يحدعان هتجنن مش عارف الوجيهات بتتفك ازاى ؟؟!!!

يخونا العربيه بتقطع ومش عيزه تسحب .. وحسها هتبطل وتشتغل تانى معرفش ده اسمه ترتيل ولا تتليت مش عارف بصراحه ... المهم قولت ده اكيد بوجيهات وسلوكها ... جبت طقم سلوك ع طقم بوجيهات وقولت اغيرهم ... وعندى مفتاح بوجيهات .. احاول افك البوجيه من دول ابدا ... شمال يمين ابدا مش عايز يتعتع من مكان امه ... ادرجة انى شكيت انه بيتفك يمين مش شمال زى اى حاجه فى الدنيا ... ومع ذالك برده مش عايز يتعتع لا شمال ولا يمين ... قولولى بتتفك ازاى... ده اولا
...ثانيا هو اصلا توصيف المشكله صح زى ما قولت فعلا التقطيع ده بوجيهات واسلاك ولا ايه؟

ممكن توضح المشكله بالتفصيل علشان نقدر نساعدك صح

حط زيت باكم فوق البوجيه كده قبل ماتفكه وسيبه شويه بس خلى باللك مايلمسش لا جسمك ولا دهان العربيه

ممكن تكون من الموبينة مش شرط البوجيهات وواضح حد ربطها جامد ومع سخونة الموتور زنجرت

اقتباس:

---

المشاركة الأصلية كتبت بواسطة besso

حط زيت باكم فوق البوجيه كده قبل ماتفكه وسيبه شويه بس خلى باللك مايلمسش لا جسمك ولا دهان العربيه

---

علم وينفذ يا باشا

هجرب اللى حضرتك قولتلى عليه ويارب يتفكه

طول زراع القوة
يعنى تحط ماسوره فى يد مفتاح البوجيهات وجرب تفك

واضح ان الميكانيكى تقل ايده فى ربط البوجيهات
استنى و حاول تفك البوجيهات و الموتور بارد
و حاول تستخدم ماسوره طويله ( انا شخصيا بستخدم ماسوره كلابش الدركسيون) علشان تديلك عزم فى تدوير مفتاح البوجيهات

اقتباس:

---

المشاركة الأصلية كتبت بواسطة dr.solom

طول زراع القوة
يعنى تحط ماسوره فى يد مفتاح البوجيهات وجرب تفك

---

علم وينفذ يا كبير
هجرب اطول الدراع فعلا وربنا يسهل

اقتباس:

---

المشاركة الأصلية كتبت بواسطة khaled_sabry

واضح ان الميكانيكى تقل ايده فى ربط البوجيهات
استنى و حاول تفك البوجيهات و الموتور بارد
و حاول تستخدم ماسوره طويله ( انا شخصيا بستخدم ماسوره كلابش الدركسيون) علشان تديلك عزم فى تدوير مفتاح البوجيهات

---

تمان يااستاذ خالد
هجرب فعلا الموضوع ده ... شاكر جدا لهتمامك

أخي الكريم
مفتاح البوجيهات العادي هايكون ضعيف و ممكن دراعه يتكسر زي ما حصل معايا ... ممكن تشتري مفتاح بوجيهات ( ماسورة ) .. أنا عملت كده و شغال معايا كويس و الحمد لله .

هأت نفتاح ماسوره طويل و طول دراع العزم على قد ما تقدر حيفك معاك اكيد ان شاء الله و متربطهومش جامد كده تانى عشان متبوظش السن، نفس الموضوع ده حصل معايا بالظبط و حدبت مفتاح ماسوره و طولت دراعه اوى بعد ما مفتاح البوجيهات العادى اتكسر منى

و يكون الماتور بارد

تم تطويل زراع القوه كما افاد الساده اعضاء وخبراء المنتدى وتم فك البوجيهات بصوبه بالغه وتم تركيب الطقم الجديد وربطه بحظر (: ... شكرا لكل من افادنى بالمعلومه ... تحياتى للجميع