هو الحقيقة انا معرفش سعرContinental لسه تقييم السعر لما استقر على 3 أنواع مثلا
بس مش عارف ليه محدش بيرشح الجوديير رغم أنه من 6 الكبار الشركة امريكية وصناعة تركى؟؟
جزاك الله كل خير
عرض للطباعة
أنا غلطت (( الجوديير صناعة بولندى مش تركى))
لذا وجب التصحيح
طيب لو حصرنا الأختيارات بالترتيب الأتى:
1- جوديير
2- بيرللى
3- يوكوهاما سى درايف
4- كومهو سولوسkh17
يبقى أيه رأيكم؟؟
بالنسبة للمقاس انا رديت عليك فى رسالة خاصة ..
النوع بقى : ارشحلك اليوكوهاما سى درايف لأنه الوحيد فالمجموعة المعروضة يابانى الصنع و من بلد المنشأ عكس الباقيين : يعنى الباقى اه حلو و كده بس مش صناعة بلد المنشأ بتاعته ...
اليوكوهاما سعره فالمعقول يعنى غالبا بتتكلم فى حدود 400 للفردة ممكن تزيد شوية ... بس كاوتش طرى و حلو و صوته خفيف .. يعيبه العمر الافتراضى غالبا 40000 كم ...
طبعا لا يعلى على البريدجستون اليابانى (تورانزا جى ار 90) بس سعره هيكون غالى فى حدود 600 الى 700 للفردة. و ده من توكيله فيت اند فيكس..
هل المقاس 185 عريض على البيكانتو؟؟
انا كنت في نفس حيرتك بالظبط
اولا : انا اكتشفت ان اليوكوهاما قليل جداا في السوق هو والاسا وده هيسبب مشكله لو احتجت فرده لوحدها مافيش محل هيرضي يبعلك
ثانيا : تاجر كبير جداااااا ابلغني ان معظم الكاوتش كفاءه واحده بدليل عندي الهانكوك قعد عندي 50 الف من غير اي مشاكل مع اني مش معترف اصلا بالماركه ديه
ثالثا : انا اخترت اشتري كاوتش منتشر في السوق علشان اضمن ان فيه ناس مجرباه
والحمد لله اشتريت كاوتش كومهو سولس فتنامي اللي بينزل في الكيا ريو وسعر الفرده 340 جنيه يعني ارخص ب 110 عن اليوكوهاما
صدقني مافيش فرق كبير بين انواع الكاوتش في العالم كله
ايهما افضل الفردة الكومهو الفيتنامى والا الكورى ؟؟؟
واية رايكم فى البريد جستون التلايلاندى موديل my-02 ???