خد بالك علشان ما يتنصبش عليك ...
اهم حاجة و انت بتشترى عربية تستعلم عن ملف العربية من المرور التابع لها يعنى تاخد رقم الشاسية والماتور و تكشف عليهم .
لانى كت هشترى عربية باسات 2012 و كل حاجة ماشية تمام جدااا و كتبنا عقد ابتدائى , بس انا لشىء لا يعلمه الا الله كنت قلقان , فكلمت واحد قريبى ضابط بقوله قدامى عربية مرور القنطرة شرق بورسعيد لقيته بيقولى : لأ لأ لأ , ابعد عنها تماما :dontudear: ليه طيب ؟؟!!!
قالى ان معظم عربيات المنطقة دى يا اما متهربة من ليبيا و مضروب لها ورق و نمر يا اما مسروقة و معمول لها نفس الحركة . ممكن تكون العربية دى تمام بس ابعد عن الشبهه .
اديته بيانات العربية و المفاجأة ان ملف العربية فى اسم مختلف خالص و الراجل كان بيقولى فيها رخصة 3 سنين , طلعت سنة واحدة ده غير انها طلعت مرور قنطرة غرب اسماعيلية مش زى ما هو قالى يعنى :019F3B~14:
و الراجل الى المفروض بيبعلى مجبش سيرة ان العربية فيها توكيلات او اى حاجة و حتى العقد الابتدائى كتبناه باسمه مش بصفته وكيلا عن حد ..
و الحمد لله ربنا يسر الامور و استرديت العربون ..
انا للاسف ما كنتش مركز و كانت العربية واخده عقلى تمام :shyy: و مش فاكر فعلا الاسم الى كان مكتوب فى الرخصة , بس سواء الراجل ده ظالم او مظلوم , انا حبيت انبه الناس انها تكون مركزة و هى بتشترى و تستفسر عن كل حاجة و لو عرفت تاخد صورة من الرخصة او بيانتها كاملة و تروح تستعلم عنها بدل لا قدر الله ما يكون فى حاجة غلط ..
بس كلمة حق , العربية دى خرافية فعلا من جوه و من بره , و سحبها رهييييييييب و الفتيس ال dsg ده حلو جدااا و مش بتحس بيه تماما
ربنا يبارك للى معاه العربية دى .
و ربنا ييسر لنا الخير ..