيرت الكمبريسور مع الكاربراتير الاتنين استيراد ب 800 مع بعض محلولين قدامى بالبنزين بغيره بس السعر ده عشان اصحاب و كده. الكمبرسور كله على بعضه 350 و الخراطيم بتاعته 60 او 70.
بالنسبة للمكان اكيد الحرفيين مش هتلاقي فى دمشق. انا عن نفسي جايبهم من المنصورة. لو قفلت معاك قولي عشان انا قاعد في القاهرة و بسافر اسبوعيا ممكن اجيبهملك.

---

ياااااه انا نزلت جبت الخرطومين ب 300 جنيه بالعافية خرطومين بس بتوع الكمبروسر من الوكالة الحمدلله على كل شئ , تسلملى ياغالى ربنا يخليك مش عايزيين نتعبك

اقتباس:

---

المشاركة الأصلية كتبت بواسطة alaa7778

كل الخراطيم ممكن تكبس عادى جدا وعلى فكرة بيركب خراطيم جديدة وبتبقى ممتازة وبتشتغل عادى جدا
واسمة اية الراجل دة ال انت روحتلة؟

---

المشكلة ان الراجل قالى الخراطيم بتاعتى كانوا مكبوسين قبل كده فعشان كده قالى لازم يتغيروا
الراجل اسمه محمود الورشة بتاعته فين بقي وانت رايح مثلا من مدينة نصر بتعدى كوبرى الطاهرة اللى بعد اشارة روكسي وبعد اشارة جسر السويس هاتنزل من الكوبرى فى شارع يمين قبل البنزينة موبيل هاتدخله وهاتكمل عالطوووول هايقابلك تقاطع كده هاتعديه وتسأل على ورشة محمد ابو عبده هو بالمناسبة كهربائي وتكييف وعنده كمبيوتر بيشحن بيه مش زى الباقي شحن بلدى والكلام الفاضي ده وخد منى فى الشحن 220 جنيه عشان انا جايله من حد صاحبه

300؟؟؟؟؟؟؟ أصلى ولا ايه؟؟؟؟؟؟؟ الحاجات دى ما تستاهلش تتجاب أصلى يا باشا.

اقتباس:

---

المشاركة الأصلية كتبت بواسطة ahmed_elshafey

300؟؟؟؟؟؟؟ أصلى ولا ايه؟؟؟؟؟؟؟ الحاجات دى ما تستاهلش تتجاب أصلى يا باشا.

---

اصلى اه بس لما روحت امبارح لبتاع التكييف عشان يركبهم قالى مش بتوعهم وواحد نصحنى انى اكبس القدام احسن طالما الامونيوم شغال ومافيهووش حاجة

ورحت رجعتهم امبارح :)

معلومات تانية :

الكبس بتاعت خراطيم الكباس عبارة عن انو بيغير الخراطيم البلاستيك ويكبسها تانى فى قلب الالمونيا بتاعت الخرطوم القديم وده مثلا يتغير كل سنتين اول كل 3 سنين وتقريبآ بمبلغ 50 او 60 جنيه دى حاجة

المكان بقي اللى واحد ابن حلال دلنى عليه هناك قالى فى رمسيس قدام سنترال رمسيس اسأل على محل اسمه الصعيدي بس كده وانا ان شاء الله هاروح اعملهم انهارده

هات استيراد ولو اى خرطم زيه يديك نفس النتيجه ماشى كلها خراطيم يعنى لو فى بديل شغال