الموضوع: الأسطورة الأمريكية سيارة موستانج فورد ( Ford Mustang)

المشاركة الأصلية كتبت بواسطة shnory

يا عواني بيك انت اللي منور المنتدي
بعيدا عن الحكومات واسعار الوقود
كده ولا كده حتحط بنزين 92 في العربيه دي زي ما بتحط في عربيتك واحيانا بحطه في عربيتي برضه
احنا معندناش طرق تصلح ان العربيات دي تمشي فيها
امبارح جت سيره موضوعك ده في مناقشه بيني وبين صديق سعودي كنت قاعد معاه
فسالته عليها وعلي فرق الاسعار فقالي عندنا تدفع 1500 ريال وتستلمها وتقسط الباقي
هي او الكمارو او التشارجر او اي عربيه عموما
هو كان معاه اودي tt 6 سلندر توين تربوا وحاليا معاه هيونداي ازيرا هناك
ولما جت سيره السواقه والجري والطرق
قالي عندنا مشيت علي سرعه 360 كيلوا بالاودي وفيها دوسه بنزين بعد تقفيل العداد ربنا بس اللي يعلم سرعتها
وياما قفل عدادات عربيات وفضل مثبت سرعه لمده نص ساعه علي اقل تقدير
دا مش موضوع عربيه
دا موضوع طريق واسفلت وخدمات
عندنا هنا هرجله
عندهم لو الملك دخل عكس اتجاه بيتمسك
بيقولي لما تلاقي 6 عربيات شرطه ودوريات تعرف ان فيه واحد دخل عكس اتجاه
قولتله عندنا لما تشوف العدد ده تعرف ان فيه قنبله
عندنا يا باشا فيه ناس بتمشي عكس علي الصحراوي
فيه مطبات صناعي وطبيعي واهالي علي اسرع الطرق المصريه
ازاي حركب عربيه زي دي ايا كان تمنها ؟؟
حمشي بيها فين ؟

نظبط الاول ثقافه الناس
نظبط الطرق والخدمات
نظبق قوانين حازمه للمرور
واشتري عربيات براحتك وطالب برفع الجمارك
وطالب باحلال العربيات القديمه بعدها
واجري يا معلم وقفل عداد (:

العربيات ديه متنفعش هنا
حتى المصرى المغترب اللى بيروح الخليج المفروض رايح ومتغرب علشان يجيب قرش
مش علشان يجيب عربيات زى ديه
معظم المصريين اللى هناك بيركبوا العربيات الشائعة المتوفرة اللى قطع غيرها رخيصه هناك زى الكورولا مثلاً
يابيه احنا عايزين نعيش
بس يسيبونا فى حالنا
بالنسبة للعربيات ديه فى الجنة بقى ان شاء الله