الموضوع: انذار للنسيان

العربيه فيها انذار Built in
جاى فيها وبيتم تفعيله فى الضمان فى الصيانه عند اول صيانه ال 1000

طبيعته انه انذار ضد السرقه وليس ضد اللمس

بمعنى لو حد كسر الزجاج وفتح الابواب او الشنطه العربيه هتزمر ويشتغل الانذار

لو تم فتح الباب بمفتاح حتى لو اصلى وانت كنت قافله بالريموت العربيه برضه هتزمر

كمان فيها اموبلايزر وده ضد السرقه لو عملت مفتاح غير بتاعها اصلى وحطيته مش هيدور العربيه

نسيت اقولك لو عايز تركب انذار علشان لو حد لمس العربيه تزمر فجيبه وركبه فى التوكيل علشان ماتخرجش من الضمان

بالاضافة لكلام دكتورنا المحترم بالمرة وانت فى التوكيل علشان تفعل الانذار ( مجانا فى اوتو ايجيبت ابو رواش ) خليهم يفعلوا السنتر لوك والانذار والسنتر سوفت وير مايخدش عشر دقايق بأذن الله

المشاركة الأصلية كتبت بواسطة islamgk10

متشكر والله جدا يا دكتور ابراهيم ويا استاذ ميدؤ يعنى من كلامكم ده انا مش محتاج اشترى انذار لو فيها بس لازم استنى اعمل 1000 كليو !

بس هو انا ممكن اروح توكيل تانى( modern motors) ولا زلام ابو رواش اصله مودورن قريب منى ؟ جزاكم كل خير والله على المشاركه ؟

ممكن طبعا تروح مودرن او اي حاجة بس انا قلتلك اوتو علشان انا متأكد ان تفعيل السنتر والأنذار مجانى عندهم .. وعموما لو ماكملتش 1000 ك اتصل واحجز ميعاد وهناك قولهم الانذار مهم للعربية وانا مستعجل عليه وخلى صيانة ال 1000 لوقتها

المشاركة الأصلية كتبت بواسطة khalid tarek

لو سمحت هوا فى اوبشنز تانيه بتحتاج تفعيلها فى التوكيل او تفعيلها بطريقه معينه فى العربيه ؟ و ايه هيا الحاجات الى بتبقى فى العربيه محتاجه تفعيل ؟

تفعيل السنتر لوك ممكن تفعله بدون الحاجه للتوكيل
لتفعيل غلق الابواب ذاتيا بعد سرعه 15 ك

ادخل العربيه واقفل الابواب وحط المفتاح فى الكونتاكت لفه لفه بسيطه على وضع ال on بدون ماتدور وبعدين فيه زرار لوك للسنتر ناحيه باب السائق عليه علامه غلق وعلامه فتح
اضغط ضغطه طويله على علامه اللوك او الغلق لغايه لما ينور فليشر العربيه مرتين

بكده تم تفعيل السنتر لوك للابواب بحيث تغلق ذاتيا اول ماتمشى بالعربيه

تفعيل فتح الابواب ذاتيا بمجرد اخراج المفتاح من الكونتاكت

نفس العمليه

حط المفتاح ولفه لوضع ال on
اضغط ضغطه طويله على علامه الفتح للسنتر من الزر الاسفل بباب السائق حتى يضئ الفليشر مرتين

كده تم تفعيل الفتح الذاتى للابواب بمجرد ايقاف المحرك واخراج المفتاح



بس انا ارى عدم تفعيل غلق الابواب ذاتيا لان كثير من الناس لما بتركب معاك وعاوز تنزلهم بيحط ايده الاول على اوكره الباب قبل انت ماتفتح اللوك وبالتالى بيعمل مشكله وممكن احيانا تؤدى لكسر الاوكره

انا بعد مافعلته قمت بالغاء تفعيله

ولالغاء تفعيل خاصيه غلق الابواب الذاتى فى حاله ان كنت فعلته

حط المفتاح فى الكونتاكت ولفه لوضع on
اضغط ضغطه طويله على زر اللوك اللى فوق ناحيا باب السائق اللى انت فعلت منه الغلق الذاتى لغايه لما ينور الفليشر تانى

كده يبقى انت لغيت تفعيل الغلق الذاتى

اما خاصيه الفتح الذاتى فحلوه خليها

المشاركة الأصلية كتبت بواسطة khalid tarek

الف شكر يا استاذ ابراهيم وياريت لو فى اى اوبشنز تانيه مش واضحه فى العربيه حضرتك تعرفنا ايه هيا لانى مكنتش اعرف موضوع السنتر ده والله اعلم فى ايه تانى الناس ممكن متاخدش ببالها منه وشكرا مره تانه :)

1- لما بتفتح العربية من الريموت بتقفل نفسها تانى بعد ثوانى لو مافتحتش اى باب من ابواب العربية

2- لو ماشى فى حارة وعايز تغير الحارات مش لازم تجيب دراع الأشارة للاخر مجرد حركه بسيطه فى الاتجاه اللى انت عايزه وهو هايشغل الاشاره 3 مرات بس ويفصل

3- لو نسيت انوار العربية و مشيت بتديك انذار

لو افتكرت حاجة تانى هاقولك