الموضوع: ياريت رأيكم فى ماكينة حلاقة الذقن باناسونيك es-sl41

المشاركة الأصلية كتبت بواسطة محمد مجدى

زى ماقولتلك الماكينة الكهرباء هاتزودلك المشكلة لانها بتنعم على الاخر وانت لازم ماتنعمش ؛ بالنسبة لنصيحة العضو ( الاستاذ ) انك تحلق كل اسبوع او تستخدم الملقاط علشان تطلع الشعر اللى تحت الجلد فده هايزودلك المشكلة اكتر ؛ لو انت شايف ان فيه التهابات دلوقتى جامدة يبقى حط نقطة من كريم بتنوفيت على الالتهابات وماتحلقش دقنك الا كمان يومين بعد استخدام بتنوفيت كل ليلة قبل ماتنام بربع ساعه ؛ كل التهاب بنقطة ؛ بس اوعى تحط اى كريم فيه كورتيزون على شفايفك او المنطقة اللى حوالين شفايفك ؛ المنطقة اللى حوالين شفايفك او شفايفك لو فيها التهاب يبقى حطلها كريم جينتامايسين وبرضه نقطة صغيرة فوق الالتهاب ؛ ماتنساش جيل انتونى لوجيستيك اللى قولتلك عليه لانه هايريحك اوى اوى ؛ لو حسيت ان فيه مناطق الشعر فيها محبوس حاول تطلع طرف الشعرة او اول الشعرة بدبوس طرحة بعد ماتسخنه على النار ؛ وتطلع الشعرة براحة ؛ لو حسيت انها معصلجة سيبها ؛ لكن ماتستخدمش ملاقط

لا مفيش اى التهابات حوالين الشفايف او منطقة الشنب خالص مهما حلقت بالموس ،،
الآلتهابات كلها فى الرقبة لكن باقى الدقن عادية جداً الحمدلله مش بتلتهب طول عمرها الرقبة هي همى الآكبر .
وبالنسبة لجيل انتوني لوجيستك انا كنت بحسب ان الصيدليات الكبيرة بتستورده لكن للآسف ملقتهوش فى خليل ولا العزبي ولا اى صيدلية كبيرة وسألت صيدلى صاحبي قاللى مش مهم الآسم التجارى للجيل انت لو تعرف تجبلي اسامى المواد الفعاله فى الجيل والنسب لكل مادة هو ممكن يعمللى تركيبة خاصة وده هايبقي اسهل وكمان اوفر
لآن اى علاج فى الدنيا عبارة عن المادة الفعالة هى الآساس بغض النظر عن الآسامي التجارية والشركة المنتجة والمصنعة للجيل .
وبالنسبة لجيليت جارد انا اشتريتها وهبدأ احلق بيها مع انى جربتها قبل كدة وعارف انها عشان موس واحد بتبقا حلاقتها مش حلوة شوية ولو حلقت وش واحد بس بتفوت شعر ماتحلقهوش وتلاقي فى الآخر دقنك اماكن اتحلقت كويس واماكن متحلقتش كويس وباين ان فيها شعر و ده بيخلي شكلها وحش وبضطر للآسف انى اخد وش تانى عشان اشيل الشعر الى ماتشالش .
وبالنسبة للكريم انا اشتريت فوم نيفيا للبشرة الحساسة لآن سبق ونصحني دكتور بالفوم مش الجيل ولا الكريم لآنه انعم حاجة على البشرة ورغوته بتسهل الحلاقة جداً .

المشاركة الأصلية كتبت بواسطة ahmedjemy

انا كنت بعاني من نفس المشكله وجربت كل انواع مكن الحﻻقه الموس ومفيش فايده وحطيت اغلب كريمات العنايه بالبشره بعد الحﻻقه وكمان اغلب المضادات الحيويه وهى هى نفس المشكله كل مره بعد الحﻻقه رقبتي تلتهب يومين وحبوب بيضه تنتشر وكم يوم كمان تبتدي حبوب تطلع عباره عن شعر نمى تحت الجلد . الحل النهائي و السحري مكنه حﻻقه ذقن كهرباء زي بتاعه الحﻻق بس للدقن علشان فى النوع الكبير لشعر الراس , النوع الكويس بيحلق دقنك وبيبقى شكلها زي ما يكون محلوقه بموس من يوم او اكتر حاجه بسيطه بس بعد استخدامها كابوس الحﻻقه رراح الحمد لله . كل الفكره ان الشعره ما تتحلقش لمستوى اقل من مستوى البشره علشان الاحتكاك بيلهب البشره والشهر لما بيطلع البشره بتقفل عليه بشكل او باخر فيعمل حبوب الشعر المؤلمه جربها عند حﻻق بس سيب دقنك ترناح شويه وشوف الفرق لو عجبتك اشتري منها ودي شكل المكنه بتاعتي حاليا . شفاك الله وعافاك.

http://images.littlewoods.com/is/ima...3_08_PK0D2.jpg

فعلا انت عندك حق اى Trimmer عموما نادر جدا انها تسبب التهابات عكس الـElectric Shaving سواء كانت Foil او Rotary لآنها مش بتنعم دي بتشيل الشعر بس من فوق سطح الجلد زي الشعر بالظبط .

كنت بفكر بردو اشتري فيليبس مالتى جروم ودى Trimmer مش Shaving بس شفراتها ضيقة وبتعرف تشيل شعر الدقن الصغير كويس

بس كان نفسي اعيش طبيعي زي الناس الى بتنعم لآنكو اكيد عارفين فرق المظهر لما دقنك بتبقا محلوقة بالموس وناعمة بيبقا وشك منور

بص هى دى المواد الفعالة فى الجيل ؛ لكن المشكلة فى النسب ؛ ومفيش اى شركة هاتقولك النسب بتاعتها ايه لان ده سر نجاحها ولو اعلنوا النسبة يبقى اى حد يقدر يعمل المنتج بتاعهم Water (Aqua Purificata) Purified, SD Alcohol, Propylene Glycol, Glycolic Acid, Hydroxyethylcellulose, Ammonium Hydroxide, Phytic Acid, Salicylic Acid, Tetrasodium EDTA, Blue 1 (CI 42090), Epilobium Angustifolium Flower/Leaf/Stem Extract, Saccharaide Isomerate, Lavendula Angustifolia (Lavendar) Oil, Yellow 5 (CI 019140).